ბაღდათის მუნიციპალიტეტის მომსახურეობის ბიუროს დებულების დამტკიცების შესახებ

ბაღდათის მუნიციპალიტეტის საკრებულო ს

დადგენილება №67

2011 წლი ს 28 დეკემბერი

ქ. ბაღდათი

ბაღდათის მუნიციპალიტეტის მომსახურების ბიუროს დებულების დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22 -ე მუხლის პირველი პუნქტის „თ“ ქვეპუნქტის შესაბამისად :

ბაღდათის მუნიციპალიტეტის საკრებულომ დაადგინა:

    მუხლი 1.

დამტკიცდეს ბაღდათის მუნიციპალიტეტის მომსახურეობის ბიუროს დებულება.

(დებულება თან ერთვის)

    მუხლი 2 .

დადგენილება ძალაში შევიდეს კანონით დადგენილი წესით , გამოქვეყნებისთანავე.

საკრებულოს თავმჯდომარე                                                            გ. რობაქიძე

  დანართი

ბაღდათის მუნიციპალიტეტის მომსახურების ბიუროს დებულება

    მუხლი 1. ბაღდათის მუნიციპალიტეტის მოქალაქეთა მომსახურების ბიურო

1. ბაღდათის მუნიციპალიტეტის მოქალაქეთა მომსახურების ბიურო (შემდეგში – მმბ) წარმოადგენს ბაღდათის მუნიციპალიტეტის საკრებულოს აპარატისა და გამგეობის სხვადასხვა სამსახურის თანამშრომლებისაგან დაკომპლექტებულ „ერთი სარკმლის პრინციპით“ მოქმედ მომსახურების ბიუროს, რომელიც ემსახურება მოქალაქეებ ს და ახდენს თანასწორ, სამართლიან და ეფექტურ ადმინისტრირებას.

2. მმბ -ს ფუნქციაა უზრუნველყოს მოქალაქეთა დროული, კვალიფიციური და სრულყოფილი მომსახურება, გამჭირვალობისა და ნდობის ფაქტორის გაზრდა.

3. მმბ წარმოადგენს მთელ მუნიციპალიტეტს და მჭიდროდაა დაკავშირებული მუნიციპალიტეტის გამგებელთან და საკრებულოს თავმჯდომარესთან, რომლებიც უზრუნველყოფენ ყველა სამსახურის თანამშრომლობას.

    მუხლი 2. მმბ - ს საქმიანობის სამართლებრივი საფუძვლები

  მმბ -ს საქმიანობის სამართლებრივი საფუძვლებია საქართველოს კონსტიტუცია, საქართველოს ორგანული კანონი „ადგილობრივი თვითმმართველობის შესახებ“, საქართველოს კანონი „საჯარო სამსახურის შესახებ“, საქართველოს სხვა საკანონმდებლო აქტები და ეს დებულება.

    მუხლი 3. მმბ - ს ძირითადი ფუნქციები და უფლებამოვალეობები

მმგ-ს ძირითადი ფუნქციები და უფლება-მოვალეობებია :

1. ისეთი სერვისების მიწოდება, რომელიც გულისხმობს მოქალაქესა და თვითმმართველ ერთეულს შორის სამართლებრივ ურთიერთობებს, კერძოდ :

ა) განცხადებებისა და საჩივრების მიღება ;

ბ) მშენებლობის ნებართვის გაცემა ;

გ) მომსახურეობა სოციალურ საკითხებთან დაკავშირებით.

დ) საჯარო ინფორმაციის მიწოდება;

ე) იურიდიული სახის განმარტებები და კონსულტაციები ადგილობრივი თვითმმართველ ობის სფეროში.

2. ადმინისტრაციული პროცესების ეფექტურობის გაუმჯობესებისა და მუნიციპალიტეტის იმიჯის ამაღლების ხელშეწყობა.

3. მომსახურების ხელმისაწვდომობა და გამჭვირვალობა.

4. კანონმდებლობით და ამ დებულებით განსაზღვრული სხვა უფლებამოსილების განხორციელება.

    მუხლი 4. მოქალაქეთა მომსახურების ბიუროს მუშაობის ორგანიზება

მმბ-ს ორგანიზებას უწევენ მუნიციპალიტეტის საკრებულოს თავმჯდომარე და გამგებელი. ისინი:

1. პერიოდულად იბარებენ ანგარიშებს მომსახურების ბიუროს ფუნქციონირების მონიტორინგის შესახებ.

2. აძლევენ შესაბამის მითითებებს მმბ-ს თანამშრომლებს საჭიროებიდან გამომდინარე.

3. თვალყურს ადევნებენ განცხადებებისა და საჩივრების დამუშავების და განხილვის პროცესს.

    მუხლი 5. მმბ-ს სტრუქტურა და მართვა

1. მმბ-ს ხელმძღვანელ ებს და მის საქმიანობას წარმართავს მმბ-ს უფროსი, რომელსაც თანამდებობაზე ნიშნავს საკრებულოს თავმჯდომარე გამგებელ თან შეთანხმაბით.

2. მოქალაქეთა მომსახურების ბიუროს უფროსი:

ა) ახორციელებს ზედამხედველბას და პასუხისმგებელია მმბ-ს ყოველდღიურ საქმიანობაზე ;

ბ) უზრუნველყოფს თანამშრომელთა და მოქალაქეთა ურთიერთობისათვის ხელსაყრელი გარემოს შექმნას ;

გ) კონტროლ ს უწევს კანონმდებლობით დაცულ ვადებში კორენსპონდენციის შესაბამის სამსახურებში გადაგზავნას ;

დ) უზრუნველყოფს თანამშრომლებს შორის ფუნქციების განაწილებას.

    მუხლი 6. მმბ-ს თანამშრომლები

1. მმბ-ს თანამშრომლები არიან საჯარო მოსამსახურეები, რომელიც:

ა) ახორციელებენ დებულებით განსაზღვრულ უფლება-მოვალეობებს ;

ბ) უზრუნველყოფენ კორესპონდენციის მიღებასა და შესაბამის რეაგირებას ;.

გ) ასრულებენ მმბ-ს უფროსის უშუალო დავალებებს ;

დ) გაწერილი სისტემებისა და პროცედურების თანახმად ახორციელებენ სათანადო მომსახურებას.

2. მმბ-ს თანამშრომლები შეირჩევიან ბაღდათის მუნიციპალიტეტის საკრებულოსა და გამგეობის სხვადასხვა სამსახურებიდან. ახალი კადრების აყვანა მოხდება მხოლოდ განსაკუთრებულ შემთხვევაში.

    მუხლი 7. მმბ-ს თანამშრომლების მოვალეობები

მმბ-ს თანამშრობლები ვალდებულები არიან :

ა) ზუსტად შეასრულონ და დაიცვან საქართველოს კანონმდებლობით, ამ დებულებით და თანამდებობრივი ინსტრუქციით განსაზღვრული მოვალეობანი;

ბ) დროულად და სრულყოფილად შეასრულონ დავალებები;

გ) შესაბამისი საფუძვლის არსებობისას დაიცვან საიდუმლოების რეჟიმი ;

დ) დაიცვან შრომის შინაგანაწესის მოთხოვნები;

ე) გაუფრთხილდნენ მათ სარგებლობაში არსებულ საინფორმაციო -საკომუნიკაციო ტექნიკასა და ინვენტარს;

ვ) იყვნენ მაქსიმალურად ინფორმირებულები, კომპეტენტურები და თავაზიანები.