ქ. ბათუმის ტერიტორიაზე არქიტექტურული პროექტის ფასადის ნაწილის შეთანხმების სავალდებულოების დადგენის შესახებ

თვითმმართველი ქალაქის – ბათუმის საკრებულოს

დადგენილება № 10

2012 წლის 17 თებერვალი

ქ . ბათუმი

ქ. ბათუმის ტერიტორიაზე არქიტექტურული პროექტის ფასადის ნაწილის შეთანხმების სავალდებულოების დადგენის შესახებ

„ადგილობრივი თვითმმართველობის შესახებ’’ საქართველოს ორგანული კანონის მე-16 მუხლისა და „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილების 50-ე მუხლის მე-2 პუნქტის შესაბამისად, თვითმმართველი ქალაქის – ბათუმის საკრებულო ა დ გ ე ნ ს:

1. დადგინდეს ქ. ბათუმის ტერიტორიაზე არქიტექტურული პროექტის ფასადის ნაწილის შეთანხმების სავალდებულოება III და IV კლასების შენობა-ნაგებობების ახალი მშენებლობისას.

2. არქიტექტურული პროექტის ფასადის ნაწილის შეთანხმების დროს გათვალისწინებულ იქნეს ისტორიულად ჩამოყალი­ბებული განაშენიანებისა და გეგმარებითი სტრუქტურის შენარჩუნების პირობები, მეხამრიდების მონტაჟი, ფასადების ღამის განათება და გარემოს ზემოქმედებისაგან დაცვის მიზნით მისი მოწყობა ნესტგამძლე მასალებით, რაც უნდა გამორიცხავდეს ნალექის შეღწევის შესაძლებლობას შენობა-ნაგებობის ინტერიერში.

3. წინამდებარე დადგენილება ამოქმედდეს გამოქვეყნებიდან მე-15 დღეს.

საკრებულოს თავმჯდომარე           გ . კირთაძე