„ყაზბეგის მუნიციპალიტეტის გამგეობის დებულების დამტკიცების შესახებ“ ყაზბეგის მუნიციპალიტეტის საკრებულოს 2010 წლის 31 აგვისტოს №12 დადგენილებაში ცვლილების შეტანის თაობაზე

 ყაზბეგის მუნიციპალიტეტის საკრებულოს

დ ა დ გ ე ნ ი ლ ე ბ ა №8

2012 წლის 24 თებერვალი

დაბა სტეფანწმინდა

„ყაზბეგის მუნიციპალიტეტის გამგეობის დებულების დამტკიცების შესახებ“  ყაზბეგის მუნიციპალიტეტის საკრებულოს 2010 წლის 31 აგვისტოს  №12 დადგენილებაში ცვლილების შეტანის თაობაზე

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტის, 43-ე მუხლის მე-2 პუნქტისა და „ნორმატიული აქტების შესახებ“ საქართველოს კანონის მე-20 მუხლის შესაბამისად,

ყაზბეგის მუნიციპალიტეტის საკრებულო  ა დ  გ ე  ნ ს:

მუხლი 1. ყაზბეგის მუნიციპალიტეტის  საკრებულოს 2010 წლის 31 აგვისტოს №12 დადგენილებით დამტკიცებულ ყაზბეგის მუნიციპალიტეტის გამგეობის დებულებაში(სსმ V, №26,17.09.2010, მუხ.706)შეტანილ იქნეს შემდეგი სახის ცვლილება:

1. დებულების პირველი მუხლის მე-2 პუნქტი ჩამოყალიბდეს შემდეგი რედაქციით:

  „2. გამგეობა შედგება გამგეობის  ხელმძღვანელი  თანამდებობის პირების, სტრუქტურული ერთეულებისა   და  თვითმმართველი  ერთეულის  ტერიტორიული  ორგანოებისაგან;“

2. მე-4 მუხლის პირველი პუნქტი ჩამოყალიბდეს შემდეგი რედაქციით:

  „1. გამგეობის სამსახურებისა და თვითმმართველი ერთეულის ტერიტორიული ორგანოების თანამდებობათა დასახელებები მოქმედი კანონმდებლობისა და ამ დებულების შესაბამისად განისაზღვრება  გამგეობის   საშტატო  ნუსხით,  რომელსაც  შეიმუშავებს  გამგებელი  და ამტკიცებს საკრებულოს თავმჯდომარე.“.

3. მე-7 მუხლის მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:

  „ა) საკრებულოს დასამტკიცებლად წარუდგენს  გამგებლის  მიერ შემუშავებული გამგეობის დებულების, სტრუქტურული ერთეულებისა და თვითმმართველი  ერთეულის ტერიტორიული ორგანოების დებულებების პროექტებს.“.

4. მე-8 მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

 „ბ) საჯარო სამსახურის შესახებ“  საქართველოს  კანონის  შესაბამისად  თანამდებობიდან ათავისუფლებს გამგეობის საჯარო მოსამსახურეებს“.

5. მე-8 მუხლის მე-3 პუნქტის „თ“ ქვეპუნქტი ჩამოყალიბდეს შემდეგი რედაქციით:

 „თ) საკრებულოსა და  საკრებულოს თავმჯდომარის  გადაწყვეტილებების შესასრულებლად ანაწილებს   დავალებებს  გამგეობის  სტრუქტურულ  ერთეულებსა  და  თვითმმართველი ერთეულის ტერიტორიულ ორგანოებს შორის.“.

6. მე-8 მუხლის მე-3 პუნქტის „ი“ ქვეპუნქტი ჩამოყალიბდეს შემდეგი რედაქციით:

 „ი) ამტკიცებს სტრუქტურული ერთეულებისა და თვითმმართველი ერთეულის ტერიტორიული ორგანოების სამუშაო გეგმებს.“.

7. მე-8 მუხლის მე-3 პუნქტს დაემატოს შემდეგი სახის „ო“, „პ“ და „ჟ“ ქვეპუნქტები:

 „ო) გამოსცემს ადმინისტრაციულ-სამართლებრივ აქტს სამშენებლო საქმიანობაზე ზედამხედველობის სამსახურის მიერ გამოვლენილ სამართალდარღვევის საქმის წარმოების დაწყებისა და დამრღვევის დაჯარიმების შესახებ, საქართველოს კანონმდებლობის დარღვევით მიმდინარე მშენებლობისა და საქართველოს კანონმდებლობის დარღვევით აშენებული შენობა-ნაგებობის მშენებლობის მთლიანად ან ნაწილობრივ შეჩერებისა და დემონტაჟის, უნებართვო დემონტაჟის შეჩერების შესახებ, დამრღვევის მიერ დაკისრებული ჯარიმის გადაუხდელობის შემთხვევაში საურავის დაკისრების შესახებ;

  „პ) იღებს გადაწყვეტილებას სადღესასწაულო და წინასადღესასწაულო დღეებში, ასევე სხვა ფართო მასშტაბიანი ღონისძიებებისა და აქციების მოწყობისას გარე ვაჭრობის ორგანიზების მიზნით დამატებითი ადგილების გამოყოფაზე თაობაზე;

 „ჟ) იღებს გადაწყვეტილებას გარე ვაჭრობისათვის განკუთვნილი ადგილების გამოყოფაზე დაბა სტეფანწმინდის ქუჩებზე, საერთაშორისო და შიდა სახელმწიფოებრივი გზების მიმდებარე და სოფლების ცენტრალური ქუჩების ტერიტორიებზე.

