„მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდარღვევათა საქმისწარმოების წესის დამტკიცების თაობაზე” საქართველოს ფინანსთა მინისტრის 2010 წლის 31 დეკემბრის №994 ბრძანებაში ცვლილების შეტანის შესახებ

საქართველოს ფინანსთა მინისტრის

ბრძანება №504

2011 წლის 26 სექტემბერი

ქ. თბილისი

,,მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდარღვევათა საქმისწარმოების წესის დამტკიცების თაობაზე” საქართველოს ფინანსთა მინისტრის 2010 წლის 31 დეკემბრის №994 ბრძანებაში ცვლილების შეტანის შესახებ

,,ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

 მუხლი 1. ,,მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდარღვევათა საქმისწარმოების წესის დამტკიცების თაობაზე“ საქართველოს ფინანსთა მინისტრის 2010 წლის 31 დეკემბრის №994 ბრძანებით (სსმ III, №172, 31.12.2010, მუხლი 2552) დამტკიცებულ წესში შეტანილ იქნეს შემდეგი ცვლილება:

1. 15³ მუხლის :

ა) პირველი პუნქტი ჩამოყალიბდეს შემდეგი რედაქციით:

,,1. კერძო საგადასახადო ინსპექტორი საკონტროლო შესყიდვას ახორციელებს საკუთარი სახსრებით ნაღდი ანგარიშსწორებით.“;

ბ) მე-4 პუნქტი ჩამოყალიბდეს შემდეგი რედაქციით:

,, 4. კერძო საგადასახადო ინსპექტორმა საკონტროლო შესყიდვის განხორციელებისთანავე გადასახადის გადამხდელს უნდა წარუდგინოს შემოსავლების სამსახურის მიერ გაცემული კერძო საგადასახადო ინსპექტორის მოწმობა, გარდა ამ მუხლის მე-8 პუნქტით გათვალისწინებული შემთხვევისა.“;

გ) მე-6 პუნქტი ჩამოყალიბდეს შემდეგი რედაქციით:

,,6. კერძო საგადასახადო ინსპექტორი უფლებამოსილია განახორციელოს ოპერაციის გაუქმება ამ წესის მე-14 მუხლის შესაბამისად.“.

2. 15³ მუხლს დაემატოს შემდეგი შინაარსის მე-7- მე-9 პუნქტები:

 ,,7. ოპერაციის გაუქმების ფაქტი ფორმდება ,,კერძო საგადასახადო ინსპექტორის მიერ განხორციელებული საკონტროლო შესყიდვის შედეგების შესახებ“ ოქმით (დანართი № 2¹). აღნიშნული ოქმი გადასახადის გადამხდელისათვის წარმოადგენს ოპერაციის გაუქმების საფუძველს.

 8. იმ შემთხვევაში, თუ განხორციელებული საკონტროლო შესყიდვისას საგადასახადო სამართალდარღვევა არ გამოვლინდა, კერძო საგადასახადო ინსპექტორი უფლებამოსილია, არ გაამჟღავნოს საკუთარი ვინაობა.

 9 . კერძო საგადასახადო ინსპექტორი ვალდებულია პროცედურის განხორციელებიდან არა უგვიანეს მე-2 სამუშაო დღისა საგადასახადო სამართალდარღვევისა და ,,კერძო საგადასახადო ინსპექტორის მიერ განხორციელებული საკონტროლო შესყიდვის შედეგების შესახებ“ ოქმები წარადგინოს საგადასახადო ორგანოში.“.

3. დანართი № 2-ის შემდეგ დაემატოს დანართი № 2¹ თანდართული რედაქციით.

მუხლი 2. ეს ბრძანება ამოქმედდეს გამოქვეყნებისთანავე და მისი მოქმედება გავრცელდეს 2011 წლის 12 სექტემბრიდან წარმოშობილ სამართლებრივ ურთიერთობებზე.

მინისტრის მოვალეობის      შემსრულებელი       პ . პეტრიაშვილი

დანართი №2¹

შემოსავლების სამსახური

ოქმი №

კერძო საგადასახადო ინსპექტორის მიერ განხორციელებული

საკონტროლო შესყიდვის შედეგების შესახებ

   (შედგენის თარიღი)             (საგადასახადო ორგანოს დასახელება)                        (რიცხვი, თვე)

(კერძო საგადასახადო ინსპექტორის სახელი და გვარი, პირადი ნომერი)

(მოქმედების დაწყებისა და დამთავრების დრო (წელი, თვე, რიცხვი, საათი წუთი))

თანდასწრებით

(დამსწრე პირის სახელი, გვარი, პირადი ნომერი)

განვახორციელე

(გადასახადის გადამხდელის დასახელება/სახელი და გვარი, საიდენტიფიკაციო/პირადი ნომერი, ფაქტიური მისამართი)

საქონლის/მომსახურების 

  კერძოდ,

                                               (საქონლის/მომსახურების ზუსტი დასახელება და აღწერა; გადახდილი/შეთავაზებული თანხის ოდენობა)

8. საკონტროლო შესყიდვის შედეგები: 

 (საკონტროლო შესყიდვის პროცედურის შინაარსი; სამართალდარღვევის გამოვლენის შემთხვევაში - შედგენილი ოქმის ნომერი; განხორციელდა თუ არა ოპერაციის გაუქმება; დაბრუნებული ან/და დაუბრუნებელი საქონლის დასახელება და მიღებული ფულის ოდენობა და სხვა.)

ოქმის სისწორეს ვადასტურებთ ხელმოწერით:

კერძო საგადასახადო ინსპექტორი                     --------------------------        --------------------------

                                                                                     (სახელი, გვარი)                        (ხელმოწერა)

გადასახადის გადამხდელი ან/და                     --------------------------       --------------------------

მისი თანამშრომელი                                                   --------------------------       -------------------------

                                                                         (სახელი, გვარი)                                (ხელმოწერა)

დამსწრე პირები:                                  --------------------------                              -------------------------

                                                                            --------------------------                             -------------------------

                                                                (სახელი, გვარი)                                                           (ხელმოწერა)

შენიშვნა