„გაკოტრების საქმეთა წარმოების შესახებ“ საქართველოს კანონში დამატებების შეტანის შესახებ

საქართველოს კანონი

„გაკოტრების საქმეთა წარმოების შესახებ“ საქართველოს კანონში  დამატებების შეტანის შესახებ

    მუხლი 1

 „გაკოტრების საქმეთა წარმოების შესახებ“ საქართველოს კანონში (საქართველოს პარლამენტის უწყებანი, №19-20, 30.07.96,გვ.13) შეტანილ იქნეს შემდეგი დამატებები:

1. მე-13 მუხლის მე-2 პუნქტს სიტყვის „შენობები“ შემდეგ დაემატოს სიტყვები „გარდა იმ ქონებისა, რომელიც საქართველოს კანონმდებლობის შესაბამისად არ ექვემდებარება იძულებით აღსრულებას, იძულებით აუქციონს, ყადაღის დადებასა და სეკვესტრს.“.

2. მე-17 მუხლს დაემატოს შემდეგი შინაარსის მე-4 პუნქტი:

„4. ამ მუხლის პირველი პუნქტით გათვალისწინებული წესები არ ვრცელდება იმ ქონებასთან დაკავშირებულ იურიდიულ ქმედებებზე, რომელიც საქართველოს კანონმდებლობის შესაბამისად არ ექვემდებარება იძულებით აღსრულებას, იძულებით აუქციონს, ყადაღის დადებასა და სეკვესტრს.“.

3. მე-18 მუხლის:

ა) „ა“ ქვეპუნქტს დაემატოს შემდეგი შინაარსის „ა¹“ ქვეპუნქტი:

„ა¹) საქმისწარმოების გახსნამდე გადასახდელი გადასახადები და მოსაკრებლები, აგრეთვე საერთაშორისო ორგანიზაციების მოთხოვნები.“;

ბ) „დ“ ქვეპუნქტი ამოღებულ იქნეს.

    მუხლი 2

ეს კანონი ამოქმედდეს გამოქვეყნებისთანავე.

საქართველოს პრეზიდენტი ე.  შევარდნაძე

თბილისი,

2002 წლის 14 თებერვალი.

№1286–IIს