დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებაში ცვლილების შეტანის თაობაზე | |
---|---|
დოკუმენტის ნომერი | 340 |
დოკუმენტის მიმღები | საქართველოს მთავრობა |
მიღების თარიღი | 07/09/2011 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 110909010, 09/09/2011 |
სარეგისტრაციო კოდი | 290160000.10.003.016500 |
საქართველოს მთავრობის
დადგენილება №340
2011 წლის 7 სექტემბერი
ქ. თბილისი
„სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებაში ცვლილების შეტანის თაობაზე
მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებაში (სსმ, 2009 წელი, მუხლი 1798) შეტანილ იქნეს შემდეგი ცვლილება:
1. დადგენილების პირველი მუხლის „გ“ ქვეპუნქტი ჩამოყალიბდეს შემდეგი რედაქციით:
„გ) ჯანმრთელობის დაზღვევის პოლისების დარიგების წესი (დანართი №5);“.
2. დადგენილებით დამტკიცებული „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით სადაზღვევო ვაუჩერის პირობების“:
ა) მე‑2 მუხლის:
ა.ა) მე‑2 პუნქტის „ვ“ ქვეპუნქტი ჩამოყალიბდეს შემდეგი რედაქციით:
„ვ) ამ დადგენილების მე-2 მუხლის 34 პუნქტის „ა–დ“ ქვეპუნქტებით განსაზღვრული პირები;“;
ა.ბ) მე‑2 პუნქტს დაემატოს შემდეგი შინაარსის „ი“ ქვეპუნქტი:
„ი) აფხაზეთის ავტონომიური რესპუბლიკის გალის ტერიტორიაზე მდებარე საქართველოს სახელმწიფო ზოგადსაგანმანათლებლო დაწესებულების მასწავლებლები, საქართველოს განათლებისა და მეცნიერების სამინისტროს მიერ მოწოდებული სიის შესაბამისად.“;
ბ) მე‑4 მუხლის:
ბ.ა) პირველ პუნქტს დაემატოს შემდეგი შინაარსის „ა.თ“ ქვეპუნქტი:
„ა.თ) „ი“ ქვეპუნქტით განსაზღვრული ბენეფიციარებისათვის – თვით ბენეფიციარი ან მისი კანონიერი წარმომადგენელი.“;
ბ.ბ) მე‑2 პუნქტის „ბ.ზ“ ქვეპუნქტი ჩამოყალიბდეს შემდეგი რედაქციით:
„ბ.ზ) მე-2 მუხლის მე-2 პუნქტის „ვ“ და „ი“ ქვეპუნქტებით განსაზღვრულ ბენეფიციართათვის – კომპეტენტური ორგანოს მიერ მოწოდებული სიით გათვალისწინებული მისამართი;“;
ბ.გ) მე‑2 პუნქტს დაემატოს შემდეგი შინაარსის „დ“ ქვეპუნქტი:
„დ) ჯანმრთელობის დაზღვევის პოლისი (შემდგომში – პოლისი) – მოწმობა დაზღვევის ხელშეკრულების შესახებ, რომელიც მოიცავს ინფორმაციას მზღვეველის, დამზღვევის, დაზღვეულის შესახებ და დაზღვევის პირობების და ხელშეკრულების მხარეთა უფლება‑მოვალეობების ზოგად ჩამონათვალს. პოლისის ფორმას განსაზღვრავს სააგენტო სადაზღვევო ორგანიზაციასთან შეთანხმებით.“;
გ) მე‑5 მუხლს დაემატოს შემდეგი შინაარსის 21 პუნქტი:
„21. აფხაზეთის ავტონომიური რესპუბლიკის გალის ტერიტორიაზე მდებარე საქართველოს სახელმწიფო ზოგადსაგანმანათლებლო დაწესებულების მასწავლებლები, სადაზღვევო ვაუჩერის საფუძველზე, სადაზღვევო ხელშეკრულებას აფორმებენ ზუგდიდის მუნიციპალიტეტში კონკურსში გამარჯვებულ მზღვეველთან.“;
დ) მე‑7 მუხლს დაემატოს შემდეგი შინაარსის 31 და 32 პუნქტები:
„31. ვაუჩერის პირობების მე‑2 მუხლის მე‑2 პუნქტით განსაზღვრულ იმ ბენეფიციარებს, რომლებთან შეხვედრა და პოლისის გადაცემა ვერ მოხერხდა სადაზღვევო პერიოდის პირველ თვეში მათივე მიზეზით, რის გამოც გაუუქმდათ პოლისი, სააგენტოში განცხადებით მიმართვისა და სრულყოფილი მონაცემების წარდგენის (დადგენის) შემთხვევაში დაზღვევის პერიოდი და, შესაბამისად, სადაზღვევო პრემიის გადახდა დაეწყებათ მიმართვის თვის პირველი რიცხვიდან, გარდა ამ მუხლის 32 პუნქტით გათვალისწინებული შემთხვევებისა.
