საქართველოს ცენტრალური საარჩევნო კომისიის 2009 წლის 23 მარტის N1/2009 დადგენილებით დამტკიცებულ ”საარჩევნო ადმინისტრაციის მოხელეთა სერტიფიცირების წესის” დებულებაში დამატების შეტანის თაობაზე

საქართველოს საარჩევნო ადმინისტრაცია

საქართველოს ცენტრალური საარჩევნო კომისიის

დადგენილება №15/2011

2011 წლის 10 ნოემბერი

ქ. თბილისი

საქართველოს ცენტრალური საარჩევნო კომისიის 2009 წლის 23 მარტის №1/2009 დადგენილებით დამტკიცებულ „საარჩევნო ადმინისტრაციის მოხელეთა სერტიფიცირების წესის” დებულებაში დამატების შეტანის თაობაზე

 „საქართველოს საარჩევნო კოდექსი“ საქართველოს ორგანული კანონის 25-ე მუხლის
მე-2 და მე-3 პუნქტების, 29-ე მუხლის პირველი პუნქტის „უ ¹ ” ქვეპუნქტის, 77 -ე მუხლის მე-5 პუნქტისა და „ნორმატიული აქტების შესახებ“ საქართველოს კანონის მე-20 მუხლის შესაბამისად, საქართველოს ცენტრალური საარჩევნო კომისია ადგენს :

  მუხლი 1. საქართველოს ცენტრალური საარჩევნო კომისიის 2009 წლის 23 მარტის №1/2009 დადგენილებით (სსმ III, №36, 25/03/2009) დამტკიცებულ „საარჩევნო ადმინისტრაციის მოხელეთა სერტიფიცირების წესის შესახებ” დებულებას დაემატოს შემდეგი შინაარსის IX თავი:

„თავი IX

გარდამავალი დებულებანი

მუხლი 31.

ამ დებულების მე-6 მუხლის შესაბამისად, 2011 წელს გასამართი საარჩევნო ადმინისტრაციის მოხელის სერტიფიცირება გაიმართოს 2012 წლის პირველ ნახევარში, ახალი საარჩევნო კოდექსის მიღებისა და მის საფუძველზე ცესკოს მიერ სერტიფიცირებისათვის შესაბამისი  ტესტების შემუშავების  შემდეგ.”

  მუხლი 2. ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, №6) მისი მიღებიდან 2 კალენდარული დღის ვადაში.

  მუხლი 3. ეს დადგენილება ამოქმედდეს გამოქვეყნებისთანავე.

კომისიის თავმჯდომარე                                                                              ზ. ხარატიშვილი

კომისიის მდივანი                                                                                      გ. მჭედლიძე