დაბა ხარაგაულის ადმინისტრაციულ საზღვრებში არსებულ ტერიტორიაზე შინაური პირუტყვის დაბის ქუჩებში,სკვერებში,საზოგადოებრივი თავშეყრის სხვა ადგილებში გაშვების აკრძალვის და დაჭერილი და სპეციალურ სამყოფელში გადაყვანილი პირუტყვის ყოველდღიური შენახვის ხარჯის გადახდის ინსტრუქციის დამტკიცების შესახებ

 ხარაგაულის მუნიციპალიტეტის საკრებულოს                 

დადგენილება №36

2011 წლის 3 ოქტომბერი

დ. ხარაგაული

დაბა ხარაგაულის ადმინისტრაციულ საზღვრებში არსებულ ტერიტორიაზე შინაური პირუტყვის დაბის ქუჩებში,სკვერებში,საზოგადოებრივი თავშეყრის სხვა ადგილებში გაშვების აკრძალვის და დაჭერილი და სპეციალურ სამყოფელში გადაყვანილი პირუტყვის ყოველდღიური შენახვის ხარჯის   გადახდის ინსტრუქციის დამტკიცების შესახებ

,,ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-3 პუნქტის, „ნორმატიული აქტების შესახებ“ კანონის  25-ე მუხლის შესაბამისად,

    მუხლი 1.

დამტკიცდეს დაბა ხარაგაულის ადმინისტრაციულ საზღვრებში არსებულ ტერიტორიაზე შინაური პირუტყვის დაბის ქუჩებში,სკვერებში,საზოგადოებრივი თავშეყრის სხვა ადგილებში გაშვების აკრძალვის და დაჭერილი და სპეციალურ სამყოფელში გადაყვანილი პირუტყვის ყოველდღიური შენახვის ხარჯის გადახდის ინსტრუქცია (დანართი №1).

    მუხლი 2.

დადგენილების შესრულებაზე კონტროლი დაევალოს მუნიციპალიტეტის გამგეობის ეკონომიკისა და ინფრასტრუქტურის სამსახურს.

    მუხლი 3.

ძალადაკარგულად გამოცხადდეს ხარაგაულის მუნიციპალიტეტის საკრებულოს 2011 წლის 1 აგვისტოს №32 დადგენილება ,,დაბა ხარაგაულის ადმინისტრაციულ საზღვრებში არსებულ ტერიტორიაზე წვრილფეხა ან /და მსხვილფეხა პირუტყვის დაბის ქუჩებში, სკვერებში და საზოგადოებრივი თავშეყრის სხვა ადგილებში მეთვალყურეობის ქვეშ ან მეთვალყურეობის გარეშე ყოფნის წესების შესახებ".

    მუხლი 4.

ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                              ა. მაჭავარიანი

დანართი №1

დაბა ხარაგაულის ადმინისტრაციულ საზღვრებში არსებულ ტერიტორიაზე შინაური პირუტყვის დაბის ქუჩებში, სკვერებში, საზოგადოებრივი თავშეყრის სხვა ადგილებში გაშვების აკრძალვის და დაჭერილი და სპეციალურ იზოლატორში გადაყვანილი პირუტყვის ყოველდღიური შენახვის  ხარჯის გადახდის ინსტრუქცია

    მუხლი 1

 აიკრძალოს დაბა ხარაგაულის ადმინისტრაციულ საზღვრებში არსებულ ტერიტორიაზე მსხვილფეხა და/ან წვრილფეხა პირუტყვის კერძო საკუთრებაში არსებული ფართის გარეთ-დაბის ქუჩებში, სკვერებში და საზოგადოებრივი თავშეყრის სხვა ადგილებში უმეთვალყურეოდ გაშვება.

(ინსტრუქცია არ ვრცელდება საქართველოს ადმინისტრაციულ სამართალდარღვევათა კოდექსის 127-ე მუხლის მეორე ნაწილით გათვალისწინებულ სამართალდარღვევებზე).