32. ვაუჩერის პირობების მე‑2 მუხლის მე‑2 პუნქტის „ა“ და „ა1“ ქვეპუნქტებით განსაზღვრულ იმ ოჯახებს, რომლებთან შეხვედრა და პოლისის გადაცემა ვერ მოხერხდა მათივე მიზეზით, რის გამოც შეუწყდათ სოციალურად დაუცველი ოჯახების მონაცემთა ერთიან ბაზაში რეგისტრაცია და გაუუქმდათ დაზღვევაზე უფლება, სააგენტოში განცხადებით მიმართვისა და ამ უფლების ხელახალი დადასტურების შემთხვევაში სადაზღვევო პერიოდი დაეწყებათ საერთო წესით, ვაუჩერის პირობების №2 დანართის შესაბამისად.“;
ე) მე‑8 მუხლის მე‑4 პუნქტი ჩამოყალიბდეს შემდეგი რედაქციით:
„4. სადაზღვევო ორგანიზაცია ვალდებულია უზრუნველყოს თითოეული დამზღვევისათვის/დაზღვეულისათვის სადაზღვევო პოლისის გადაცემა სააგენტოს მეშვეობით, რისთვისაც შესაბამისი ხელშეკრულების საფუძველზე უნაზღაურებს სააგენტოს გაწეული მომსახურების ღირებულებას. თითოეული დამზღვევისათვის სადაზღვევო პოლის(ებ)ის გადაცემის მომსახურების ღირებულება შეადგენს 3 (სამი) ლარს. სააგენტოს მიერ პოლისის გადაცემის მომსახურებასთან დაკავშირებული ანაზღაურება, როგორც კანონმდებლობით ნებადართული შემოსავალი, ირიცხება სააგენტოს მიერ საბანკო დაწესებულებაში გახსნილ ანგარიშზე და გამოიყენება სააგენტოს მიზნებისა და ფუნქციების განსახორციელებლად. სადაზღვევო კომპანიისაგან მიღებული ანაზღაურების სანაცვლოდ სააგენტო უფლებამოსილია განახორციელოს დამზღვევისათვის/დაზღვეულისათვის პოლის(ებ)ის გადაცემის ღონისძიებები მესამე პირთან გაფორმებული მომსახურების ხელშეკრულების საფუძველზე, „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, გამარტივებული შესყიდვის საშუალებით.“.
3. №2 დანართს დაემატოს შემდეგი შინაარსის მე‑9 პუნქტი:
„9. | ვაუჩერის პირობების მე-2 მუხლის მე-2 პუნქტის „ი“ ქვეპუნქტით განსაზღვრული ბენეფიციარები
| კომპეტენტური ორგანოს მხრიდან ბენეფიციარების შესახებ სააგენტოში სიის წარდგენის თვის მომდევნო თვის პირველი რიცხვიდან, მაგრამ არა უადრეს 2011 წლის 1 ნოემბრიდან.“. |
|
|
|
4. №5 დანართი ჩამოყალიბდეს თანდართული რედაქციით.
მუხლი 2. ამ დადგენილების ამოქმედების დღისათვის დაურიგებელი ჯანმრთელობის დაზღვევის პოლისების დამზღვევისათვის/დაზღვეულისათვის გადაცემის ღონისძიებები გაგრძელდეს ამ დადგენილების ამოქმედებამდე დადგენილი პირობებით, ხოლო იმ ბენეფიციარების მიმართ, რომელთაც სადაზღვევო პერიოდი დაეწყოთ 2011 წლის 1 ივნისამდე, მაგრამ სადაზღვევო ორგანიზაციისაგან ან სააგენტოსაგან დამოუკიდებელი მიზეზით 2011 წლის სექტემბრის ჩათვლით ვერ მოხერხდა სადაზღვევო პოლისის ჩაბარება, 2011 წლის ოქტომბრიდან გაუქმდეს დაზღვევის უფლება და, შესაბამისად, სადაზღვევო პრემიის გადახდის ვალდებულება.
