„შპს „საგზაო ტექნიკის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2010 წლის 10 დეკემბრის N380 დადგენილებაში ცვლილების შეტანის თაობაზე

საქართველოს მთავრობის

დადგენილება №512

2011 წლის 29 დეკემბერი

ქ. თბილისი

 „შპს „საგზაო ტექნიკის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2010 წლის 10 დეკემბრის №380 დადგენილებაში ცვლილების შეტანის თაობაზე

მუხლი 1. „ნორმატიული აქტების შესახებ“ საქართველოს კანო­ნის მე-20 მუხლის მე-4 პუნქტის შესაბამისად, „შპს „საგზაო ტექნი­კის“ სახს­რებით საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2010 წლის 10 დე­კემ­ბრის №380 დადგენილებაში შეტანილ იქნეს ცვლილება და დად­გენი­ლე­ბით დამტკიცებული შესყიდვების სპეციალური წესის:

1. მე-6 მუხლის მე-2 პუნქტის „ა“ ქვეპუნქტი ჩამოყალიბდეს შემ­დე­გი რედაქციით:

„ა) ამ წესის №1 დანართით განსაზღვრული თითოეული სახის სა­ქონლისა და მომსახურების ღირებულება 1 კალენდარული (სამეურ­ნეო) წლის განმავლობაში არ აღემატება 1 500 000 ლარს;“.

2. მე-16 მუხლის:

ა) პირველი პუნქტი ჩამოყალიბდეს შემდეგი რედა­ქციით:

„1. შესყიდვის შესახებ ხელშეკრულება იდება მხოლოდ წერი­ლო­ბითი ფორმით, გარდა ამ მუხლის მე-4, მე-5 და მე-6 პუნქტებით გათ­ვალისწინებული შემთხვევებისა.“;

ბ) მე-2 პუნქტის „დ“ და „ე“ ქვეპუნქტები ჩამოყალიბდეს შემდეგი რედაქციით:

„დ) ხელშეკრულების შესრულების გარანტია, თუ ხელშეკრუ­ლების საერთო ღირებულება საქონლის შესყიდვის შემთხვევაში აღე­მატება 200 000 ლარს, ხოლო მომსახურების შესყიდვის შემთხვევაში – 500 000 ლარს;

ე) საქონლის მიწოდების, მომსახურების გაწევის ვადები;“;

გ) მე-2 პუნქტის „ვ“ ქვეპუნქტი ამოღებულ იქნეს;

დ) მე-2 პუნქტის „ზ“ ქვეპუნქტი ჩამოყალიბდეს შემდეგი რედაქ­ციით:

„ზ) ანგარიშსწორების ფორმა და გრაფიკი;“;

ე) მე-2 პუნქტის „კ“ ქვეპუნქტი ამოღებულ იქნეს;

ვ) მე-4 პუნქტის „ე“ ქვეპუნქტი ამოღებულ იქნეს.

3. მე‑16 მუხლს დაემატოს შემდეგი შინაარსის მე-6 პუნქტი:

„6. შესყიდვის განხორციელება დასაშვებია წერილობითი ხელშეკ­რულების გარეშე ერთ პირთან მოლაპარაკების საშუალებით, თუ ხელ­შეკრულების საერთო ღირებულება არ აღემატება 5 000 ლარს.“.

4. შპს „საგზაო ტექნიკის“ სახსრებით საქონლისა და მომსახურე­ბის შესყიდვების სპეციალური წესის №1 დანართის სათაური ჩამოყა­ლი­ბდეს შემდეგი რედაქციით:

„შპს „საგზაო ტექნიკის“ მიერ შესასყიდი საქონლისა და მომსახუ­რების ჩამონათვალი“.

მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი  ნ. გილაური