„აბაშის მუნიციპალიტეტის ტერიტორიაზე ადგილობრივი მოსაკრებლების შემოღების, ოდენობის განსაზღვრისა და გადახდევინების წესის შესახებ“ აბაშის მუნიციპალიტეტის საკრებულოს 2009 წლის 9 ივლისის №15 დადგენილებაში ცვლილების შეტანის თაობაზე

აბაშის მუნიციპალიტეტის საკრებულოს

დადგენილება №1

2012 წლის 9 იანვარი

ქ. აბაშა

„აბაშის მუნიციპალიტეტის ტერიტორიაზე ადგილობრივი მოსაკრებლების შემოღების, ოდენობის განსაზღვრისა და გადახდევინების წესის შესახებ” აბაშის მუნიციპალიტეტის საკრებულოს 2009 წლის 9 ივლისის №15 დადგენილებაში ცვლილების შეტანის თაობაზე

„ადგილობრივი თვითმმართველობის შესახებ” საქართველოს ორგანული კანონის 22-ე მუხლის პირველი პუნქტის „მ” ქვეპუნქტის, „სათამაშო ბიზნესის მოსაკრებლის შესახებ” საქართველოს კანონში ცვლილების შეტანის თაობაზე’’ 2011 წლის 9 დეკემბრის №5453-II საქართველოს კანონის, „ნორმატიული აქტების შესახებ” საქართველოს კანონის მე-20 მუხლის შესაბამისად, აბაშის მუნიციპალიტეტის საკრებულომ დაადგინა:

 მუხლი 1. „აბაშის მუნიციპალიტეტის ტერიტორიაზე ადგილობრივი მოსაკრებლების შემოღების, ოდენობის განსაზღვრისა და გადახდევინების წესის შესახებ“ აბაშის მუნიციპალიტეტის საკრებულოს 2009 წლის 8 ივლისის №15 დადგენილებაში შეტანილ იქნეს შემდეგი ცვლილება:

 1. დადგენილების პირველი მუხლის მე-4 პუნქტი ჩამოყალიბდეს შემდეგი რედაქციით:

 „4. სათამაშო ბიზნესის მოსაკრებელი და მისი ოდენობა დადგინდეს შემდეგნაირად:

 ა. სამორინეს თითოეულ სათამაშო მაგიდაზე – კვარტალში 15 000 ლარი;

 ბ. თითოეულ სათამაშო აპარატზე – კვარტალში 1 500 ლარი;

 გ. თითოეულ წამახალისებელ გათამაშებაზე საპრიზო ფონდის 10%;

 დ. სისტემურ-ელექტრონული ფორმით მოწყობილ თამაშობაზე – კვარტალში 30 000 ლარი;

 ე. ლატარიების მოწყობაზე – ლატარიის ბილეთების რეალიზაციიდან მიღებული ამონაგების 15%;

 ვ. აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სარალოზე, კვარტალში 1 000 ლარი”.

 მუხლი 2. ეს დადგენილება გავრცელდეს 2012 წლის 3 იანვარიდან წარმოშობილ ურთიერთობებზე.

 მუხლი 3. დადგენილება ძალაშია გამოქვეყნებისთანავე.

საკრებულოს თავმჯდომარე                           დ. თოფურია