„მიგრაციის საკითხთა სამთავრობო კომისიის შექმნისა და დებულების დამტკიცების შესახებ“ საქართველოს მთავრობის 2010 წლის 13 ოქტომბრის №314 დადგენილებაში ცვლილების შეტანის თაობაზე

საქართველოს მთავრობის

დადგენილება №369

2011 წლის 23 სექტემბერი

ქ. თბილისი

 „მიგრაციის საკითხთა სამთავრობო კომისიის შექმნისა და დებულების დამტკიცების შესახებ“ საქართველოს მთავრობის 2010 წლის 13 ოქტომბრის №314 დადგენილებაში ცვლილების შეტანის თაობაზე

 მუხლი 1. „ნორმატიული აქტების შესახებ“ საქართველოს კა­ნო­ნის მე‑20 მუხლის მე-4 პუნქტის შესაბამისად შეტანილ იქნეს ცვლილება „მიგ­რაციის საკითხთა სამთავრობო კომისიის შექმნისა და დე­ბულების დამტკი­ცების შესახებ“ საქართველოს მთავრობის 2010 წლის­ 13 ოქტომბრის №314 დადგე­ნილებაში (სსმ, 19.10.2010 წ.) და ამ დადგენილებით დამტკიცებული დებუ­ლების:

1. პირველი მუხლი ჩამოყალიბდეს შემდეგი რედაქციით:

     „მუხლი 1. მიგრაციის საკითხთა სამთავრობო კომისიის მიზანი

მიგრაციის საკითხთა სამთავრობო კომისია (შემდგომში – კომისია) შექმნილია მიგრაციის სფეროში საქართველოს მთავრობის ერთიანი პოლი­ტიკის განსაზღვრისა და საქართველოში მიგრაციული პროცესების მართვის გაუმჯობესების მიზნით.“.

2. მე‑2 მუხლის:

ა) სათაური ჩამოყალიბდეს შემდეგი რედაქციით:

     „მუხლი 2. კომისიის ამოცანები“;

ბ) „ბ“ ქვეპუნქტი ჩამოყალიბდეს შემდეგი რედაქციით:

„ბ) წინადადებების შემუშავება ემიგრაციიდან დაბრუნებული საქარ­თვე­ლოს მოქალაქეების რეინტეგრაციისათვის;“.

3. მე‑3 მუხლში:

ა) დაემატოს შემდეგი შინაარსის ა¹ – ა⁵ ქვეპუნქტები:

„ა¹) დაამყაროს ურთიერთობები უცხო ქვეყნის სახელმწიფო ან/და საერთაშორისო ორგანიზაციებთან და თავისი კომპეტენციის ფარგლებში ქვეყნის შიგნით მონაწილეობა მიიღოს მიგრაციის საკითხებზე საერთა­შო­რისო დოკუმენტების მომზადებასა და განხილვაში;

ა²) განახორციელოს დონორ ორგანიზაციებთან ურთიერთობის კოორ­დინაცია საერთაშორისო ორგანიზაციების მხარდაჭერით მიგრაციის საკით­ხებზე სახელმწიფო ორგანოებში პროექტების ინიცირებისა და იმპლემენ­ტა­ციისას;

ა³) სხვა ქვეყნის ორგანოებთან გააფორმოს შეთანხმებები მიგრაციის სფეროში თანამშრომლობის შესახებ, რომლებიც არ წარმოადგენს საერთაშო­რისო ხელშეკრულებას;

ა⁴) აღმოუჩინოს დახმარება უცხო ქვეყნის უწყებებსა და საერთაშორისო ორგანიზაციებს საქართველოს სახელმწიფო ორგანოებთან მიგრაციის სა­კით­ხებზე კომუნიკაციის განხორციელებაში;

ა⁵) განიხილოს სამართლებრივი აქტის პროექტები, რომლებსაც შეუძ­ლია ზეგავლენა მოახდინოს მიგრაციის მართვის სხვადასხვა სფეროს მი­კუთვ­ნებულ საკითხებზე.“;

ბ) „ბ“ ქვეპუნქტი ჩამოყალიბდეს შემდეგი რედაქციით:

„ბ) საქართველოს სამინისტროებისაგან, სხვა საჯარო დაწესებულებე­ბისა და ორგანიზაციებისაგან მოითხოვოს და მიიღოს კომისიის საქმიანო­ბი­სათვის აუცილებელი ინფორმაცია;“.

4. მე‑4 მუხლში:

ა) მუხლის სათაური ჩამოყალიბდეს შემდეგი რედაქციით:

     „მუხლი 4. კომისიის ხელმძღვანელობა და მუშაობის წესი“;

ბ) დაემატოს შემდეგი შინაარსის 2¹ პუნქტი:

„2¹. კომისიას ხელმძღვანელობს კომისიის თავმჯდომარე, რომე­ლიც:

ა) უძღვება კომისიის საქმიანობას;

ბ) ამტკიცებს კომისიის სამუშაო განრიგს კომისიის მდივნის წარდგი­ნებით;

გ) იწვევს და წარმართავს კომისიის სხდომებს;

დ) წარმოადგენს კომისიას მესამე პირებთან ურთიერთობაში;

ე) უზრუნველყოფს კომისიის ფუნქციონირებისათვის საჭირო სხვა ღო­ნისძიებების განხორციელებას.“;

გ) მე‑3 პუნქტი ჩამოყალიბდეს შემდეგი რედაქციით:

„3. კომისიის თავმჯდომარის არყოფნის შემთხვევაში სხდომას უძღვება კომისიის თავმჯდომარის მოადგილე.“;

დ) მე‑5 პუნქტი ამოღებულ იქნეს.

5. მე‑5 მუხლი ჩამოყალიბდეს შემდეგი რედაქციით:

     „მუხლი 5. კომისიის საქმიანობის ორგანიზაციულ-ტექნიკური უზრუნ­ველყოფა

1. კომისიის საქმიანობის ორგანიზაციულ-ტექნიკურ უზრუნ­ველყოფას ახორციელებს საქართველოს იუსტიციის სამინისტროს მმართველობის სფე­როში მოქმედი საჯარო სამართლის იურიდიული პირი – სამოქალაქო რეეს­ტრის სააგენტო (შემდგომში – სააგენტო).

2. სააგენტო უზრუნველყოფს:

ა) კომისიის დავალებათა შესრულების მიზნით კომისიის შემადგენ­ლობაში შემავალი საჯარო დაწესებულებების წარმომადგენელთა შორის ინ­ფორმაციის გაცვლისა და ურთიერთობის კოორდინაციას;

ბ) მიგრაციის სფეროში საინფორმაციო-ანალიტიკური მასალების მომ­ზა­დე­ბას;

გ) კომისიის დახმარებას მასობრივი ინფორმაციის საშუალებებთან და საზოგადოებრივ ორგანიზაციებთან ურთიერთობის საკითხებში;

დ) კომისიის მიერ ინიცირებული შეხვედრების, კონფერენციებისა და სემინარების მომზადებას;

ე) კომისიის მიერ უფლებამოსილებების განხორციელებისთვის საჭირო სხვა საქმიანობის განხორციელებას.“.

 მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი      ნ. გილაური