განჩინება შპს „ 3 მ ჯორჯია ავტოსერვისი“-ს კრედიტორთა კრების მოწვევის შესახებ

გ ა ნ ჩ ი ნ ე ბ ა

საქართველოს სახელით

2011 წლის 20 სექტემბერი

თბილისის საქალაქო სასამართლოს სამოქალაქო საქმეთა კოლეგია

მოსამართლე თამარ ჭუნიაშვილი

ზეპირი მოსმენის გარეშე განიხილა განმცხადებლის – შპს „3 მ ჯორჯია ავტოსერვისის“ კრედიტორთა კრების მოწვევის საკითხი და

გამოარკვია:

2011 წლის 1 აგვისტოს თბილისის საქალაქო სასამართლოში შპს „3 მ ჯორჯია ავტოსერვისის“ გაკოტრების მმართველმა ვახტანგ კეკელიძემ წარმოადგინა შპს „3 მ ჯორჯია ავტოსერვისის“ გაკოტრების ანგარიში და ითხოვა კრედიტორთა კრების დანიშვნა.

სასამართლო გაეცნო წარმოდგენილ მასალებს, მიაჩნია, რომ განცხადება საფუძვლიანია და უნდა დაკმაყოფილდეს.

დანიშნული უნდა იქნეს კრედიტორთა კრება და კრედიტორთა კრებაზე განხილულ იქნეს საკითხები: 1) გაკოტრების მმართველის ანგარიში და სამეურვეო ქონების რეალიზაციის შედეგები და განაწილება, 2) შპს „3 მ ჯორჯია ავტოსერვისის“ სამეწარმეო რეესტრიდან ამოშლის და საქმის წარმოების დასრულების შესახებ.

დაადგინა:

1. კრედიტორთა კრება მოწვეულ იქნეს 2011 წლის 6 ოქტომბერს, 14.00 საათზე, თბილისის საქალაქო სასამართლოს შენობაში (ქ. თბილისი, დავით აღმაშენებლის ხეივანი, მე-12 კმ. №6, დარბაზი №29);

2. განჩინება გამოქვეყნდეს საქართველის საკანონმდებლო მაცნეში და სასამართლოს დაფაზე;

3. განჩინებაზე შეიძლება კერძო საჩივრის შეტანა ამავე სასამართლოში, მხარეებისათვის განჩინების გადაცემიდან 5 (ხუთი) დღის ვადაში.

მოსამართლე     თ. ჭუნიაშვილი