„შპს „საქართველოს სახელმწიფო ელექტროსისტემის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2010 წლის 27 იანვრის №20 დადგენილებაში ცვლილების შეტანის თაობაზე

საქართველოს მთავრობის

დადგენილება №370

2011 წლის 23 სექტემბერი

ქ. თბილისი

„შპს „საქართველოს სახელმწიფო ელექტროსისტემის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2010 წლის 27 იანვრის №20 დადგენილებაში ცვლილების შეტანის თაობაზე

მუხლი  1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტისა და „სახელმწიფო შესყიდვების შესახებ“ საქართველოს კანონის მე-3 მუხლის პირველი პუნქტის „ა.თ“ ქვეპუნ­ქტის შესაბამისად, „შპს „საქართველოს სახელმწიფო ელექტროსის­ტემის“ სახსრებით საქონლისა და მომსახურების შესყიდვების  სპე­ცი­ა­ლუ­რი წესის დამტკიცების შესახებ“ საქართველოს მთავრობის 2010 წლის 27 იანვრის №20 დადგენილებაში (სსმ III, 2010 წელი, №10, მუხლი 111) შეტანილ იქნეს შემდეგი ცვლილება:

1. დადგენილების სათაური ჩამოყალიბდეს შემდეგი რედაქციით:

„სს „საქართველოს სახელმწიფო ელექტროსისტემის“ სახსრებით სა­ქონლისა და მომსახურების შესყიდვების სპეციალური წესის დამ­ტკი­ცების შესახებ“.

2. პირველი მუხლი ჩამოყალიბდეს შემდეგი რედაქციით:

„მუხლი 1. „სახელმწიფო შესყიდვების შესახებ“ საქარ­თვე­ლოს კანონის მე-3 მუხლის პირველი პუნქტის „ა.თ“ ქვე­პუნ­ქტის საფუძ­ველზე დამტკიცდეს სს „საქართველოს სა­ხელ­მწი­ფო ელექტრო­სის­ტემის“ მიერ ელექტროენერგიის გა­და­ცე­მა-დის­პეტჩერიზაციის შეუ­ფერ­ხებლად განხორციელე­ბი­სათ­ვის სა­ჭი­რო საქონლისა და მომსახუ­რების შესყიდვების გან­ხორცი­ე­ლე­ბის თანდართული სპეციალური წესი.“.

მუხლი 2. „შპს „საქართველოს სახელმწიფო ელექტროსისტემის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2010 წლის 27 იანვრის №20 დადგენილებით დამტკიცებულ წესში (შემდგომში – წე­სი) შეტანილ იქნეს შემდეგი ცვლილება:

1. წესის სათაური ჩამოყალიბდეს შემდეგი რედაქციით:

„სს „საქართველოს სახელმწიფო ელექტროსისტემის“ მიერ ელექ­ტროენერგიის გადაცემა-დისპეტჩერიზაციის შეუფერხებლად გა­ნ­ხორციელებისათვის საჭირო საქონლისა და მომსახურების  შესყიდ­ვების განხორციელების სპეციალური წესი“.

2. პირველი მუხლის პირველი და მე-2 პუნქტები ჩამოყალიბდეს  შემდეგი რედაქციით:

„1. ეს წესი ვრცელდება სს „საქართველოს სახელ­მწი­ფო ელექტრო­სისტემის“ საქმიანობის სპეციფიკასთან დაკავ­შირებული საქონლისა (დანართი №1) და მომსახუ­რე­ბის (დანართი №2) სახეებზე.

2. სს „საქართველოს სახელმწიფო ელექტროსისტე­მის“ მიერ გან­სახორციელებელ სხვა დანარჩენ შესყიდვაზე ვრცელდება „სახელ­მწიფო შესყიდ­ვების შესახებ“ საქარ­თვე­­ლოს კანონი და მის საფუძ­ველზე გამოცემული კანონქვემდებარე ნორმატიული აქტები.“.