8. მე-10 მუხლის პუნქტი პირველი ჩამოყალიბდეს შემდეგი რედაქციით:

  „1.გამგეობა შედგება  სტრუქტურული ერთეულებისა  და თვითმმართველი ერთეულის ტერიტორიული ორგანოებისაგან“.

9. მე-11 მუხლის მე-4 პუნქტის „დ“ ქვეპუნქტი ჩამოყალიბდეს შემდეგი სახით:

  „დ) მუნიციპალიტეტის   გამგეობის   ეკონომიკური  განვითარების,   სტატისტიკური ინფორმაციის, ქონების მართვის და ადგილობრივი მოსაკრებლების სამსახური;“.

10. მე-11 მუხლის მე-4 პუნქტს დაემატოს შემდეგი სახის „ი“ ქვეპუნქტი:

 ი) მუნიციპალიტეტის სოფლის მეურნეობის განვითარების სამსახური;”.

11. მე-12 მუხლი ჩამოყალიბდეს შემდეგი რედაქციით:

    „თვითმმართველი ერთეულის ტერიტორიული ორგანოები“

 1. მუნიციპალიტეტის თვითმმართველი ერთეულის ტერიტორიული ორგანოებია:

  ა) თვითმმართველი ერთეულის დაბა სტეფანწმინდის ტერიტორიული ორგანო   (სამოქმედო ტერიტორია: დაბა სტეფანწმინდა, სოფლები: ცდო და გველეთი);

  ბ) თვითმმართველი ერთეულის სნოს ტერიტორიული ორგანო;  (სამოქმედო ტერიტორია – სოფლები: სნო, აჩხოტი, კარკუჩა, ახალციხე, ჯუთა, ქოსელი, ართხმო);

 გ) თვითმმართველი ერთეულის სიონის ტერიტორიული ორგანო;

 (სამოქმედო ტერიტორია – სოფლები: სიონი, არშა, გარბანი, გაიბოტენი,თოთი, ფანშეტი, ვარდისუბანი);

დ) თვითმმართველი ერთეულის გორისციხის ტერიტორიული ორგანო (სამოქმედო ტერიტორია – სოფლები: გორისციხე, ფხელშე, ტყარშეტი, ხურთისი,ყანობი);

ე) თვითმმართველი ერთეულის კობის ტერიტორიული ორგანო (სამოქმედო ტერიტორია – სოფლები: კობი, უხათი, ალმასიანი, აბანო, გიმარა, დესი, ზემო ოქროყანა,    ქვემო    ოქროყანა,   შევარდენი,   ცოცოლთა,   კართსოფელი,  კეთრისი, ტეფი, ბურმასიგი, სუატისი, რესი);

 ვ) თვითმმართველი ერთეულის გუდაურის ტერიტორიული ორგანო (სამოქმედო ტერიტორია – სოფლები: გუდაური, განისი, ერეთო, სოკურიანი, ფალაგყაუ,  ქუმლისციხე);

 2. თვითმმართველი ერთეულის ტერიტორიული ორგანოს საქმიანობას წარმართავს  თვითმმართველი  ერთეულის  რწმუნებული,  რომელიც ანგარიშვალდებულია გამგებლის   წინაშე.

15. მე-13 მუხლის პირველი პუნქტი ჩამოყალიბდეს შემდეგი სახით:

„1. გამგეობის რეორგანიზაცია არის სტრუქტურული და ფუნქციური ცვლილებების    ერთობლიობა, რომლებიც ერთდროულად შეეხება ორ ან მეტ სამსახურს ან თვითმმართველი ერთეულის ტერიტორიულ ორგანოს;“.

16. მე-13 მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) თვითმმართველი ერთეულის ტერიტორიული ორგანოს დებულებაში ცვლილებებისა და დამატებების პროექტის მომზადება, თუ რეორგანიზაცია შეეხება თვითმმართველი ერთეულის ტერიტორიული ორგანოს ფუნქციურ ცვლილებებს“.

17. მე-13 მუხლის მე-3 პუნქტის „გ“ ქვეპუნქტი ჩამოყალიბდეს შემდეგი რედაქციით:

 „გ) სალიკვიდაციო ღონისძიებები, თუ რეორგანიზაცია გულისხმობს სტრუქტურული ერთეულის და/ან თვითმმართველი ერთეულის ტერიტორიული ორგანოს გაუქმებას“.

18. მე-16 მუხლის მე-2 პუნქტის „ე“ ქვეპუნქტი ჩამოყალიბდეს შემდეგნაირად:

 ე) .„მოითხოვოს სამსახურებრივი მოკვლევა და გამოძიება;”.

