ჩოხატაურის მუნიციპალიტეტის გამგეობის ტერიტორიული ორგანოების ბეჭდის ნიმუშისა და გამგეობის რწმუნებულთა მიერ მისი გამოყენების წესის დამტკიცების შესახებ

ჩოხატაურის მუნიციპალიტეტის საკრებულო ს

დადგენილება №52

2011 წლის 29 აგვისტო

დ აბა ჩოხატაური

ჩოხატაურის მუნიციპალიტეტის გამგეობის ტერიტორიული ორგანოების ბეჭდის ნიმუშისა და გამგეობის რწმუნებულთა მიერ მისი გამოყენების წესის დამტკიცების შესახებ

 „ ადგილობრივი თვითმმართველობის შესახებ“ საქართველოს ორგანული  კანონის 42-ე მუხლის მე -5 პუნქტის შესაბამისად ,   საკრებულო ადგენს:

    მუხლი 1. 

დამტკიცდეს ჩოხატაურის მუნიციპალიტეტის გამგეობის ტერიტორიული ორგანოების ბეჭდის ნიმუში დანართი 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23 -ის შესაბამისად.

    მუხლი 2.

ბეჭედზე ამოტვიფრულ იქნეს:

ა) მუნიციპალიტეტის დასახელება;

ბ) მუნიციპალიტეტის გამგეობის ტერიტორიული ორგანოების დასახელება (სოფელი, თემი);

გ) მუნიციპალიტეტის გერბი;

დ) სექტორის ამღნიშვნელი ციფრი საჯარო რეესტრის შესაბამისად.

    მუხლი 3.

დამტკიცდეს ჩოხატაურის მუნიციპალიტეტის გამგეობის რწმუნებულთა მიერ ბეჭდის გამოყენების წესი დანართი 24 -ის შესაბამისად.

    მუხლი 4.

დადგენილება ძალაშია არსებული წესით გამოქვეყნებისთანავე.

საკრებულოს თავმჯდომარე                                                                                 ა. ხუნდაძე

დანართი №24

ჩოხატაურის მუნიციპალიტეტის გამგეობის რწმუნებულთა მიერ ბეჭდის გამოყენების წესის დამტკიცების შესახებ

    მუხლი 1. რეგულირების სფერო

ეს წესი ადგენს მუნიციპალიტეტის გამგეობის რწმუნებულთა (შემდგომში რწმუნებული) მიერ ბეჭდის გამოყენების სამართლებრივ ურთიერთობებს.

    მუხლი 2. რწმუნებულის ბეჭედი და ხელმოწერა

1. რწმუნებულს უნდა ჰქონდეს მხოლოდ ერთი ბეჭედი, რომლის ნიმუშს ამტკიცებს ადგილობრივი თვითმმართველობის წარმომადგენლობითი ორგანო.

2. რწმუნებულის ბეჭედი უნდა დაისვას შესრულებული მოქმედების დასამოწმებლად. ბეჭედი ისმება ხელმოწერასთან ისე, რომ მისი ნაწილი ფარავდეს ხელმოწერის მცირე ნაწილს მაინც. თუ დოკუმენტი შედგება ერთზე მეტი ფურცლისგან, ბეჭედი დაისმება ისე, რომ მან მოიცვას ყველა ფურცელი. შესრულებულ მოქმედებას რწმუნებულის ხელმოწერისა და ბეჭდის გარეშე არ აქვს იურიდიული ძალა. რწმუნებულის ბეჭედი დაისმება რწმუნებულის მიერ მომზადებულ დოკუმენტებზე: ცნობა, აქტი და კანონმდებლობით გათვალისწინებულ სხვა საქმიან ქაღალდებზე.

3. იმ შემთხვევაში, თუ დოკუმენტს დასმული აქვს რწმუნებულის ხელმოწერა და არ აქვს დასმული ბეჭედი, დოკუმენტი უნდა წარედგინოს უფლებამოსილ რწმუნებულს ბეჭდის დასასმელად. თუ იმ დროისათვის ბეჭედი, რომელიც რწმუნებულს ჰქონდა რწმუნებულის მოქმედების შესრულების მომენტისთვის, განადგურებულია, მაშინ რწმუნებული ვალდებულია ხარვეზის გამოსასწორებლად დოკუმენტს დაუსვას ის ბეჭედი, რომელიც აქვს ხარვეზის გამოსწორების მომენტისათვის და ამის შესახებ დოკუმენტზე (ბეჭდის დასმის ადგილზე) გააკეთოს შესაბამისი აღნიშვნა.

4. რწმუნებული ვალდებულია გულმოდგინედ შეინახოს ბეჭედი. აკრძალულია ბეჭდის გადაცემა სხვა პირისათვის. ბეჭდის დაკარგვის შემთხვევაში რწმუნებული ვალდებულია ამის შესახებ დაუყოვნებლივ წერილობით აცნობოს მუნიციპალიტეტის გამგებელს. რწმუნებულის არყოფნის შემთხვევაში ამ პუნქტით განსაზღვრულ უფლებამოსილებას ასრულებს შესაბამისი ტერიტორიული ორგანოს მოხელე გამგებლის ბრძანების საფუძველზე.