„საქართველოს თავდაცვის სამინისტროს დებულების დამტკიცების შესახებ“ საქართველოს პრეზიდენტის 2004 წლის 5 აპრილის №119 ბრძანებულებაში ცვლილების შეტანის თაობაზე

საქართველოს პრეზიდენტის

ბრძანებულება №151

2012 წლის 29 თებერვალი

ქ. თბილისი

„საქართველოს თავდაცვის სამინისტროს დებულების დამტკიცების შესახებ“ საქართველოს პრეზიდენტის 2004 წლის 5 აპრილის №119 ბრძანებულებაში ცვლილების შეტანის თაობაზე

1. „ნორმატიული აქტების შესახებ“ საქართველოს კანონის მე-20 მუხლის შესაბამისად, „საქართველოს თავდაცვის სამინისტროს დებულების დამტკიცების შესახებ“ საქართველოს პრეზიდენტის 2004 წლის 5 აპრილის №119 ბრძანებულებით (სსმ III, 2004 წ., №38, მუხ. 308) დამტკიცებულ დებულებაში შეტანილ იქნეს დამატებები და დებულების მე-5 მუხლის:

ა) პირველ პუნქტს დაემატოს შემდეგი შინაარსის „პ“ ქვეპუნქტი:

„პ) სამხედრო მრჩეველთა საბჭო.“;

ბ) მე-4 პუნქტს დაემატოს შემდეგი შინაარსის „პ“ ქვეპუნქტი:

„პ) სამხედრო მრჩეველთა საბჭო:

პ.ა) ახორციელებს საქართველოს შეიარაღებული ძალების ტრანსფორმაციის პროცესის მხარდაჭერას;

პ.ბ) ახორციელებს საქართველოს შეიარაღებულ ძალებში არსებული შესაძლებლობების ანალიზს, ნაკლოვანებების გამოვლენასა და მათ აღმოსაფხვრელად შესაბამისი რეკომენდაციების მომზადებას;

პ.გ) თავდაცვისა და უსაფრთხოების სფეროში კონცეპტუალური დოკუმენტების შემუშავების პროცესში უზრუნველყოფს შესაბამისი რეკომენდაციების მომზადებას.“.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი