„საქართველოს ტერიტორიაზე ხე-ტყის მოძრაობის წესებისა და მრგვალი ხე-ტყის (მორის) პირველადი გადამუშავების ობიექტის (სახერხი საამქროს) ტექნიკური რეგლამენტის დამტკიცების შესახებ“ საქართველოს ენერგეტიკისა და ბუნებრივი რესურსების მინისტრის 2011 წლის 24 ივნისის №96 ბრძანებაში ცვლილების შეტანის შესახებ

საქართველოს ენერგეტიკისა და ბუნებრივი რესურსების მინისტრის

ბრძანება №167

2011 წლის 25 აგვისტო

ქ. თბილისი

„საქართველოს ტერიტორიაზე ხე-ტყის მოძრაობის წესებისა და მრგვალი ხე-ტყის (მორის) პირველადი გადამუშავების ობიექტის (სახერხი საამქროს) ტექნიკური რეგლამენტის დამტკიცების შესახებ“ საქართველოს ენერგეტიკისა და ბუნებრივი რესურსების მინისტრის 2011 წლის  24 ივნისის №96 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის  მე-4 პუნქტის შესაბამისად , ვბრძანებ:

მუხლი 1. „საქართველოს ტერიტორიაზე ხე-ტყის მოძრაობის წესებისა და მრგვალი ხე-ტყის (მორის) პირველადი გადამუშავების ობიექტის (სახერხი საამქროს) ტექნიკური რეგლამენტის დამტკიცების შესახებ“ საქართველოს ენერგეტიკისა და ბუნებრივი რესურსების მინისტრის 2011 წლის 24 ივნისის №96 (სსმ, 24/06/2011 წ., ვებგვერდი, 110624023) ბრძანებაში  შეტანილ იქნეს შემდეგი ცვლილება:

1. ბრძანებით დამტკიცებული საქართველოს ტერიტორიაზე ხე-ტყის მოძრაობის წესებისა და მრგვალი ხე-ტყის (მორის) პირველადი გადამუშავების ობიექტის (სახერხი საამქროს) ტექნიკური რეგლამენტის (შემდგომში – დებულება ) მე-2 მუხლის პირველი პუნქტი ჩამოყალიბდეს შემდეგი რედაქციით:

„1. ხე-ტყით მოსარგებლე – პირი, რომელსაც საქართველოს კანონმდებლობით დადგენილი წესით მინიჭებული აქვს ხე-ტყის მოპოვების უფლება ან/და კანონიერად ფლობს ხე-ტყეს, ასევე სახელმწიფო , თვითმმართველი ერთეულის ან კერძო საკუთრებაში მყოფ ტერიტორიაზე არსებული ხე-მცენარეებიდან მიღებულ მერქნულ რესურსს.“.

2.  დებულების მე-3 მუხლის მე-11, მე-12 და მე-13 პუნქტები ჩამოყალიბდეს შემდეგი რედაქციით:

„11. ხე-ტყის წარმოშობის დოკუმენტის შესაბამისი ფორმის სტამბური წესით დაბეჭდვას უზრუნველყოფს სახელმწიფო ტყის ფონდის მართვის უფლების მქონე უფლებამოსილი ორგანო. ხე-ტყის წარმოშობის დოკუმენტის დაბეჭდვისას ხე-ტყის წარმოშობის დოკუმენტის ნუმერაციის განსაზღვრა ხორციელდება სახელმწიფო ტყის ფონდის მართვის უფლების მქონე ორგანოების ურთიერთშეთანხმებით.

12. ხე-ტყის წარმოშობის დოკუმენტის დაზიანების ან მასში არასწორი მონაცემების შეტანის შემთხვევაში ივსება ახალი ხე-ტყის წარმოშობის დოკუმენტი, ძველი გადაიხაზება ჯვარედინად, რომელიც გაუქმების მიზეზების მითითებით ბარდება სახელმწიფო ტყის ფონდის მართვის შესაბამის ორგანოს, ამ მუხლის მე-9 პუნქტით დადგენილ ვადებში.

