დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოს კონტროლის პალატის შესახებ“ საქართველოს კანონში ცვლილებებისა და დამატების შეტანის შესახებ | |
---|---|
დოკუმენტის ნომერი | 672 |
დოკუმენტის მიმღები | საქართველოს პარლამენტი |
მიღების თარიღი | 12/08/2000 |
დოკუმენტის ტიპი | საქართველოს კანონი |
გამოქვეყნების წყარო, თარიღი | სსმ, 50, 27/12/2000 |
ძალის დაკარგვის თარიღი | 05/02/2009 |
სარეგისტრაციო კოდი | 010.230.000.05.001.000.861 |
საქართველოს კანონი
„საქართველოს კონტროლის პალატის შესახებ“ საქართველოს კანონში ცვლილებებისა და დამატების შეტანის თაობაზე
I. „საქართველოს კონტროლის პალატის შესახებ“ საქართველოს კანონში (პარლამენტის უწყებანი, №17-18, 9 მაისი, 1997) შეტანილ იქნეს შემდეგი ცვლილებები:
1. მე-9 მუხლის:
ა) პირველი პუნქტიდან ამოღებულ იქნეს სიტყვები „საქართველოს დედაქალაქ თბილისში“;
ბ) მე-2 პუნქტი ჩამოყალიბდეს შემდეგი რედაქციით:
„2. გადაწყვეტილებას კონტროლის პალატის ბიუროების შექმნის ან გაუქმების შესახებ საქართველოს კონტროლის პალატის თავმჯდომარის წარდგინებით იღებს საქართველოს კონტროლის პალატის პრეზიდიუმი“.
2. 22-ე მუხლის „დ“ ქვეპუნქტიდან, IV თავის სათაურიდან, 24-ე, 26-ე, 27-ე, 28-ე, 29-ე, მე-40 და 42-ე მუხლებიდან ამოღებულ იქნეს სიტყვები „ქალაქ თბილისის.“
3. 31-ე მუხლიდან ამოღებულ იქნეს სიტყვები „ავტონომიური რესპუბლიკებისა და ქალაქ თბილისის გარდა.“.
4. 81-ე მუხლი ჩამოყალიბდეს შემდეგი რედაქციით:
„მუხლი 81
1. საქართველოს კონტროლის პალატა ძირითადად კომპლექტდება ეკონომიკური და იურიდიული განათლების მქონე პირებით. საქართველოს კონტროლის პალატის საკონტროლო-სარევიზიო საქმიანობით დაკავებულ მოხელეს უნდა ჰქონდეს უმაღლესი განათლება, სპეციალობით მუშაობის არანაკლებ სამი წლის სტაჟი და გავლილი – საკვალიფიკაციო-საატესტაციო გამოცდა.
2. საკვალიფიკაციო-საატესტაციო გამოცდის ჩატარების წესი განისაზღვრება ცალკე დებულებით, რომელსაც საქართველოს კონტროლის პალატის თავმჯდომარის წარდგინებით ამტკიცებს საქართველოს პრეზიდენტი.
3. საქართველოს კონტროლის პალატის საკონტროლო-სარევიზიო საქმიანობით დაკავებული მოხელე საკვალიფიკაციო-საატესტაციო გამოცდის ჩაუბარებლობის შემთხვევაში თავისუფლდება თანამდებობიდან.
5. კანონს დაემატოს 84-ე მუხლი:
„მუხლი 84
ამ კანონის 81-ე მუხლის პირველი პუნქტი ამოქმედდეს 2001 წლის 1 აპრილიდან.“.
II. ეს კანონი ამოქმედდეს გამოქვეყნებისთანავე.
საქართველოს პრეზიდენტი ე. შევარდნაძე
თბილისი,
2000 წლის 8 დეკემბერი.
№672_Iს
დოკუმენტის კომენტარები