,,თერჯოლის მუნიციპალიტეტის გამგეობის არქიტექტურულ–სამშენებლო საქმიანობაზე ზედამხედველობისა და ინფრასტრუქტურის სამსახურის დებულების დამტკიცების შესახებ’’ თერჯოლის მუნიციპალიტეტის საკრებულოს 2010 წლის 17 სექტემბრის №30 დადგენილებაში ცვლილების შეტანის თაობაზე

თერჯოლის მუნიციპალიტეტის საკრებულოს

დადგენილება №8

2012 წლის 17 თებერვალი

ქ. თერჯოლა

 ,,თერჯოლის მუნიციპალიტეტის გამგეობის არქიტექტურულ-სამშენებლო საქმიანობაზე ზედამხედველობისა და ინფრასტრუქტურის სამსახურის დებულების დამტკიცების შესახებ’’  თერჯოლის მუნიციპალიტეტის საკრებულოს 2010 წლის 17 სექტემბრის №30 დადგენილებაში            ცვლილების შეტანის თაობაზე

  ,,ნორმატიული აქტების შესახებ” საქართველოს კანონის მე-20 მუხლის შესაბამისად, თერჯოლის მუნიციპალიტეტის საკრებულომ დაადგინა:

მუხლი 1. თერჯოლის მუნიციპალიტეტის საკრებულოს 2010 წლის 17 სექტემბრის №30 დადგენილებით დამტკიცებულ ,,თერჯოლის მუნიციპალიტეტის გამგეობის არქიტექტურულ-სამშენებლო საქმიანობაზე ზედამხედველობისა და ინფრასტრუქტურის სამსახურის დებულებაში” (სსმ V, №34, 06.10.2010 წელი, მუხლი 1005) შეტანილ იქნეს შემდეგი ცვლილება:

 1. მე-2 მუხლის ,,ვ’’ ქვეპუნქტი ჩამოყალიბდეს შემდეგი რედაქციით:

  ,,ვ) მუნიციპალიტეტის ტერიტორიულ ორგანოებთან ურთიერთობა და მეთოდოლოგიური მომსახურება.’’

2. მე-3 მუხლის მე-6 პუნქტი ჩამოყალიბდეს შემდეგი რედაქციით:

 ,,6. მუნიციპალიტეტის ტერიტორიულ ორგანოებთან ურთიერთობის სფეროში სამსახური დადგენილი წესით უზრუნველყოფს:

ა) მუნიციპალური სამსახურებისა და მუნიციპალიტეტის ტერიტორიული ორგანოების ერთმანეთთან კომუნიკაციას;

ბ) მუნიციპალიტეტის ტერიტორიულ ორგანოთა მიერ ფუნქციათა განსახორციელების მიზნით სარეკომენდაციო და მეთოდოლოგიურ დახმარებას;

გ) მუნიციპალიტეტის ტერიტორიული ორგანოების საქმიანობის შესახებ ინფორმაციის საფუძველზე, პრობლემური საკითხების შესწავლას, ანალიზს და გასატარებელ ღონისძიებათა შესახებ წინადადებების მომზადებას;

დ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.’’

3. მე-4 მუხლის მე-2 პუნქტის ,,ბ’’ ქვეპუნქტი ჩამოყალიბდეს შემდეგი რედაქციით:

 ,, ბ) მუნიციპალიტეტის ტერიტორიულ ორგანოებთან ურთიერთობის განყოფილება.’’

4. მე-5 მუხლის მე-3 პუნქტი ჩამოყალიბდეს შემდეგი რედაქციით:

 ,,3. მუნიციპალიტეტის ტერიტორიულ ორგანოებთან ურთიერთობის განყოფილება უზრუნველყოფს ამ დებულების მე-3 მუხლის მე-6 პუნქტით განსაზღვრული ფუნქციების შესაბამისი უფლებამოსილებების განხორციელებას.’.’

მუხლი 2. დადგენილება ამოქმედდეს გამოქვეყნებისთანავე.

საკრებულოს თავმჯდომარე                       ტ. ფანჩულიძე