„ზუგდიდის მუნიციპალიტეტის ტერიტორიაზე სათამაშო ბიზნესის მოსაკრებლის შემოღებისა და განაკვეთების განსაზღვრის შესახებ“ ზუგდიდის მუნიციპალიტეტის საკრებულოს 2007 წლის 5 თებერვლის N4 დადგენილებაში ცვლილების შეტანის შესახებ

ზუგდიდის მუნიციპალიტეტის საკრებულოს

დადგენილება №42

2011 წლის 28 დეკემბერი

ქ. ზუგდიდი

,,ზუგდიდის მუნიციპალიტეტის ტერიტორიაზე სათამაშო ბიზნესის მოსაკრებლის შემოღებისა და განაკვეთების განსაზღვრის შესახებ“ ზუგდიდის მუნიციპალიტეტის საკრებულოს 2007 წლის 5 თებერვლის №4 დადგენილებაში ცვლილების შეტანის შესახებ

„ადგილობრივი თვითმმართველობის შესახებ“ საქართველოს ორგანული კანონის, „ნორმატიული აქტების შესახებ“ საქართველოს კანონისა და „სათამაშო ბიზნესის მოსაკრებლის შესახებ’’ საქართველოს კანონში ცვლილების შეტანის თაობაზე’’ 2011 წლის 9 დეკემბრის N5453–II-ს საქართველოს კანონის შესაბამისად:

ზუგდიდის მუნიციპალიტეტის საკრებულომ დაადგინა:

მუხლი 1. ,,ზუგდიდის მუნიციპალიტეტის ტერიტორიაზე სათამაშო ბიზნესის მოსაკრებლის შემოღებისა და განაკვეთების განსაზღვრის შესახებ“ ზუგდიდის მუნიციპალიტეტის საკრებულოს 2007 წლის 5 თებერვლის N4 დადგენილებაში შეტანილ იქნეს ცვლილება:

1. დადგენილების მე-2 მუხლი ჩამოყალბდეს შემდეგი რედაქციით:

 „2. სათამაშო ბიზნესის მოსაკრებლები და მათი განაკვეთები:

 ა) სამორინეს თითოეულ სათამაშო მაგიდაზე – კვარტალში 21 000 ლარი;

 ბ) თითეულ სათამაშო აპარატზე – კვარტალში 2 000 ლარი;

 გ) თითოეულ წამახალისებელ გათამაშებაზე – საპრიზო ფონდის 10%;

 დ) სისტემურ-ელექტრონული ფორმით მოწყობილ თამაშობაზე – კვარტალში 45 000 ლარი;

 ე)   ლატარიების მოწყობაზე – ლატარიის ბილეთების რეალიზაციიდან მიღებული ამონაგების 15 %;

 ვ)   აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე – კვარტალში 5000 ლარი.“.

მუხლი 2. დადგენილება გამოქვეყნდეს კანონმდებლობით დადგენილი წესის შესაბამისად.

მუხლი 3. ეს დადგენილება ამოქმედდეს 2012 წლის 3 იანვრიდან.

საკრებულოს  თავმჯდომარე                                                                                             ლ. კონჯარია