„2011 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2011 წლის 15 თებერვლის №77 დადგენილებაში ცვლილების შეტანის თაობაზე

საქართველოს მთავრობის

დადგენილება №333

2011 წლის 26 აგვისტო

ქ. თბილისი

„2011 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2011 წლის 15 თებერვლის №77 დადგენილებაში ცვლილების შეტანის თაობაზე

 მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „2011 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2011 წლის 15 თებერვლის №77 დად­გე­­ნილებაში (სსმ, ვებ­პორ­ტალი, 17/02/2011) შეტანილ იქნეს ცვლი­ლებები და დამატებები და  დადგენილე­ბით ­დამტ­კი­ცე­ბუ­ლი „2011 წლის ჯანმრთელობის დაცვის სახელმწიფო პროგრა­მე­ბის“:

1. №1 დანართის  (ფსიქიკური ჯანმრთელობა):

ა) მე-7 მუხლის მე‑5 პუნქტი ჩამოყალიბდეს შემდეგი რედაქციით:

„5. მე-3 მუხლის „დ“ ქვეპუნქტით გათვალისწინებული მომსა­ხუ­რე­ბის მიმწოდებლებია ფსიქიატრიული სტაციონარული დაწესე­ბუ­ლე­ბები ქ. თბილისის, ქ. რუსთავისა და ქ. ქუთაისის მასშტაბით, რომ­ლე­ბიც ეთანხმებიან ვაუჩერის პირობებს და წერილობით დაადასტურებენ პროგრამაში მონაწილეობის სურვილს.“;

ბ) დანართი 1.7  ჩამოყალიბდეს შემდეგი რედაქციით:

„დანართი 1.7 –  პროგრამის ბიუჯეტი

2. №4  დანართის  (აივ‑ინფექცია/შიდსი):

ა) მე‑3 მუხლის „ა“ ქვეპუნქტის „ა.ე“ ქვეპუნქტი  ჩამოყალიბდეს შე­მ­დეგი რედაქციით:

„ა.ე) ორსულთა, ტუბერკულოზის დიაგნოზის მქონე პაციენტების, პატიმრობისა და თავისუფლების აღკვეთის დაწესებულებებში მყოფი პირების, ინექციური ნარკომანი პირების, სგგდ მქონე პირების, სისხლის დონორთა და აივ-ინფექციაზე/შიდსზე სხვა საეჭვო შემთხვევების გამო­კვ­ლევას კონფირმაციული მეთოდებით;“;

ბ) მე‑5 მუხლი ჩამოყალიბდეს შემდეგი რედაქციით:

     „მუხლი 5. პროგრამის განხორციელების მექანიზმები

1. მე-3 მუხლის „ა“ ქვეპუნქტის „ა.ა“, „ა.ბ“, „ა.გ“, „ა.დ“ და „ა.ე“ ქვე­პუნქტებით განსაზღვრული ტესტ-სისტემების, რეაგენტებისა და სხვა სახარჯი მასალების შესყიდვა ხორციელდება „სახელმწიფო შეს­ყიდ­ვე­ბის შესახებ“ საქართველოს კანონის 10¹ მუხლის 3¹ პუნქტის მოთ­ხოვ­ნა­თა შესაბამისად და გადაეცემა მომსახურების შესაბამის მიმწო­დებელს.

2. მე-3 მუხლის „ა“ ქვეპუნქტის „ა.ა“ და „ა.ბ“ ქვეპუნქტებით გან­საზღვრული მომსახურების შესყიდვა განხორციელდება „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად.

3. მე-3 მუხლის „ა“ ქვეპუნქტის „ა.გ“, „ა.დ“, „ა.ვ“ და „ა.ზ“ ქვე­პუნქტებით განსაზღვრული მომსახურების შესყიდვა განხორციელდება „სახელმწიფო შესყიდვების შესახებ“ საქართველოს კანონის მოთხოვ­ნათა შესაბამისად.