13. მრგვალი ხე-ტყის (მორის) მარკირება ხორციელდება მორის გადანაჭრელზე. მარკირების პროცესში სპეციალური ფირნიშის დაზიანების შემთხვევაში იგი ბარდება სახელმწიფო ტყის ფონდის მართვის შესაბამის ორგანოს, ამ მუხლის მე-9 პუნქტით დადგენილ ვადებში.”.

3. დებულების მე-6 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სოციალური ჭრებით მოპოვებულ ხე-ტყეზე სახელმწიფო ტყის ფონდის მართვის უფლების მქონე ორგანოს მიერ ხე-ტყის წარმოშობის დოკუმენტის გაცემის საფუძველია შემდეგი დოკუმენტები:

ა) საქართველოს კანონმდებლობით დადგენილ შემთხვევებში ხე-ტყის დამზადების ბილეთი;

ბ) საქართველოს კანონმდებლობით დადგენილ შემთხვევებში მომსახურების საფასურის გადახდის დამადასტურებელი დოკუმენტი (ქვითარი);

გ) ბუნებრივი რესურსების სარგებლობისთვის შესაბამისი მოსაკრებლის გადახდის დამადასტურებელი დოკუმენტი (ქვითარი) ან საქართველოს კანონმდებლობით გათვალისწინებული შესაბამისი დოკუმენტი (სათბობი შეშის ვაუჩერი);“.

ბ) მე-8 პუნქტი ჩამოყალიბდეს შემდეგი რედაქციით:

„8. სოციალური ჭრის განხორციელების შედეგად სათბობი შეშით უზრუნველყოფის მიზნით მოპოვებულ ხე-ტყეზე (მათ შორის II ხარისხის ხიდან მიღებულ ხე-ტყეზე) ხე-ტყის წარმოშობის დოკუმენტის შევსებამდე და სატრანსპორტო საშუალებაზე დატვირთამდე სავალდებულოა მისი დაკოტვრა სიგრძით არა უმეტეს ერთ მეტრამდე (გარდა ცოცხალი გამწევი ძალით ხე-ტყის მორთრევით ტრანსპორტირებისა).“.

4. დებულების  მე-8 მუხლის:

ა) პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ხე-მცენარეებიდან მიღებული მორის რაოდენობა, თითოეულის მორის –  ჯიში (სახეობა), მორის სიგრძე, მორის დიამეტრი წვრილი ბოლოდან;“.

ბ) მე-2 პუნქტი ჩამოყალიბდეს შემდეგი რედაქციით:

„2. თვითმმართველი ერთეულის ან კერძო საკუთრებაში არსებულ ტერიტორიაზე მოპოვებული, ხე-მცენარეებიდან, მათ შორის კაკლის, წაბლისა და თუთის სახეობებიდან (გარდა სხვა ხილ-კენკროვანი სახეობებისა) მიღებული წვრილი ბოლოდან 12 სანტიმეტრზე მეტი დიამეტრის და ერთ მეტრზე მეტი სიგრძის მერქნული რესურსის ტრანსპორტირების მიზნით სავალდებულოა ხე-ტყის წარმოშობის დოკუმენტის გაცემა და სპეციალური ფირნიშებით  მარკირება. ამასთან, სახერხ საამქროში შეტანის მიზნებისთვის ხე-ტყის წარმოშობის დოკუმენტის გაცემასა და სპეციალური ფირნიშებით  მარკირებას ექვემდებარება აღნიშნული ხე-მცენარეებიდან მიღებული ერთ მეტრამდე სიგრძის დაკოტრილი მრგვალი ხე-ტყე (მორი) და წვრილი ბოლოდან 4 და მეტი სანტიმეტრის დიამეტრის  ხე-ტყე. ამ შემთხვევებში დაინტერესებული პირი ვალდებულია მიმართოს ბუნებრივი რესურსების სააგენტოს.“ .

