„სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე" საქართველოს ფინანსთა მინისტრის 2007 წლის 28 დეკემბრის №1318 ბრძანებაში ცვლილების შეტანის შესახებ

საქართველოს ფინანსთა მინისტრის

ბრძანება №471

2011 წლის 6 სექტემბერი

ქ. თბილისი

„სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 28 დეკემბრის №1318 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:

მუხლი 1. „სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 28 დეკემბრის №1318 ბრძანებაში შეტანილ იქნეს შემდეგი ცვლილებები:

1. ბრძანებით დამტკიცებული ინსტრუქციის:

ა) 3¹ მუხლის მე-7 პუნქტი ჩამოყალიბდეს შემდეგი რედაქციით:

„7. თუ ხელშეკრულებაში არ არის გათვალისწინებული გადახდის ან/და საქონლის ან/და მომსახურების მიწოდების/სამუშაოს შესრულების გრაფიკი, ორგანიზაცია სახელმწიფო ხაზინაში წარადგენს მოსალოდნელი გადახდის გრაფიკს. ორგანიზაცია უფლებამოსილია შეიტანოს ცვლილებები დანართ №6-ით წარმოდგენილ „გადახდის გრაფიკში.“;

ბ) 3² მუხლის პირველი პუნქტი ჩამოყალიბდეს შემდეგი რედაქციით:

„1. ორგანიზაცია, საგადახდო მოთხოვნასთან ერთად სახელმწიფო ხაზინაში წარადგენს ინფორმაციას საქონლის/მომსახურების/სამუშაოს შესყიდვის მიზნით განსახორციელებელ (გარდა გრიფით „საიდუმლო“) გადახდებზე, გარდა კვარტალური განაცხადის ფორმით რეგისტრირებული ვალდებულებების შესაბამისი, საგარეო სახელმწიფო ვალდებულებების მომსახურებისა და დაფარვის და საწესდებო კაპიტალის ფორმირების/გაზრდის მიზნით განსახორციელებელი გადახდებისა.“;

გ) 3² მუხლის მე-3 პუნქტი ჩამოყალიბდეს შემდეგი რედაქციით:

„3. ორგანიზაცია მივლინების ხარჯებზე განსახორციელებელ გადახდებზე (გარდა გრიფით „საიდუმლო“) საგადახდო მოთხოვნასთან ერთად წარადგენს ინფორმაციას მივლინების ხარჯებზე განსახორციელებელ გადახდებზე. ინფორმაციის წარსადგენად, ორგანიზაციის მიერ სახელმწიფო ხაზინის ელექტრონული მომსახურების სისტემაში ივსება შემდეგი რეკვიზიტები:

ა) მივლინების იდენტიფიკაციის სისტემაში არსებული კოდი;

ბ) სამართლებრივი აქტის დასახელება, ნომერი და თარიღი;

გ) მივლინებული პირი;

დ) მივლინების ადგილი (ქვეყანა, ქალაქი);

ე) მივლინების მიზანი;

ვ) მივლინების ხანგრძლივობა;

ზ) ხარჯის ტიპი შემდეგი კატეგორიების მიხედვით:

ზ.ა) მგზავრობის ხარჯი;

ზ.ბ) საცხოვრებელი ადგილის ხარჯი;

ზ.გ) დღიური ნორმის ხარჯი;

ზ.დ) მივლინების დროს წარმომადგენლობითი ხარჯი;

ზ.ე) მივლინებული მოსამსახურის სავალდებულო დაზღვევის ხარჯი;

ზ.ვ) პასპორტის ღირებულება;

ზ.ზ) სხვა დოკუმენტების, მ.შ. ვიზის ხარჯი;

ზ.თ) მივლინებასთან დაკავშირებული სხვა დანარჩენი ხარჯი;

თ) თანხა ლარებსა და თეთრებში ხარჯის თითოეული კატეგორიის მიხედვით.“;

დ) მე-6 მუხლის მე-4 და მე-5 პუნქტები ჩამოყალიბდეს შემდეგი რედაქციით:

„4. ორგანიზაცია უფლებამოსილია სრულად ან ნაწილობრივ გააუქმოს რეგისტრირებული ვალდებულება.

 5. ორგანიზაცია უფლებამოსილია შეიტანოს ცვლილება რეგისტრირებულ კვარტალურ განაცხადში.“.

2. ბრძანებით დამტკიცებული №1, №2, №3 და №6 დანართები ჩამოყალიბდეს თანდართული რედაქციით.

მუხლი 2. ეს ბრძანება ამოქმედდეს გამოქვეყნებისთანავე.

დ. გვინდაძე

დანართი № 1

ვალდებულების დოკუმენტი

 დანართი №2

კვარტალური განაცხადი

20…....... წლის ……... კვარტალი

ვალდებულება N --------

სახაზინო კოდი და დასახელება ________

საბიუჯეტო ორგანიზაციის დასახელება ______________________

დაფარვის წყარო   ______________________

შენიშვნა --------------------------------------------------------------------------------

პასუხისმგებელი პირი     შემსრულებელი

თარიღი/---/------/------/     თარიღი /---/------/------/

დანართი № 3

საგადახდო მოთხოვნა  №

სახაზინო  კოდი                       დასახელება   მოთხოვნის №                         ვალებულების №                        მუხლი                     თანხა ლარებში                          ვალუტა                      თანხა ვალუტაში       მოთხოვნის საფუძველი                                                                            საფუძვლის ნომერი                       საფუძვლის თარიღი                 ავანსის ვადა     საბიუჯეტო ორგანიზაცია საიდენტ.კოდი   დასახელება     მიმღების რეკვიზიტები ბანკის კოდი                                                                    დასახელება                                                                                                                     ანგარიშის № ს საიდენტ.კოდი                                                                დასახელება     ბიუჯეტის შემოსულობების სახაზინო კოდი   დანიშნულება                                                                  შენიშვნა   თანხის გაშლა CPV- კოდების მიხედვით CPV- დასახელება                                                რაოდენობა                                               ერთეული                                                 თანხა პასუხისმგებელი პირი                                                                                                                               შემსრულებელი თარიღი                                                                                                                                                        თარიღი

დანართი №6