„საქართველოს დაზვერვის სამსახურის მოსამსახურეთათვის სოციალური დაცვის დამატებითი ღონისძიებებისა და შეღავათების განსაზღვრის შესახებ“ საქართველოს დაზვერვის სამსახურის უფროსის 2010 წლის 16 ივლისის №47 ბრძანებაში დამატების შეტანის თაობაზე

საქართველოს დაზვერვის სამსახურის უფროსის

ბრძანება №7

2012 წლის 2 თებერვალი

ქ. თბილისი

„საქართველოს დაზვერვის სამსახურის მოსამსახურეთათვის სოციალური დაცვის დამატებითი ღონისძიებებისა და შეღავათების განსაზღვრის შესახებ“ საქართველოს დაზვერვის სამსახურის უფროსის 2010 წლის 16 ივლისის №47 ბრძანებაში დამატების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის, 24-ე მუხლისა და „საქართველოს დაზვერვის სამსახურის დებულების დამტკიცების შესახებ“ საქართველოს პრეზიდენტის 2010 წლის 21 ივნისის №434 ბრძანებულებით დამტკიცებული საქართველოს დაზვერვის სამსახურის დებულების მე-13 მუხლის „თ“ და „ყ“ ქვეპუნქტების შესაბამისად, ვბრძანებ:

1. „საქართველოს დაზვერვის სამსახურის მოსამსახურეთათვის სოციალური დაცვის დამატებითი ღონისძიებებისა და შეღავათების განსაზღვრის შესახებ“ საქართველოს დაზვერვის სამსახურის უფროსის 2010 წლის 16 ივლისის №47 ბრძანებას (სსმ №91, 27.07.2010წ. მუხ.1340) დაემატოს შემდეგი შინაარსის 5¹ პუნქტი:

„5¹. სამსახურის მოსამსახურეებს, სამეცნიერო ხარისხისათვის/დოქტორის აკადემიური ხარისხისათვის ეძლევათ ყოველთვიური პროცენტული დანამატი თანამდებობრივი სარგოს 20%-ის ოდენობით.“

2. ბრძანება ამოქმედდეს გამოქვეყნებისთანავე და გავრცელდეს 2012 წლის პირველი თებერვლიდან წარმოშობილ ურთიერთობებზე.

გ. ბეჟუაშვილი