მუხლი 3. დადგენილება ამოქმედდეს გამოქვეყნებისთანავე და მისი მოქმედება გავრცელდეს 2011 წლის 1 სექტემბრიდან.
პრემიერ-მინისტრი ნ. გილაური
„დანართი №5
ჯანმრთელობის დაზღვევის პოლისების დარიგების წესი
სადაზღვევო პოლისების დარიგების წესი
1. დასაზღვევი პირების სიების ფორმირების წყაროს წარმოადგენს დადგენილებით გათვალისწინებული კომპეტენტური ორგანოები.
2. კომპეტენტური ორგანოებიდან სიების მიწოდება ხორციელდება როგორც წერილობით, ისე სააგენტოს მიერ მოთხოვნილი ელექტრონული ფორმატით, არა უგვიანეს ყოველი თვის პირველი სამუშაო დღისა. ამ ვადის ან მოთხოვნილი ფორმატის დარღვევით სააგენტოში სიის წარდგენის შემთხვევაში შესაბამისი მასალა უბრუნდება წარმდგენს განხილვისა და დამუშავების გარეშე.
3. სააგენტო უზრუნველყოფს:
ა) მიღებული მონაცემების დამუშავებასა და დახარისხებას სადაზღვევო ორგანიზაციების მიხედვით;
ბ) ბენეფიციარების მონაცემთა სისტემატიზაციას საცხოვრებელი ადგილის (ვაუჩერის პირობების მე-2 მუხლის მე-2 პუნქტის „გ“, „გ1“, „დ“ და „თ“ ქვეპუნქტებით გათვალისწინებული ბენეფიციარებისათვის) ან ბენეფიციარების მიხედვით (ვაუჩერის პირობების მე‑2 მუხლის მე‑2 პუნქტის „ა“, „ა1“, „ბ“, „გ2“, „ე“, „ვ“ და „ზ“ ქვეპუნქტებით გათვალისწინებული პირებისათვის);
გ) ამ პუნქტის „ა‑ბ“ ქვეპუნქტებით განსაზღვრული მონაცემების ავტომატიზებული ბაზის წვდომას სადაზღვევო ორგანიზაციებისა და პოლისების დარიგებაზე მომსახურების გამწევი პირისათვის (შემდგომში – დამრიგებელი) არა უგვიანეს სადაზღვევო პერიოდის დაწყების წინა თვის 10 რიცხვისა.
4. დაზღვევაზე უფლების მქონე პირების სიები მუშავდება სადაზღვევო პერიოდის დაწყების წინა თვის პირველი რიცხვის მდგომარეობით.
5. დასაზღვევ პირთა სიების დამუშავების შედეგად დაზღვევაზე განსაზღვრულ უფლებაზე გავლენას არ ახდენს ამ დროიდან სადაზღვევო პერიოდის დაწყებამდე დაზღვევის საფუძვლების აღმოფხვრა/ცვლილება, გარდა ვაუჩერის პირობების მე‑6 მუხლის 41 პუნქტით განსაზღვრული შემთხვევებისა.
6. პოლისების დარიგება-გაცემის პროცედურების (მათ შორის, პოლისების ბეჭდვა) ორგანიზება ხორციელდება სპეციალური ავტომატიზებული პროგრამით (შემდგომში – პროგრამა), რომელიც „ონლაინ“ რეჟიმში ხელმისაწვდომია შესაბამისი სადაზღვევო ორგანიზაციების, სააგენტოსა და დამრიგებლისათვის.
7. ამ წესის მიზნებისათვის დამრიგებელი:
ა) უზრუნველყოფს სადაზღვევო პოლისების ბეჭდვას, დარიგებას/გაცემას დამზღვევისათვის/დაზღვეულისათვის;
ბ) ამ პუნქტის „ა“ ქვეპუნქტის მიზნებისათვის ვალდებულია პოლისების დარიგების მიზნით სადაზღვევო პერიოდის დაწყების წინა თვის 10-დან 25 რიცხვამდე დამზღვევთან/დაზღვეულთან განახორციელოს ორი ვიზიტი;
გ) ვალდებულია უზრუნველყოს პროგრამის მეშვეობით სააგენტოს ინფორმირება ისეთ ფაქტებზე, როდესაც სადაზღვევო პერიოდის დაწყების წინა თვის 25 რიცხვამდე განხორციელებული ორი ვიზიტის (პროგრამულად უნდა აისახოს ვიზიტის თარიღები) მიუხედავად, ვერ განხორციელდა დამზღვევთან/დაზღვეულთან შეხვედრა და პოლისის გადაცემა;
დ) ვალდებულია პროგრამაში დაუყოვნებლივ ასახოს როგორც პოლისის დარიგების/გაცემის ფაქტი, ასევე პოლისის დარიგების მიზნით დამზღვევთან/დაზღვეულთან განხორციელებული ვიზიტები;
ე) ახორციელებს სააგენტოსთან ურთიერთშედარებას და ანგარიშგებას მხარეთა შორის შეთანხმებული ფორმატითა და პირობებით, მათ შორის, პროგრამის მეშვეობით.
