„ჩოხატაურის მუნიციპალიტეტის გამგეობის ეკონომიკის, ინფრასტრუქტურისა და საინვესტიციო გარემოს განვითარების სამსახურის დებულების დამტკიცების შესახებ“ – ჩოხატაურის მუნიციპალიტეტის საკრებულოს 2011 წლის 11 იანვრის N5 დადგენილებაში ცვლილების შეტანის თაობაზე

ჩოხატაურის მუნიციპალიტეტის საკრებულოს

დადგენილება №3

2012 წლის 31 იანვარი

დაბა ჩოხატაური

,,ჩოხატაურის მუნიციპალიტეტის გამგეობის ეკონომიკის, ინფრასტრუქტურისა და საინვესტიციო გარემოს განვითარების სამსახურის დებულების დამტკიცების შესახებ“ – ჩოხატაურის მუნიციპალიტეტის საკრებულოს 2011 წლის 11 იანვრის №5 დადგენილებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის შესაბამისად, საკრებულო ადგენს:

 ,,ჩოხატაურის მუნიციპალიტეტის გამგეობის ეკონომიკის, ინფრასტრუქტურისა და საინვესტიციო გარემოს განვითარების სამსახურის დებულების დამტკიცების შესახებ“ – ჩოხატაურის მუნიციპალიტეტის საკრებულოს 2011 წლის 11 იანვრის №5 დადგენილებაში (სსმ, 26.01.2011) შეტანილ იქნეს შემდეგი ცვლილება:

      მუხლი 1

 დადგენილებით დამტკიცებული დებულების მე-2 მუხლის 34-ე პუნქტი ჩამოყალიბდეს შემდეგი რედაქციით: ,,34. მუნიციპალიტეტის ტერიტორიაზე სამგზავრო ტრანსპორტის სფეროში ერთიანი პოლიტიკის გატარება, ადგილობრივი გადაზიდვების რეგულირება“.

     მუხლი 2

დადგენილებით დამტკიცებული დებულების მე-4 მუხლის მე-3 პუნქტის ,,კ“ ქვეპუნქტი ჩამოყალიბდეს შემდეგი რედაქციით:

,,კ) სპეციალისტი – საინვესტიციო და ინფრასტრუქტურული ღონისძიებების დაგეგმვისა და განხორციელების საკითხებში – ახორციელებს მუნიციპალიტეტის ინფრასტრუქტურის განვითარების პროგრამების შემუშავებას და მუნიციპალიტეტის მონაწილეობით საინვესტიციო პროექტების შედგენისას საჭირო დოკუმენტაციის მომზადებას“.  

    მუხლი 3

დადგენილებით დამტკიცებული დებულების მე-4 მუხლის მე-3 პუნქტის ,,მ“ ქვეპუნქტი ჩამოყალიბდეს შემდეგი რედაქციით:

,,მ) სპეციალისტი – მუნიციპალური ტრანსპორტით გადაზიდვების რეგულირების საკითხებში – ახორციელებს ტრანსპორტის სფეროს რეაბილიტაცია-განვითარების პროგრამის პროექტების მომზადებას, დამტკიცებული პროგრამის განხორციელების კოორდინაციას“.

    მუხლი 4

დადგენილებით დამტკიცებული დებულების მე-4 მუხლის მე-3 პუნქტს დაემატოს ,,ნ“ ქვეპუნქტი და ჩამოყალიბდეს შემდეგი რედაქციით:

,,ნ) სპეციალისტი – გზებისა და ხიდების საკითხებში – ახორციელებს ადგილობრივი მნიშვნელობის გზებისა და ხიდების რეაბილიტაცია-განვითარების პროგრამების პროექტების მომზადებას და დამტკიცებული პროგრამების განხორციელების კოორდინაციას“.

    მუხლი 5

დადგენილება ამოქმედდეს გამოქვეყნებისთანავე.

საკრებულოს თავმჯდომარე       ა. ხუნდაძე