სსიპ პროფესიული კოლეჯის ,,ბალავარი” ლიკვიდაციის შესახებ

საქართველოს განათლებისა და მეცნიერების მინისტრის

ბრძანება №204/ნ

2011 წლის 12 დეკემბერი

ქ. თბილისი

სსიპ – პროფესიული კოლეჯის ,,ბალავარი” ლიკვიდაციის შესახებ

საქართველოს ზოგადი ადმინისტრაციული კოდექსის 61-ე მუხლის,  ,,საქართველოს განათლებისა და მეცნიერების სამინისტრის დებულების დამტკიცების შესახებ” საქართველოს მთავრობის 2004 წლის 21 მაისის №37 დადგენილებით დამტკიცებული  დებულების მე-2 მუხლის მე-2 პუნქტის  ,,თ”  ქვეპუნქტის  და მე-3 მუხლის მე-2 პუნქტის ,,მ” ქვეპუნქტის საფუძველზე, ვბრძანებ:

1. განხორციელდეს  საჯარო სამართლის იურიდიული პირის – პროფესიული კოლეჯის ,,ბალავარი” -ს  ლიკვიდაცია  2011 წლის 29 დეკემბრამდე;

2. საჯარო სამართლის იურიდიული პირის – პროფესიული კოლეჯის ,,ბალავარის”  ლიკვიდაციის პროცესის დასრულების შემდეგ  საჯარო სამართლის იურიდიული პირის – პროფესიული კოლეჯის ,,ბალავარის” უფლებამონაცვლედ განისაზღვროს საჯარო სამართლის იურიდიული პირი – პროფესიული კოლეჯი ,,მერმისი”.

3. ძალადაკარგულად გამოცხადდეს სსიპ – პროფესიულ კოლეჯად „ბალავარი“ დაფუძნებისა და მისი წესდების დამტკიცების შესახებ” საქართველოს განათლებისა და მეცნიერების მინისტრის 2011 წლის 6 მაისის №69/ნ ბრძანება.

4.  საქართველოს განათლებისა და მეცნიერების სამინისტრომ  უზრუნველყოს ამ ბრძანების შესრულების მიზნით კანონმდებლობით დადგენილი ღონისძიებების გატარება.

5. ეს ბრძანება,  გარდა მე-3  პუნქტისა,  ამოქმედდეს გამოქვეყნებისთანავე.

6. ამ ბრძანების მე-3 პუნქტი ამოქმედდეს 2011 წლის 29 დეკემბრიდან.

დ. შაშკინი