19. მე-20 მუხლის პირველი პუნქტი ჩამოყალიბდეს შემდეგი რედაქციით:

 „1. თვითმმართველი ერთეულის ტერიტორიული ორგანოს ხელმძღვანელს – თვითმმართველი ერთეულის რწმუნებულს „საჯარო სამსახურის შესახებ“ საქართველოს კანონისა და გამგეობის დებულების  შესაბამისად თანამდებობაზე ნიშნავს და თანამდებობიდან ათავისუფლებს გამგებელი“.

20. მე-20 მუხლის მე-2 პუნქტის „ა“, „ბ“, და „გ“ ქვეპუნქტები ჩამოყალიბდეს შემდეგი რედაქციით:

 „ა) წარმართავს თვითმმართველი ერთეულის ტერიტორიული ორგანოს საქმიანობას;“

  „ბ) ახორციელებს „ადგილობრივი თვითმმართველობის შესახებ“ საქართველოს ორგანული კანონის 42-ე მუხლის მე-3 და მე-4 პუნქტებით განსაზღვრულ უფლებამოსილებებს და უზრუნველყოფს თვითმმართველი ერთეულის ტერიტორიული ორგანოს დებულებით განსაზღვრული ფუნქციების განხორციელებას;

გ) გამგებელს დასამტკიცებლად წარუდგენს თვითმმართველი ერთეულის ტერიტორიული ორგანოს სამუშაო გეგმებს“.

21. მე-20 მუხლის მე-2 პუნქტის „ე“ ქვეპუნქტი ჩამოყალიბდეს შემდეგი სახით:

  „ე) ამზადებს და გამგებელს წარუდგენს ანგარიშებს თვითმმართველი ერთეულის ტერიტორიული ორგანოს მიერ სამუშაო გეგმებით და გამგებლის ცალკეული დავალებებით განსაზღვრული სამუშაოების შესრულების შესახებ“;

22. მე-20 მუხლის მე-2 პუნქტის „ვ“ ქვეპუნქტი ჩამოყალიბდეს შემდეგი სახით:

 „ვ) უზრუნველყოფს დადგენილი წესით თვითმმართველი ერთეულის ტერიტორიული ორგანოს საქმისწარმოებას“.

23. მე-20 მუხლის მე-2 პუნქტის „თ“ ქვეპუნქტი ჩამოყალიბდეს შემდეგი სახით:

თ) ახორციელებს მოქმედი კანონმდებლობით, ამ დებულებითა და თვითმმართველი ერთეულის ტერიტორიული ორგანოს დებულებით განსაზღვრულ სხვა უფლებამოსილებებს“.

24.მე-20 მუხლის მე-3 პუნქტი ჩამოყალიბდეს შემდეგი რედაქციით:  

 3. თვითმმართველი ერთეულის ტერიტორიული ორგანოს ხელმძღვანელი – თვითმმართველი ერთეულის რწმუნებული ანგარიშვალდებულია გამგებლის წინაშე“.

25.28-ე მუხლის პირველი პუნქტი ჩამოყალიბდეს შემდეგნაირად:

 „1.მოხელის თანამდებობაზე დანიშვნა-გათავისუფლების (აგრეთვე მოხელის საკუთარი ინიციატივით  განთავისუფლებისა),  აგრეთვე  გამგეობის  საჯარო    მოსამსახურესთან შრომითი     ხელშეკრულების   დადება-გაუქმების    საკითხებთან    დაკავშირებით ადმინისტრაციული წარმოება გამგეობაში დაიწყება მუნიციპალიტეტის ადმინისტრაციული სამსახურის უფროსისადმი გამგებლის წერილობითი დავალების საფუძველზე“;

26. 30-ე მუხლის მე-3 პუნქტი ჩამოყალიბდე შემდეგი რედაქციით:

„3. საკრებულოს თავმჯდომარის ბრძანების ბათილად ცნობა შეუძლია საკრებულოს თავმჯდომარეს, სასამართლოს, აგრეთვე თუ ბრძანება გამოცემულია დელეგირებული უფლებამოსილებების სფეროში და გასაჩივრებულია დაინტერესებული მხარის მიერ, – სახელმწიფო ზედამხედველობის ორგანოს“; ხოლო გამგებლის ბრძანების ბათილად ცნობა შეუძლია გამგებელს, სასამართლოს, აგრეთვე თუ ბრძანება გამოცემულია დელეგირებული უფლებამოსილებების სფეროში და გასაჩივრებულია დაინტერესებული მხარის მიერ– სახელმწიფო ზედამხედველობის ორგანოს“.

27. 30-ე მუხლის მე-4 პუნქტი ჩამოყალიბდეს შემდეგი რედაქციით:

 „4.გამგებლის  ბრძანების ძალადაკარგულად გამოცხადება საქართველოს ზოგადი ადმინისტრაციული კოდექსითა და საქართველოს ადმინისტრაციულ საპროცესო კოდექსით განსაზღვრულ შემთხვევებში და განსაზღვრული წესით შეუძლია გამგებელს და სასამართლოს“.

 მუხლი 2. დადგენილება ძალაშია გამოქვეყნებისთანავე;

საკრებულოს თავმჯდომარე                      გ. მალანია