„სადაზღვევო რეზერვების სახეობათა განსაზღვრისა და შექმნის წესის დამტკიცების თაობაზე“ საქართველოს ეროვნული ბანკის პრეზიდენტის 2010 წლის 9 მარტის №35/01 ბრძანებაში ცვლილების შეტანის თაობაზე

საქართველოს ეროვნული ბანკის პრეზიდენტის

ბრძანება №108/04

2011 წლის 23 დეკემბერი

ქ. თბილისი

„სადაზღვევო რეზერვების სახეობათა განსაზღვრისა და შექმნის წესის დამტკიცების თაობაზე“ საქართველოს ეროვნული ბანკის პრეზიდენტის 2010 წლის 9 მარტის №35/01 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე -20 მუხლის მე -4 პუნქტის, „საქართველოს ეროვნული ბანკის შესახებ“ საქართველოს ორგანული კანონის მე -15 მუხლის პირველი პუნქტის „ზ“ ქვეპუნქტის და 67 -ე მუხლის მე -4 და მე -5 პუნქტების საფუძველზე,  ვბრძანებ:   

მუხლი 1. „სადაზღვევო რეზერვების სახეობათა განსაზღვრისა და შექმნის წესის დამტკიცების თაობაზე“ საქართველოს ეროვნული ბანკის პრეზიდენტის 2010 წლის 9 მარტის №35/01 ბრძანებით დამტკიცებულ წესში შეტანილ იქნეს შემდეგი ცვლილება:

1. მე-3 მუხლის მე-3 პუნქტი ჩამოყალიბდეს შემდეგი რედაქციით:

„3. „დაზღვევის  შესახებ“ საქართველოს კანონის  მე -2  მუხლის „გ.ბ“ ქვეპუნქტით გათვალისწინებული ფილიალი (წარმომადგენლობა) ვალდებულია მზღვეველის ყოველკვარტალური სტატისტიკური ანგარიშგების ფორმების ეროვნული ბანკისათვის წარდგენის ვადებში ეროვნულ ბანკში წარადგინოს დამფუძნებელი სადაზღვევო ორგანიზაციის მიერ მოწოდებული წერილი, რომელიც ადასტურებს ფილიალის (წარმომადგენლობის) მიერ საანგარიშო პერიოდში აღებული სადაზღვევო ვალდებულებების შესაბამისი სადაზღვევო რეზერვების შექმნას, დამფუძნებელი სადაზღვევო ორგანიზაციის რეგისტრაციის ქვეყნის კანონმდებლობის მოთხოვნათა შესაბამისად. ზემოაღნიშნული ფილიალი/ წარმომადგენლობა აგრეთვე ვალდებულია წარადგინოს ეროვნულ ბანკში დამფუძნებელი სადაზღვევო/გადაზღვევის ორგანიზაციის ფინანსური ანგარიშგება. უკანასკნელის წარდგენის პერიოდულობა უნდა ემთხვეოდეს ამ ორგანიზაციის რეგისტრაციის ქვეყნის კანონმდებლობით განსაზღვრული ფინანსური ანგარიშგების შედგენის პერიოდულობას.“.

2. მე -10 მუხლი ამოღებულ იქნ ეს.

მუხლი 2 . ამ ბრძანების დაუყოვნებლივ ამოქმედება განპირობებულია მზღვეველის საქმიანობის შეუფერხებლად განხორციელების საჭიროებით, რომლისთვისაც აუცილებელია მზღვეველის მიერ შექმნილ იქნ ეს სადაზღვევო რეზერვები, რომლებიც უზრუნველყოფს მზღვეველის ფინანსურ სტაბილურობას.

მუხლი 3 . ეს ბრძანება ამოქმედდეს ხელმოწერისთანავე.

გ. ქადაგიძე