    მუხლი 2

დადგენილების შესრულების უზრუნველყოფის მიზნით გაფორმდეს შესაბამისი ხელშეკრულება მუნიციპალიტეტის არასამეწარმეო (არაკომერციულ) იურიდიულ პირთან ,,სარაგაულ კეთილმოწყობა“ -სთან (შემდგომში – შემსრულებელი).

    მუხლი 3

ხელშეკრულებაში გათვალისწინებულ იქნეს შემდეგი პირობები:

ა) დაჭერილი ცხოველების განთავსებისათვის სპეციალური ტერიტორიის გამოყოფა და შემოღობვა;

ბ) საყარაულო ჯიხურის მოწყობა და ტერიტორიის დაცვა;

გ) ცხოველის დაჭერის შესახებ განცხადების გამოქვეყნება;

დ) ცხოველის მესაკუთრისათვის შესაბამისი ქვითრის წარდგენა და მიღება-ჩაბარების აქტის გაფორმება;

ე) შემსრულებლის მიერ ხარაგაულის მუნიციპალიტეტის გამგეობის ეკონომიკისა და ინფრასტრუქტურის სამსახურისათვის ინფორმაციის მიწოდება. პირუტყვისაგან მიყენებული ზიანის შესახებ.

    მუხლი 4

 შემსრულებელი ვალდებულია დაკავებული პირუტყვი ამყოფოს ჩვეულებრივ პირობებში და განახორციელოს მათი კვება, მოვლა, დაცვა, არ განახორციელოს დაკავებული პირუტყვის მიმართ კანონსაწინააღმდეგო ქმედებები.

    მუხლი 5

ცხოველის სადღეღამისო კვება, ტერიტორიის დაცვა და განაცხადის გამოქვეყნება განხორციელდეს პირუტყვის მესაკუთრის ხარჯზე; დაჭერილი ცხოველის მეთვალყურეობის მომსახურების თანხა განისაზღვროს დღეში – 10(ათი) ლარი.

    მუხლი 6

ამოღებული თანხები მიმართულ იქნეს ადგილობრივ ბიუჯეტში შესაბამის ანგარიშზე.

    მუხლი 7

 უმეთვალყურეოდ გაშვებული ცხოველის დაჭერის შემთხვევაში შემსრულებელი ვალდებულია დაჭერისთანავე გაავრცელოს ინფორმაცია იმდაგვარად, რომ ივარაუდებოდეს ინფორმაციის საზოგადოების ფართო წრისადმი მისაწვდომობა. გავრცელებული ინფორმაცია უნდა შეიცავდეს მოწოდებას მესაკუთრის მიერ დაკავებული პირუტყვის წაყვანის შესახებ.

    მუხლი 8

 შემსრულებელი ვალდებულია დაჭერილი პირუტყვი მესაკუთრეს გაატანოს პირადობის დამადასტურებელი დოკუმენტის და გადახდილი ქვითრის წარმოდგენის შემდეგ, რის შესახებაც ფორმდება დაჭერილი პირუტყვის მიღება-ჩაბარების აქტი, თარიღის მითითებით და მხარეების ხელმოწერით.

    მუხლი 9

 შემსრულებელი ვალდებულია სრულყოფილად აწარმოოს პირუტყვის დაჭერის თითოეულ შემთხვევასთან დაკავშირებული დოკუმენტაცია იმდაგვარად, რომ გამოირიცხოს მესაკუთრეთა მხრიდან უსაფუძვლო მოთხოვნები და პირუტყვის მესაკუთრეზე დაკისრებული შენახვის ხარჯის ამოღებასთან დაკავშირებით იხელმძღვანელონ კანონმდებლობით დადგენილი წესით.

    მუხლი 10

წვრილფეხა ან/და მსხვილფეხა პირუტყვის მესაკუთრე დაკისრებულ ჯარიმას იხდის 20 დღის ვადაში. ამ ვადის გასვლის შემდეგ დაკისრებული ჯარიმისა და პირუტყვის მოვლა-პარტონობის ხარჯების ანაზღაურების უზრუნველყოფის მიზნით ხორციელდება პირუტყვის რეალიზება საქართველოს კანონმდებლობით დადგენილი წესით