4. მე-3 მუხლის „ბ“ და „გ“ ქვეპუნქტებით გათვალისწინებული მო­მსახურების დაფინანსება ხორციელდება არამატერიალიზებული სამე­დიცი­ნო ვაუჩერის მეშვეობით.“;

გ) მე‑7 მუხლი ჩამოყალიბდეს შემდეგი რედაქციით:

     „მუხლი 7. მომსახურების მიმწოდებელი

1.  მე-3 მუხლის „ა“ ქვეპუნქტის „ა.ა“ და „ა.ბ“ ქვეპუნქტებით განსა­ზ­ღვრული მომსახურების მიმწოდებელი განისაზღვრება მე‑5 მუხლის მე‑2 პუნქტის შესაბამისად.

2. მე‑3 მუხლის „ა“ ქვეპუნქტის „ა.გ“, „ა.დ“, „ა.ვ“ და „ა.ზ“ ქვე­პუნქტებით განსაზღვრული მომსახურების მიმწოდებელი განისა­ზღვ­რება მე‑5 მუხლის მე‑3 პუნქტის შესაბამისად.

3. მე-3 მუხლის „ა“ ქვეპუნქტის „ა.ე“ ქვეპუნქტით გათვალის­წინე­ბული მომსახურების მიმწოდებელია სამინისტროს სახელმწიფო კონტ­როლს დაქვემდებარებული სსიპ – ლ. საყვარელიძის სახელობის და­ავა­დე­ბა­თა კონტროლისა და საზოგადოებრივი ჯანმრთელობის ეროვნული ცენტრი.

4. მე-3 მუხლის „ბ“ და „გ“ ქვეპუნქტებით გათვალისწინებული მომ­სახურების მიმწოდებელია პირი, რომელიც აკმაყოფილებს შესაბა­მისი სამედიცინო საქმიანობისათვის კანონმდებლობით დადგენილ მო­თხოვნებს, ეთანხმება ვაუჩერის პირობებს და წერილობით დაადას­ტუ­რებს პროგრამაში მონაწილეობის სურვილს.“.

3. №12  დანართის (იმუნიზაცია):

ა) მე‑3 მუხლს დაემატოს შემდეგი შინაარსის „ა¹“ ქვეპუნქტი:

„ა¹) აფხაზეთის ოკუპირებულ ტერიტორიაზე 2011 წელს იმუნი­ზაციის განსახორციელებლად საჭირო დაზუსტებული დამატებითი რა­ო­დენობის ვაქცინების, შპრიცებისა და უსაფრთხო გასანადგურებელი ყუ­თების შეძენას, შენახვასა და გადაცემას სსიპ – ლ. საყვარელიძის სა­ხე­ლობის დაავადებათა კონტროლისა და საზოგადოებრივი ჯანდაცვის ეროვნული ცენტრისათვის;“;

ბ) მე‑5 მუხლს დაემატოს შემდეგი შინაარსის 2¹ პუნქტი:

„2¹. მე‑3 მუხლის „ა¹“ ქვეპუნქტით გათვალისწინებული ვაქცი­ნე­ბის, შპრიცებისა და უსაფრთხო გასანადგურებელი ყუთების შეძენა ხო­რ­ციელდება „სახელმწიფო შესყიდვების შესახებ“ საქართველოს კა­ნონის 10¹ მუხლის მე-3 პუნქტის „დ“ ქვეპუნქტის შესაბამისად, გამარ­ტივებუ­ლი შესყიდვის საშუალებით ამავე მუხლის პირველი და მე‑2 პუნქტების შესაბამისად გამოვლენილი მიმწოდებლისგან. ასეთის არარ­სე­ბობის შემ­თხვევაში შესყიდვა განხორციელდება „სახელმწიფო შეს­ყიდ­ვების შესა­ხებ“ საქართველოს კანონის მოთხოვნათა შესაბამისად.“;

გ) მე‑7 მუხლის პირველი პუნქტი ჩამოყალიბდეს შემდეგი რე­დაქციით:

„1. პროგრამის ფარგლებში მე‑3 მუხლის „ა“, „ა¹“ და „ბ“ ქვეპუნ­ქტებით გათვალისწინებული საქონლის მიმწოდებელი განისაზღვრება მე‑5 მუხლის პირველი, მე‑2 და 2¹ პუნქტების შესაბამისად.“;

დ) მე‑8 მუხლს დაემატოს შემდეგი შინაარსის 1¹ პუნქტი:

„1¹. მე-3 მუხლის „ა¹“ ქვეპუნქტით გათვალისწინებული ღონისძიე­ბების ნაწილში პროგრამით გათვალისწინებული შესყიდვების განმა­ხორ­ციელებელია სამინისტრო.“;

ე) დანართი 12.1  ჩამოყალიბდეს შემდეგი რედაქციით:

„დანართი 12.1 – პროგრამის ბიუჯეტი:

4.  №18 დანართის  (იშვიათი დაავადებების მქონე და მუდმივ ჩანა­ცვლებით მკურნალობას დაქვემდებარებულ პაციენტთა მკურნალობა):

ა) მე‑3 მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) იშვიათი დაავადებების მქონე და მუდმივ ჩანაცვლებით მკურ­ნალობას დაქვემდებარებულ 18 წლამდე ასაკის ბავშვთა სტაციონარულ მომსახურებას, მათ შორის, მემკვიდრული ჰიპოგამაგლობულინემიით (ბრუტონის დაავადება) დაავადებულთა სპეციფიკური მედიკამენტებით უზრუნველყოფას;“;

ბ) მე‑3 მუხლის მე‑2 პუნქტს დაემატოს შემდეგი შინაარსის „ა¹“ ქვე­პუნქტი:

„ა¹) მემკვიდრული ჰიპოგამაგლობულინემიით (ბრუტონის დაავა­დება) დაავადებულთათვის შესყიდული სპეციფიკური მედიკამენ­ტების ბენეფიციართათვის  მიწოდებას;“;

გ) მე‑4 მუხლს დაემატოს შემდეგი შინაარსის „1¹“ პუნქტი:

„1¹. მე‑3 მუხლის პირველი პუნქტის „ა“ ქვეპუნქტით გათვა­ლი­ს­წი­ნებული სპეციფიკური მედიკამენტებით უზრუნველყოფა ხდება უსა­ს­ყიდლოდ (თანაგადახდის გარეშე) პროგრამისათვის გამოყოფილი ასიგ­ნებების ფარგლებში.“;

დ) მე‑5 მუხლი ჩამოყალიბდეს შემდეგი რედაქციით:

     „მუხლი 5. მომსახურების განხორციელების მექანიზმები

1. მე-3 მუხლის პირველი პუნქტის „ა“ ქვეპუნქტით გათვალის­წინე­ბული მომსახურების დაფინანსება ხორციელდება არამატერიალი­ზე­ბული სამედიცინო ვაუჩერის მეშვეობით, გარდა მემკვიდრული ჰი­პოგა­მაგ­ლო­ბულინემიით (ბრუტონის დაავადება) დაავადებულთათვის შეს­ყი­დული სპეციფიკური მედიკამენტების  მიწოდებისა.

2. მე-3 მუხლის პირველი პუნქტის „ა“ ქვეპუნქტით გათვალის­წინე­ბული სპეციფიკური მედიკამენტების მიწოდება ხორციელდება მა­ტე­რი­ა­ლიზებული ვაუჩერის საშუალებით.

3. მატერიალიზებული ვაუჩერის ფორმისა და გაცემის წესის განსაზღვრას, ბეჭდვას, მო­სარგებლეების აღრიცხვასა და მათთვის ვაუ­ჩერების გაცემას უზრუნ­ველყოფს სსიპ – სოციალური მომსახურების სა­აგენტო.

4. მე-3 მუხლის პირველი პუნქტის „ა“ ქვეპუნქტით გათვალის­წინე­ბული სპეციფიკური მედიკამენტების  შესყიდვა განხორციელდება „სა­ხელ­მწიფო შესყიდვების შესახებ“ საქართველოს კანონის შესაბამი­სად.

5. მე-3 მუხლის პირველი პუნქტის „ა“ ქვეპუნქტით გათვალის­წი­ნებული სპეციფიკური მედიკამენტების გაცემა ვაუჩერის მფლობელ­ზე ხორციელდება ამავე მუხლის მე-4 პუნქტის შესაბამისად გამოვ­ლენილი მიმწოდებლის მიერ.

