„ვეტერინარიის შესახებ“ საქართველოს კანონში ცვლილებების შეტანის თაობაზე

საქართველოს კანონი

„ვეტერინარიის შესახებ” საქართველოს კანონში ცვლილებების შეტანის თაობაზე

    მუხლი 1.

 „ვეტერინარიის შესახებ” საქართველოს კანონში (საქართველოს პარლამენტის უწყებები, №27-30, ივნისი, 1995 წელი, მუხ. 635) შეტანილ იქნეს შემდეგი ცვლილებები:

1. 35-ე მუხლი ჩამოყალიბდეს შემდეგი რედაქციით:

     „მუხლი 35. სახელმწიფო ვეტერინარიის ორგანიზაციების და დაწესებულებების დაფინანსება და მატერიალურ-ტექნიკური უზრუნველყოფა

1. სახელმწიფო ვეტერინარიის ორგანიზაციები და დაწესებულებები ფინანსდება არასაბიუჯეტო შემოსავლებით და „საჯარო სამართლის იურიდიული პირის შესახებ”. საქართველოს კანონით გათვალისწინებული დაფინანსების სხვა წყაროებიდან.

2. ამ მუხლის პირველი პუნქტით განსაზღვრული სახსრები, აგრეთვე მოსაკრებლის სახით მიღებული შემოსავლები შესაბამისი საკანონმდებლო და საქართველოს პრეზიდენტის მიერ გამოცემული ნორმატიული აქტებით განსაზღვრული წესით ხმარდება საქართველოს სოფლის მეურნეობისა და სურსათის სამინისტროს ვეტერინარიის დეპარტამენტის დებულებით გათვალისწინებული მიზნებისა და ფუნქციების განხორცილებას.”.

2. 37-ე მუხლი ჩამოყალიბდეს შემდეგი რედაქციით:

     „მუხლი 37. ვეტერინარიის მომსახურების ხარჯები

ლაბორატორიული გამოკვლევების, სასზღვრო-გამშვებ პუნქტებში (საბაჟოებში) საკარანტინო მომსახურების, ვეტერინარული სერტიფიკატის გაცემის, სავაჭრო ობიექტებში ცხოველების, მეცხოველეობის პროდუქტების, ცხოველური ნედლეულის, მცენარეული და ყველა სხვა პროდუქტის ვეტერინარულ-სანიტარიული ექსპერტიზისა და სხვა ღონისძიებების განხორცილებისათვის მოსაკრებელი გადაიხდება საქართველოს საკანონმდებლო აქტებით დადგენილი წესითა და ოდენობით.”.

    მუხლი 2.

ეს კანონი ამოქმედდეს გამოქვეყნებიდან მე-15 დღეს.

საქართველოს პრეზიდენტი ედუარდ შევარდნაძე

თბილისი,

2003 წლის 7 მაისი.

№2209