საქართველოს ეკონომიკისა და მდგრადი განვითარების სამინისტროს სახელშეკრულებო ვალდებულებათა მონიტორინგის დეპარტამენტის დებულების დამტკიცების შესახებ

საქართველოს ეკონომიკისა და მდგრადი განვითარების მინისტრის

ბრძანება №1-1/2780

2011 წლის 30 დეკემბერი

ქ. თბილისი

საქართველოს ეკონომიკისა და მდგრადი განვითარების სამინისტროს სახელშეკრულებო ვალდებულებათა მონიტორინგის დეპარტამენტის დებულების დამტკიცების შესახებ

„საქართველოს ეკონომიკისა და მდგრადი განვითარების სამინისტროს დებულების დამტკიცების შესახებ” საქართველოს მთავრობის 2004 წლის 10 სექტემბრის №77 დადგენილებით დამტკიცებული დებულების მე-8 მუხლის მე-3 პუნქტის „ნ” ქვეპუნქტისა და „ნორმატიული აქტების შესახებ” საქართველოს კანონის მე-13 მუხლის პირველი პუნქტის შესაბამისად, ვბრძანებ:

1. დამტკიცდეს საქართველოს ეკონომიკისა და მდგრადი განვითარების სამინისტროს სახელშეკრულებო ვალდებულებათა მონიტორინგის დეპარტამენტის თანდართული დებულება.

2. ბრძანება ამოქმედდეს 2012 წლის 1 იანვრიდან.

მინისტრის მოვალეობის შემსრულებელი ი. მატკავა

საქართველოს ეკონომიკისა და მდგრადი განვითარების სამინისტროს სახელშეკრულებო ვალდებულებათა მონიტორინგის დეპარტამენტის დებულება

    მუხლი 1. ზოგადი დებულებები

1. ეს დებულება განსაზღვრავს საქართველოს ეკონომიკისა და მდგრადი განვითარების სამინისტროს (შემდგომში – სამინისტრო) სახელშეკრულებო ვალდებულებათა მონიტორინგის დეპარტამენტის (შემდგომში – დეპარტამენტი) სამართლებრივ სტატუსს, სტრუქტურას, უფლებამოსილებას, ანგარიშვალდებულებას და აწესრიგებს დეპარტამენტის საქმიანობასთან დაკავშირებულ სხვა საკითხებს.

2. დეპარტამენტი წარმოადგენს სამინისტროს ცენტრალური აპარატის სტრუქტურულ ქვედანაყოფს.

3. დეპარტამენტი თავის საქმიანობას წარმართავს საქართველოს კონსტიტუციის, საქართველოს საერთაშორისო ხელშეკრულებებისა და შეთანხმებების, საკანონმდებლო აქტების, საქართველოს პრეზიდენტის, საქართველოს მთავრობისა და საქართველოს ეკონომიკისა და მდგრადი განვითარების მინისტრის (შემდგომში – მინისტრი) სამართლებრივი აქტებისა და სხვა კანონქვემდებარე ნორმატიული აქტების შესაბამისად.

4. დეპარტამენტი თავისი ამოცანებისა და ფუნქციების განხორციელებისას წარმოადგენს სამინისტროს.

5. დეპარტამენტი ანგარიშვალდებულია მინისტრისა და იმ მინისტრის მოადგილის წინაშე, რომელიც მინისტრის შესაბამისი სამართლებრივი აქტის საფუძველზე, კოორდინაციას უწევს დეპარტამენტის საქმიანობას.

    მუხლი 2. დეპარტამენტის ძირითადი ამოცანები და უფლებამოსილებები

1. დეპარტამენტის ძირითადი ამოცანები და უფლებამოსილებებია:

ა) სამინისტროს მიერ სახელმწიფო ქონების განკარგვასთან დაკავშირებით დადებული ხელშეკრულებების რეესტრის წარმოება.

ბ) სამინისტროს მიერ სახელმწიფო ქონების განკარგვასთან დაკავშირებით დადებული ხელშეკრულებებით კ ონტრაჰენტების მიერ ნაკისრ საპრივატიზებო ვალდებულებათა შესრულების მონიტორინგი;

გ) თავისუფალი ინდუსტრიული ზონების რეესტრის წარმოება და კანონმდებლობით მინიჭებული უფლებამოსილების ფარგლებში თავისუფალი ინდუსტრიული ზონის ორგანიზატორის/ადმინისტრატორის საქმიანობის მონიტორინგი.

