საჯარო სამართლის იურიდიული პირის - ჯანმრთელობის დაზღვევის მედიაციის სამსახურის ლიკვიდაციის შესახებ

საქართველოს პრეზიდენტის

ბრძანებულება №790

 2011 წლის 5 დეკემბერი

 ქ. თბილისი

საჯარო სამართლის იურიდიული პირის – ჯანმრთელობის დაზღვევის მედიაციის სამსახურის ლიკვიდაციის შესახებ

,,საჯარო სამართლის იურიდიული პირის შესახებ“ საქართველოს კანონის მე-16 და მე-17 მუხლებისა და საქართველოს ზოგადი ადმინისტრაციული კოდექსის 61-ე მუხლის შესაბამისად:

1. ლიკვიდირებულ იქნეს საჯარო სამართლის იურიდიული პირი – ჯანმრთელობის დაზღვევის მედიაციის სამსახური (შემდეგში – სამსახური).

2. საქართველოს შრომის, ჯანმრთელობისა და სოციალური დაცვის სამინისტრომ უზრუნველყოს სამსახურის ლიკვიდაციასთან დაკავშირებული, კანონმდებლობით გათვალისწინებული ღონისძიებების განხორციელება.

3. სამსახურის ლიკვიდაციის შემდეგ სამსახურის უფლებები და მის მიერ ნაკისრი მოვალეობები განახორციელოს საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალმა სახელმწიფო საქვეუწყებო დაწესებულებამ – სამედიცინო საქმიანობის სახელმწიფო რეგულირების სააგენტომ.

4. ძალადაკარგულად გამოცხადდეს ,,საჯარო სამართლის იურიდიული პირის – ჯანმრთელობის დაზღვევის მედიაციის სამსახურის დაფუძნების შესახებ“ საქართველოს პრეზიდენტის 2010 წლის 7 ივნისის №386 ბრძანებულება.

5. ეს ბრძანებულება ამოქმედდეს გამოქვეყნებისთანავე.

მ. სააკაშვილი