8. ბაზაში არსებული ხარვეზების შესახებ ინფორმაცია დაუყოვნებლივ ეცნობება სადაზღვევო პოლისების გადაცემის ღონისძიებებში მონაწილე მხარეებს.
9. ამ წესის მიზნებისათვის პოლისის გამცემი მხარე (სააგენტო, დამრიგებელი ან სადაზღვევო ორგანიზაცია) ვალდებულია პროგრამაში დაუყოვნებლივ ასახოს დამზღვევისათვის/დაზღვეულისათვის პოლისის დარიგებასთან/გაცემასთან დაკავშირებული სათანადო ფაქტები.
10. დამზღვევისათვის/დაზღვეულისათვის პოლისის დარიგების/გაცემის ფაქტი დასტურდება პოლისის შესაბამისი ნაწილით (პოლისის ყუა), რომელიც მის გამცემ მხარესთან ინახება პოლისის მოქმედების ამოწურვიდან 3 წლის განმავლობაში.
11. პოლისების დამზღვევისათვის/დაზღვეულისათვის დარიგება/გაცემა ხორციელდება სადაზღვევო პერიოდის დაწყებამდე, გარდა ამ წესის მე-12 პუნქტით გათვალისწინებული შემთხვევებისა.
12. თუ სადაზღვევო პოლისების დარიგება/გაცემა ვერ განხორციელდა სადაზღვევო პერიოდის დაწყებამდე, მათი გაცემის ღონისძიებები გრძელდება სადაზღვევო პერიოდის დაწყების პირველი თვის განმავლობაში.
13. ამ წესის მე-12 პუნქტით გათვალისწინებული ვადის გასვლის შემდეგ იმ პირებს, რომლებზეც არ განხორციელდა პოლისების დარიგება/გაცემა, უუქმდებათ დაზღვევაზე უფლება, რაც ეცნობება მონაცემის წარმდგენ ადმინისტრაციულ ორგანოს და სადაზღვევო ორგანიზაციას. ასეთი პირების დაზღვევა განხორციელდება ვაუჩერის პირობების მე‑7 მუხლის 31 და 32 პუნქტების შესაბამისად.
14. ამ წესის მე-12 პუნქტით გათვალისწინებულ შემთხვევებში სააგენტო უფლებამოსილია შეაჩეროს სადაზღვევო პრემიის გადახდა, ხოლო მე‑13 პუნქტით განსაზღვრულ შემთხვევაში უქმდება სადაზღვევო პრემიის გადახდის ვალდებულება.
15. სააგენტო უფლებამოსილია აანაზღაუროს სადაზღვევო პრემია სადაზღვევო პერიოდის დაწყების თვიდან:
ა) პოლისის დაზღვეულისათვის არა უგვიანეს სადაზღვევო პერიოდის დაწყების პირველ თვეში ჩაბარების შემთხვევაში;
ბ) თუ დამზღვევისათვის/დაზღვეულისათვის პოლისის დარიგების/გაცემის ფაქტი არ აისახა პროგრამაში ტექნიკური მიზეზით.
16. სააგენტოს და დამრიგებელს უფლება აქვთ, სადაზღვევო ორგანიზაციებთან შეთანხმებით, ამ წესით განსაზღვრული მიზნებისათვის და დადგენილი ნორმების შესასრულებლად გაატარონ დამატებითი ღონისძიებები.
17. ამ წესით განსაზღვრული ვადის უქმე ან დასვენების დღეებზე დამთხვევის შემთხვევაში შესაბამისი ნორმით განსაზღვრული პირობა უნდა შესრულდეს არა უგვიანეს დადგენილი ვადის მომდევნო სამუშაო დღეს.“.
დოკუმენტის კომენტარები