დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
საჯარო სამართლის იურიდიული პირის - კონკურენციისა და სახელმწიფო შესყიდვების სააგენტოს შექმნის შესახებ | |
---|---|
დოკუმენტის ნომერი | 829 |
დოკუმენტის მიმღები | საქართველოს პრეზიდენტი. |
მიღების თარიღი | 19/12/2011 |
დოკუმენტის ტიპი | საქართველოს პრეზიდენტის ბრძანებულება |
გამოქვეყნების წყარო, თარიღი | ვებგვერდი, 111220002, 20/12/2011 |
სარეგისტრაციო კოდი | 040230000.08.002.016387 |
საქართველოს პრეზიდენტის
ბრძანებულება №829
2011 წლის 19 დეკემბერი
ქ. თბილისი
საჯარო სამართლის იურიდიული პირის - კონკურენციისა და სახელმწიფო შესყიდვების სააგენტოს შექმნის შესახებ
„საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის, „სახელმწიფო შესყიდვების შესახებ“ საქართველოს კანონის მე-4 მუხლის პირველი პუნქტისა და „თავისუფალი ვაჭრობისა და კონკურენციის შესახებ“ საქართველოს კანონის მე-6 მუხლის შესაბამისად:
1. 2012 წლის 1 იანვრამდე რეორგანიზებულ იქნეს საჯარო სამართლის იურიდიული პირი - სახელმწიფო შესყიდვების სააგენტო და საჯარო სამართლის იურიდიული პირი - თავისუფალი ვაჭრობისა და კონკურენციის სააგენტო.
2. საჯარო სამართლის იურიდიული პირის – სახელმწიფო შესყიდვების სააგენტოსა და საჯარო სამართლის იურიდიული პირის – თავისუფალი ვაჭრობისა და კონკურენციის სააგენტოს რეორგანიზაციის (შერწყმის) საფუძველზე შეიქმნას დამოუკიდებელი საჯარო სამართლის იურიდიული პირი – კონკურენციისა და სახელმწიფო შესყიდვების სააგენტო, რომელიც ჩაითვალოს საჯარო სამართლის იურიდიული პირის – სახელმწიფო შესყიდვების სააგენტოსა და საჯარო სამართლის იურიდიული პირის – თავისუფალი ვაჭრობისა და კონკურენციის სააგენტოს უფლებამონაცვლედ.
3. საჯარო სამართლის იურიდიული პირი – კონკურენციისა და სახელმწიფო შესყიდვების სააგენტო განისაზღვროს „სახელმწიფო შესყიდვების შესახებ“ და „თავისუფალი ვაჭრობისა და კონკურენციის შესახებ“ საქართველოს კანონებით გათვალისწინებული საქმიანობის განხორციელებაზე უფლებამოსილ ორგანოდ.
4. საქართველოს მთავრობამ 2012 წლის 1 იანვრამდე უზრუნველყოს საჯარო სამართლის იურიდიული პირის – კონკურენციისა და სახელმწიფო შესყიდვების სააგენტოს დებულების დამტკიცება და კანონმდებლობით გათვალისწინებული სხვა შესაბამისი ღონისძიებების განხორციელება.
5. ძალადაკარგულად გამოცხადდეს „სახელმწიფო შესყიდვების სააგენტოს შექმნისა და მისთვის სახელმწიფო ქონების გადაცემის შესახებ“ საქართველოს პრეზიდენტის 2001 წლის 5 ივნისის №223 ბრძანებულება და „საჯარო სამართლის იურიდიული პირის – თავისუფალი ვაჭრობისა და კონკურენციის სააგენტოს შექმნის შესახებ“ საქართველოს პრეზიდენტის 2010 წლის 26 თებერვლის №143 ბრძანებულება.
6. ეს ბრძანებულება, გარდა მე-2, მე-3 და მე-5 პუნქტებისა, ამოქმედდეს გამოქვეყნებისთანავე.
7. ამ ბრძანებულების მე-2, მე-3 და მე-5 პუნქტები ამოქმედდეს 2012 წლის 1 იანვრიდან.
მ. სააკაშვილი
დოკუმენტის კომენტარები