დ) აუცილებლობის, ასევე მინისტრის ბრძანებით ან/და კანონმდებლობით დადგენილ შემთხვევაში, სამინისტროს მიერ სახელმწიფო ქონების განკარგვასთან დაკავშირებით დადებული ხელშეკრულებების მოქმედების პერიოდში, კონტრაჰენტებისთვის გადაცემული ქონების ადგილზე (მათ შორის, კომისიური წესით) დათვალიერება (შემოწმება) ;

 ე) სახელშეკრულებო პირობების დარღვევის ( კონტრაჰენტების მიერ ნაკისრ ვალდებულებათა შეუსრულებლობის ან/და არაჯეროვნად შესრულების) გამოვლენის შემთხვევაში სათანადო დასკვნის მომზადება;

 ვ) სახელშეკრულებო ვალდებულებების დარღვევის შემთხვევაში, კონტრაჰენტისათვის კანონმდებლობითა და ხელშეკრულებით გათვალისწინებული პასუხისმგებლობის დაკისრების უზრუნველყოფა ;

ზ) კონტრაჰენტებისგან, ხელშეკრულებით გათვალისწინებული საპრივატიზებო პირობების შესრულების დადასტურების მიზნით, საპრივატიზებო პირობების შესრულების თაობაზე შესაბამისი საექსპერტო ან/და აუდიტორული დასკვნის წარმოდგენის მოთხოვნა;

 თ ) ხელშეკრულებით გათვალისწინებული პირობების შესრულებასთან დაკავშირებით კონტრაჰენტების მიერ შესაბამისი დოკუმენტაციის წარმოდგენის საფუძველზე წინანადადებების მომზადება სახელშეკრულებო ვალდებულებების შესრულების დადასტურების თაობაზე;

ი ) განსაკუთრებულ შემთხვევებში, სამინისტროს მიერ დადებული ხელშეკრულების საფუძველზე, მყიდველის მიერ ნაკისრი ვალდებულებების სრულად შესრულების შემოწმების მიზნით, შესაბამისი ღონისძიებების განხორციელება დამატებითი აუდიტის ან/და საექსპერტო დაწესებულების მიერ სათანადო დასკვნის მოსამზადებლად;

კ ) ინდივიდუალური ადმინისტრაციულ-სამართლებრივი აქტების პროექტების მომზადება სამინისტროს მიერ სახელმწიფო ქონების განკარგვასთან დაკავშირებით დადებულ ხელშეკრულებებში ცვლილებების/დამატებების შეტანის თაობაზე.

ლ) თავისი კომპეტენციიდან გამომდინარე, სახელმწიფო ქონების მართვის პოლიტიკის დეპარტამენტისა და პრივატიზების დეპარტამენტთან შეთანხმებით ხელშეკრულებების მოშლის თაობაზე დასკვნების ან/და წინადადებებისა და ინდივიდუალური ადმინისტრაციულ-სამართლებრივი აქტების პროექტების მომზადება და იურიდიული დეპარტამენტისათვის წარდგენა სამართლებრივი ექსპერტიზისთვის;

მ) გასხვისებული სახელმწიფო ქონების მიმართ, კონტრაჰენტების მიერ განხორციელებული/განსახორციელებელი საპრივატიზებო ვალდებულებების შესრულების სტატისტიკური მონაცემების , შესაბამისი საინფორმაციო მასალის მომზადება;

2. დეპარტამენტი მისი საქმიანობის ეფექტურად და შეუფერხებლად განხორციელების მიზნით, უფლებამოსილია:

ა) მოითხოვოს მისთვის აუცილებელი ინფორმაცია ნებისმიერი ადმინისტრაციული ორგანოსგან, ასევე ფიზიკური და იურიდიული პირებისგან;

ბ) მოითხოვოს სამინისტროს ტერიტორიული ორგანოებიდან ინფორმაცია მათსა და კონტრაჰენტებს შორის სახელმწიფო ქონების განკარგვასთან დაკავშირებით დადებული ხელშეკრულებებით გათვალისწინებულ ვალდებულებათა შესრულებისა და გაწეული მონიტორინგის შესახებ.

3. დეპარტამენტი, მასზე დაკისრებული ფუნქციების განხორციელებისას, თანამშრომლობს სამინისტროს სტრუქტურულ ქვედანაყოფებთან, მის ტერიტორიულ ორგანოებთან და სისტემაში შემავალ დაწესებულებებთან.

    მუხლი 3. დეპარტამენტის ხელმძღვანელობა და სტრუქტურა

1. დეპარტამენტს ხელმძღვანელობს დეპარტამენტის უფროსი.