6. მე-3 მუხლის პირველი პუნქტის „ბ“ ქვეპუნქტით განსაზღვ­რუ­ლი მომსახურების შესყიდვა განხორციელდება „სახელმწიფო შეს­ყი­დვე­ბის შესახებ“ საქართველოს კანონის შესაბამისად.“;

ე) მე‑6 მუხლის „ა“ ქვეპუნქტი ჩამოყალიბდეს შემდეგი რედაქ­ცი­ით:

„ა) იშვიათი დაავადებების მქონე და მუდმივ ჩანაცვლებით მკურ­ნალობას დაქვემდებარებულ 18 წლამდე ასაკის ბავშვთა სტაციონა­რული მომსახურება – 750 000 ლარი, მათ შორის, მემკვიდრული ჰიპო­გამაგლო­ბულინემიით (ბრუტონის დაავადება) დაავადებულთა სპეცი­ფიკური მე­დიკამენტებით უზრუნველყოფა – 12 800 ლარი;“;

ვ) მე‑7 მუხლი ჩამოყალიბდეს შემდეგი რედაქციით:

     „მუხლი 7. მომსახურების მიმწოდებელი

1. მე-3 მუხლის პირველი პუნქტის „ა“ ქვეპუნქტით გათვალის­წი­ნებული მომსახურების მიმწოდებელია პირი, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგე­ნილ მოთხოვნებს, ეთანხმება ვაუჩერის პირობებს და წერილობით დაა­დასტურებს პროგრამაში მონაწილეობის სურვილს.

2. მე‑3 მუხლის პირველი პუნქტის „ა“ ქვეპუნქტით გათვალის­წინე­ბული სპეციფიკური მედიკამენტის მიმწოდებელი განისაზღვრება მე‑5 მუხლის მე‑4 პუნქტის შესაბამისად.

3. პროგრამის ფარგლებში მე-3 მუხლის პირველი პუნქტის „ბ“ ქვე­პუნქტით გათვალისწინებული მომსახურების მიმწოდებელი განი­საზ­ღვრება მე‑5 მუხლის მე‑6 პუნქტის შესაბამისად.“;

ზ) დანართი 18.2  ჩამოყალიბდეს შემდეგი რედაქციით:

„დანართი 18.2 – იშვიათი დაავადებების ჩამონათვალი, რომლე­ბიც ფინანსდება პროგრამის ფარგლებში

5. №19 დანართის (სასწრაფო გადაუდებელი დახმარება და სამე­დი­ცინო ტრანსპორტირება):

ა) მე‑4 მუხლის პირველ პუნქტს დაემატოს შემდეგი შინაარსის „ბ¹“ ქვეპუნქტი:

„ბ¹) ტურისტული სეზონის განმავლობაში (2011 წლის 15 აგვის­ტო­დან 30 სექტემბრის ჩათვლით) ქ. ბათუმისა და ქ. ქობულეთის სასწ­რაფო სამედიცინო დახმარების სამსახურებისათვის ხელშეკრუ­ლე­ბის საფუძ­ველ­ზე დამატებით დაქირავებული პირების (არანაკლებ 2­‑ისა და არა უმე­ტეს 4‑ის) მომსახურების ხარჯების ასანაზღაურებლად თითოეული სამ­სახურისათვის დანართი 19.3‑ით განსაზღვრული თვის ბიუჯეტის ლი­­მი­ტი გაიზარდოს აგვისტოში – 905.00 ლარით, ხოლო სექტემბერში – 1,595.00 ლარით;“;

ბ) მე‑6 მუხლი ჩამოყალიბდეს შემდეგი რედაქციით:

     „მუხლი 6. პროგრამის ბიუჯეტი

პროგრამის ბიუჯეტი განისაზღვრა 25,536,6 ათასი ლარით, და­ნარ­თი 19.4‑ის შესაბამისად.“;

გ) დანართი 19.3  ჩამოყალიბდეს შემდეგი რედაქციით:

 „დანართი 19.3 – სასწრაფო დახმარების სამსახურებისათვის თვის ბიუჯეტის ლიმიტი (ლარებით):

დ) დანართი 19.4  ჩამოყალიბდეს შემდეგი რედაქციით:

„დანართი 19.4 – პროგრამის ბიუჯეტი

 მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი                 ნ. გილაური