„სახელმწიფო შესყიდვების სააგენტოში შესყიდვებთან დაკავშირებული დავების განხილვის საბჭოს საქმიანობის წესის შესახებ” სახელმწიფო შესყიდვების სააგენტოს თავმჯდომარის 2010 წლის 30 ნოემბრის №11 ბრძანებაში ცვლილებებისა და დამატებების შეტანის თაობაზე

სახელმწიფო შესყიდვების სააგენტოს თავმჯდომარის

ბრძანება №20

2011 წლის 17 ნოემბერი

ქ. თბილისი

„სახელმწიფო შესყიდვების სააგენტოში შესყიდვებთან დაკავშირებული დავების განხილვის საბჭოს საქმიანობის წესის შესახებ” სახელმწიფო შესყიდვების სააგენტოს თავმჯდომარის 2010 წლის 30 ნოემბრის №11 ბრძანებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:

მუხლი 1. „სახელმწიფო შესყიდვების სააგენტოში შესყიდვებთან დაკავშირებული დავების განხილვის საბჭოს საქმიანობის წესის შესახებ” სახელმწიფო შესყიდვების სააგენტოს თავმჯდომარის 2010 წლის 30 ნოემბრის №11 ბრძანებაში (სსმ III, 30.11.2010, №156, მუხ. 2213) შეტანილ იქნეს შემდეგი ცვლილებები და დამატებები:

1.ბრძანების პირველი პუნქტი ჩამოყალიბდეს შემდეგი რედაქციით:

,,1. დამტკიცდეს სახელმწიფო შესყიდვების სააგენტოში შესყიდვებთან დაკავშირებული დავების განხილვის საბჭოს საქმიანობის წესი თანდართულ დანართებთან ერთად (დანართი  №1 და №2).“.

2. მე-2 მუხლის მე-4 პუნქტი ჩამოყალიბდეს შემდეგი რედაქციით:

„4. საჩივარი სააგენტოში წარდგენილ უნდა იქნეს ელექტრონულად, სახელმწიფო შესყიდვების ერთიან ელექტრონულ სისტემაში სატენდერო განცხადებაში არსებული შესაბამისი სისტემური ღილაკის მეშვეობით. საჩივარს უნდა ჰქონდეს სამართლებრივი საფუძველი და სააგენტოში წარდგენილ უნდა იქნეს დანართ  №1-ით დამტკიცებული ფორმით და დანართი №2–ის შესაბამისად.“.

3. მე-3 მუხლს დაემატოს მე–5 პუნქტი შემდეგი რედაქციით:

,,5. ამ წესის მე-3 მუხლის მე-3 პუნქტით განსაზღვრულ საბჭოს წევრს უფლებამოსილება უწყდება, თუ იგი საბჭოს სხდომაში არასაპატიო მიზეზით სამჯერ არ მიიღებს მონაწილეობას. ასეთ შემთხვევაში საბჭოს შემადგენლობის შევსება ხორციელდება ამ წესის შესაბამისად.“.

4. მე-4 მუხლის მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) საჩივრის დასაშვებობის დადგენის მიზნით, განიხილავს სააგენტოში შემოსულ საჩივრისა და თანდართული მასალების შესაბამისობას „სახელმწიფო შესყიდვების შესახებ“ საქართველოს კანონის 23-ე მუხლით და ამ წესით დადგენილ მოთხოვნებთან. საჩივრის დაუშვებლად ცნობის შემთხვევაში, აღნიშნულის თაობაზე დაუყოვნებლივ ეცნობება მომჩივანს კომუნიკაციის თანამედროვე საშუალებებით (ელ.ფოსტა, ტელეფონი, მოკლე ტექსტური შეტყობინება). აღნიშნული გადაწყვეტილება განთავსდება სააგენტოს ოფიციალურ ვებგვერდზე, ასეთ შემთხვევაში აღნიშნული ინფორმაცია ოფიციალურად გაგზავნილად ჩაითვლება მისი ვებგვერდზე განთავსებისთანავე;“.

5. დანართი №1 ჩამოყალიბდეს შემდეგი რედაქციით:

დანართი №1

კანონმდებლობით დადგენილ მოთხოვნათა დაუცველად წარმოდგენილი საჩივარი დაუშვებლად იქნება ცნობილი და არ დაექვემდებარება განხილვას.

6. ბრძანებას დაემატოს დანართი №2 შემდეგი რედაქციით:

დანართი №2

მუხლი 2. ბრძანება ამოქმედდეს გამოქვეყნებისთანავე. 

ტ. ურჯუმელაშვილი