„ქ. დუშეთის ადმინისტრაციულ საზღვრებში მოქცეულ ტერიტორიაზე შინაური პირუტყვის ქუჩებში, სკვერებში, სასაფლაოებზე და საზოგადოების თავშეყრის ადგილებში გაშვების აკრძალვისა და დაჭერილი პირუტყვის შენახვის ხარჯის გადახდის ინსტრუქციის დამტკიცების შესახებ“ დუშეთის მუნიციპალიტეტის საკრებულოს 2011 წლის 22 აგვისტოს №29 დადგენილებაში ცვლილების შეტანის თაობაზე

დუშეთის მუნიციპალიტეტის საკრებულოს

დადგენილება №32

2011 წლის 15 სექტემბერი

ქ. დუშეთი

„ქ. დუშეთის ადმინისტრაციულ საზღვრებში მოქცეულ ტერიტორიაზე შინაური პირუტყვის ქუჩებში, სკვერებში, სასაფლაოებზე და საზოგადოების თავშეყრის ადგილებში გაშვების აკრძალვისა და დაჭერილი პირუტყვის შენახვის ხარჯის გადახდის ინსტრუქციის დამტკიცების შესახებ“ დუშეთის მუნიციპალიტეტის საკრებულოს 2011 წლის 22 აგვისტოს №29 დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, დუშეთის მუნიციპალიტეტის საკრებულო ადგენს:

მუხლი 1. „ქ. დუშეთის ადმინისტრაციულ საზღვრებში მოქცეულ ტერიტორიაზე შინაური პირუტყვის ქუჩებში, სკვერებში, სასაფლაოებზე და საზოგადოების თავშეყრის ადგილებში გაშვების აკრძალვისა და დაჭერილი პირუტყვის შენახვის ხარჯის გადახდის ინსტრუქციის დამტკიცების შესახებ“ დუშეთის მუნიციპალიტეტის საკრებულოს 2011 წლის 22 აგვისტოს №29 დადგენილებაში (სსმ 25/08/2011წ) შევიდეს შემდეგი ცვლილება:

ა) დადგენილების სათაური ჩამოყალიბდეს შემდეგი რედაქციით:

„ქ. დუშეთის ადმინისტრაციულ საზღვრებში ბულვარში, პარკში, სკვერში ან პლაჟზე წვრილფეხა ან/და მსხვილფეხა პირუტყვის მეთვალყურეობის ქვეშ ან მეთვალყურეობის გარეშე გაშვების აკრძალვისა და დაჭერილი პირუტყვის შენახვის ხარჯის გადახდის ინსტრუქციის დამტკიცების შესახებ“;

ბ) დადგენილების პირველი პუნქტი ჩამოყალიბდეს შემდეგი რედაქციით:

„1. აიკრძალოს ქ. დუშეთის ადმინისტრაციულ საზღვრებში მოქცეულ ტერიტორიაზე ბულვარში, პარკში, სკვერში ან პლაჟზე წვრილფეხა ან/და მსხვილფეხა პირუტყვის მეთვალყურეობის ქვეშ ან მეთვალყურეობის გარეშე გაშვება“;

გ) დადგენილების მე-2 პუნქტი ჩამოყალიბდეს შემდეგი რედაქციით:

„2. დამტკიცდეს ქ. დუშეთის ადმინისტრაციულ საზღვრებში მოქცეულ ტერიტორიაზე ბულვარში, პარკში, სკვერში ან პლაჟზე დაჭერილი პირუტყვის შენახვის ხარჯის გადახდის ინსტრუქცია (დანართი №1)“;

დ) დანართის სათაური ჩამოყალიბდეს შემდეგი რედაქციით:

„ქ. დუშეთის ადმინისტრაციულ საზღვრებში მოქცეულ ტერიტორიაზე – ბულვარში, პარკში, სკვერში ან პლაჟზე დაჭერილი პირუტყვის შენახვის ხარჯის გადახდის ინსტრუქცია“;

ე) ინსტრუქციის პირველი პუნქტი ჩამოყალიბდეს შემდეგი რედაქციით:

„1. ქ. დუშეთის ადმინისტრაციულ საზღვრებში მოქცეულ ტერიტორიაზე – ბულვარში, პარკში ან სკვერში პირუტყვის გაშვების აღკვეთის უზრუნველყოფის მიზნით გაფორმდეს შესაბამისი ხელშეკრულება ფიზიკურ ან იურიდიულ პირთან (შემდგომში – შემსრულებელი)“;

ვ) ინსტრუქციის მე-4 პუნქტი ჩამოყალიბდეს შემდეგი რედაქციით:

„4. ცხოველის სადღეღამისო კვება, შენახვა და განაცხადის გამოქვეყნება განხორციელდეს პირუტყვის მესაკუთრის ხარჯზე, დაჭერილი ცხოველის მეთვალყურეობის მომსახურების თანხა განისაზღვროს დღეში არა უმეტეს 10 (ათი) ლარით.“;

ზ) ინსტრუქციის მე-7 პუნქტი ჩამოყალიბდეს შემდეგი რედაქციით:

 „7. მესაკუთრეს პირუტყვი დაუბრუნდება მხოლოდ ჯარიმის, მისი სპეციალურ ადგილზე გადაყვანისა და მოვლა-პატრონობის ხარჯების გადახდის დამადასტურებელი დოკუმენტის წარდგენის შემდეგ.“;

თ) ინსტრუქციის მე-9 პუნქტი ჩამოყალიბდეს შემდეგი რედაქციით:

 „9. წვრილფეხა ან/და მსხვილფეხა პირუტყვის მესაკუთრე დაკისრებულ ჯარიმას იხდის 20 (ოცი) დღის ვადაში. ამ ვადის გასვლის შემდეგ დაკისრებული ჯარიმისა და პირუტყვის მოვლა-პატრონობის ხარჯების ანაზღაურების უზრუნველყოფის მიზნით ხორციელდება პირუტყვის რეალიზება საქართველოს კანონმდებლობით დადგენილი წესით.“.

მუხლი 2. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე         ც. საძაგლიშვილი