2. დეპარტამენტის უფროსს თანამდებობაზე ნიშნავს და ათავისუფლებს მინისტრი მოქმედი კანონმდებლობით დადგენილი წესის შესაბამისად.

3. დეპარტამენტის უფროსი ანგარიშვალდებულია მინისტრისა და შესაბამისი მინისტრის მოადგილის წინაშე.

4. დეპარტამენტის უფროსი:

ა) წარმოადგენს დეპარტამენტს დაკისრებული ფუნქციებისა და ამოცანების განხორციელებისას;

ბ) ანაწილებს მოვალეობებს დეპარტამენტის მოადგილეებსა და მოსამსახურეებს შორის და აძლევს მათ შესაბამის მითითებებს;

გ) ზედამხედველობს დეპარტამენტის მოსამსახურეების მიერ თავიანთი სამსახურებრივი მოვალეობების შესრულებას;

დ) ხელს აწერს/ვიზირებას უკეთებს დეპარტამენტში მომზადებულ და/ან სამინისტროს სხვა სტრუქტურული ქვედანაყოფის მიერ შესათანხმებლად წარმოდგენილ დოკუმენტებს;

ე) უფლება აქვს მოითხოვოს ინფორმაცია/დოკუმენტაცია ნებისმიერი ადმინისტრაციული ორგანოსგან და იურიდიული თუ ფიზიკური პირებისგან;

ვ) წარუდგენს მინისტრს და შესაბამისი მინისტრის მოადგილეს წინადადებებს დეპარტამენტის სტრუქტურის, საშტატო განრიგის, მუშაობის ორგანიზაციის, მოსამსახურეთა წახალისების ან მათთვის დისციპლინური პასუხისმგებლობის დაკისრების შესახებ;

ზ ) მინისტრთან და შესაბამისი მინისტრის მოადგილესთან შუამდგომლობს დეპარტამენტის მოსამსახურეთა კვალიფიკაციის ამაღლების, ასევე მათი სამსახურებრივი მივლინების თაობაზე;

თ ) ასრულებს სამინისტროს დებულებით, ამ დებულებით და სხვა ნორმატიული აქტებით განსაზღვრულ ფუნქციებს, აგრეთვე მინისტრისა და შესაბამისი მინისტრის მოადგილის ცალკეულ დავალებებს.

5. დეპარტამენტის უფროსს ჰყავს ორი მოადგილე, რომლებსაც თანამდებობაზე ნიშნავს და ათავისუფლებს მინისტრი მოქმედი კანონმდებლობის შესაბამისად.

6. დეპარტამენტის უფროსის მოადგილე, მასზე მინიჭებული უფლებამოსილების/კომპეტენციის ფარგლებში ზედამხედველობს დეპარტამენტის მოსამსახურეთა მიერ სამსახურებრივი მოვალეობების შესრულებას და დეპარტამენტის უფროსის, შესაბამისი მინისტრის მოადგილისა და მინისტრის დავალებით ახორციელებს სხვა უფლებამოსილებებს.

7. დეპარტამენტის უფროსის მოადგილე უფლებამოსილია ხელი მოაწეროს/ ვიზირება გაუკეთოს დეპარტამენტში მომზადებულ, სამინისტროს სხვა სტრუქტურულ ქვედანაყოფებში გასაგზავნ კორესპონდენციას.

8. დეპარტამენტის უფროსის მოადგილე კანონმდებლობით დადგენილი წესით მასზე დაკისრებული სამსახურებრივი ამოცანების შესრულებისათვის ანგარიშვალდებულია დეპარტამენტის უფროსის, შესაბამისი მინისტრის მოადგილისა და მინისტრის წინაშე.

9. კანონმდებლობით განსაზღვრულ შემთხვევებში დეპარტამენტის უფროსის არყოფნისას, მის მოვალეობა ს მინისტრის დავალებით ასრულებს დეპარტამენტის უფროსის ერთერთი მოადგილე.

    მუხლი 4. დეპარტამენტის მოსამსახურეები

1. დეპარტამენტის მოსამსახურეებს, კანონმდებლობით დადგენილი წესით, თანამდებობაზე ნიშნავს და ათავისუფლებს მინისტრი.

2. დეპარტამენტის მოსამსახურეები მათზე დაკისრებული სამსახურებრივი ამოცანების შესრულებაზე ანგარიშვალდებულნი არიან დეპარტამენტის უფროსის მოადგილის და დეპარტამენტის უფროსის წინაშე.