3. მე-2 მუხლის პრეამბულა ჩამოყალიბდეს შემდეგი რედაქ­ციით:

„სს „საქართველოს სახელმწიფო ელექტროსისტემაში“ შესყიდვე­ბის განხორციელების ძირითადი პრინციპებია:“.

4. მე-3 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) შემსყიდველი ორგანიზაცია – სს „საქართველოს სახელმწიფო ელექტროსისტემა;“;

ბ) „ლ“ ქვეპუნქტი ჩამოყალიბდეს შემდეგი რედაქციით:

„ლ) საფასური – ტენდერში მონაწილეობის მისაღებად ამ წესით განსაზღვრული სს „საქართველოს სახელმწიფო ელექტროსისტემის“ ანგარიშზე გადასახდელი სავალდებულო თანხა, რომელიც რჩება სა­წარ­მოს განკარგულებაში;“.

5. მე-6 მუხლის:

ა) მე-2 პუნქტის „გ“ ქვეპუნქტი  ჩამოყალიბდეს შემდეგი რედაქ­ცი­ით:

„გ) საქონლის მიწოდება, ან მომსახურების გაწევა მხოლოდ ერთი პირის ექსკლუზიური უფლებაა და არ არსებობს მიზანშეწონილი ალტერნატივა შესყიდვის ობიექტის ჩასანაცვლებლად;“;

ბ) მე-4 პუნქტის „ა“ ქვეპუნქტი ჩამოყალიბდეს შემდეგი რედაქ­ციით:

„ა) შესყიდვის პროცედურაში მონაწილეობის მისაღებად მოწვე­ულნი არიან შესასყიდი საქონლის მწარმოებელი კომპანიების ან/და მწარმოებელი კომპანიის ოფიციალური დილერები და შესყიდვა ხო­რ­­ციელდება მწარმოებელი კომპანიების ან/და მათი დილერებისაგან. მოსა­წ­ვევ პირებს განსაზღვრავს სს „საქართველოს სახელმწიფო ელექ­ტრო­სის­ტემა;“.

6. 21-ე მუხლის პირველი პუნქტი ჩამოყალიბდეს შემდეგი რე­დაქციით:

„1. შესყიდვის შესახებ ხელშეკრულების შესრულების უზრუნ­ველყოფის მიზნით, შემსყიდველი ორგანიზაციის მო­თხოვნით გამო­იყენება ხელშეკრულების უზრუნველყოფის (შეს­რულების) გარან­ტი­რების მექანიზმი ან დაზღვევის მოთხოვნა. გარანტიის ოდენობა არ უნ­და აღემატებოდეს ხელშეკრულების ჯამური ღირებულების 10 პრო­­ცენტს და არ უნდა იყოს 2 პროცენტზე ნაკლები. ამასთან, გარან­ტირების მექანიზმი ან დაზღვევის მოთხოვნა სავალდე­ბულოა, თუ ხელშეკრულებით გათვალისწინებულია წინას­წა­რი ანგარიშსწორება (გარდა აკრედიტივის ფორმით ანგარიშსწორებისა); აღნიშნულ შემ­თხვევაში ხელშეკრუ­ლების უზრუნველყოფის (შესრულების) საგარან­ტიო თან­ხის ოდენობა განისაზღვრება არანაკლებ წინასწარი ანგა­რიშ­სწორების თანხის ოდენობისა. წინასწარ ანგარიშსწო­რებაზე გარანტი­რების მექანიზმის ან დაზღვევის გამოუ­ყენებ­ლობის შესახებ გადა­წყვეტილებას იღებს სს „საქარ­თველოს სახელმწიფო ელექტროსის­ტემის“ რეაბილიტაციის მმართველი ან მის მიერ შესაბამისად უფლე­ბამოსილი ორგანო (მმართველთა საბჭო).“.

მუხლი 3. დადგენილება ამოქმედდეს გამოქვეყნებისთანავე.

პრემიერ-მინისტრი                                                                                                   ნ. გილაური