გ) მე-4 პუნქტის „გ“ ქვეპუნქტი  ჩამოყალიბდეს შემდეგი რედაქციით:

„გ) განაცხადოს უარი ხე-ტყის წარმოშობის დოკუმენტის გაცემაზე თუ ხე-მცენარეების დამზადების ადგილი, ჯიში (სახეობა) და სხვა მონაცემები არ შეესაბამება წარმოდგენილ ხე-მცენარეების ადგილწარმოშობის ცნობაში ასახულ მონაცემებს;“.

5. მე-8 მუხლს დაემატოს შემდეგი შინაარსის 4¹ პუნქტი:

 „4¹. ამ მუხლით გათვალისწინებულ შემთხვევაში ხე-ტყის წარმოშობის დოკუმენტის გაცემა და სპეციალური ფირნიშებით მარკირება ხორციელდება დაინტერსებული მხარის მიერ წარმოდგენილი საქართველოს მთავრობის დადგენილებით ხე-ტყის წარმოშობის დოკუმენტის გაცემისა ან/და სპეციალური ფირნიშებით მარკირებისთვის განსაზღვრული შესაბამისი მომსახურების საფასურის გადახდის დამადასტურებელი დოკუმენტის (ქვითრის) შესაბამისად.“.

6 .  დებულების მე-9 მუხლის:

ა) სათაური  ჩამოყალიბდეს შემდეგი რედაქციით:

 „მუხლი 9. სახელმწიფო საკუთრებაში მიქცეულ ხე-ტყეზე, სპეციალური ჭრების შედეგად მოპოვებულ ხე-ტყეზე, სახელმწიფო ტყის ფონდიდან ამორიცხულ ტერიტორიაზე მოპოვებულ ხე-ტყეზე ან სახელმწიფო (გარდა სახელმწიფო ტყის ფონდისა) საკუთრებაში არსებულ ტერიტორიაზე მოპოვებულ ხე-მცენარეებზე ხე-ტყის წარმოშობის დოკუმენტის გაცემა.“.

ბ) პირველი პუნქტი ჩამოყალიბდეს შემდეგი რედაქციით:

„ 1. სახელმწიფო საკუთრებაში მიქცეული ხე-ტყის, სპეციალური ჭრების შედეგად მოპოვებული ხე-ტყის, სახელმწიფო ტყის ფონდიდან ამორიცხულ ტერიტორიაზე მოპოვებული ხე-ტყის ან სახელმწიფო (გარდა სახელმწიფო ტყის ფონდისა) საკუთრებაში არსებულ ტერიტორიაზე მოპოვებული ხე-მცენარეების ტრანსპორტირების დაწყებამდე სავალდებულოა ხე-ტყის წარმოშობის დოკუმენტის გაცემა ან/და სპეციალური ფირნიშებით მარკირება ამ მუხლით დადგენილი წესით.“.

7. დებულების მე-9 მუხლს დაემატოს შემდეგი შინაარსის 4¹ პუნქტი:

„ 4¹. სახელმწიფო საკუთრებაში (გარდა სახელმწიფო ტყის ფონდისა) არსებულ ტერიტორიაზე მოპოვებულ ხე-მცენარეებზე ხე-ტყის წარმოშობის დოკუმენტი გაიცემა სახელმწიფო საკუთრებაში არსებულ ტერიტორიაზე მოპოვებული ხე-მცენარეების განკარგვაზე უფლებამოსილი ორგანოს წერილობითი მიმართვის ან აღნიშნული ხე-მცენარეების საქართველოს კანონმდებლობით დადგენილი წესით განკარგვის შემთხვევაში შესაბამისი ხე- ტყით მოსარგებლის მოთხოვნის (განაცხადის) საფუძველზე. წერილობით მიმართვაში ან მოთხოვნაში ასევე მითითებულ უნდა იქნეს მოპოვებული რესურსის მოცულობა (მ³) ჯიშების მიხედვით, ასევე მათი დამზადების ან/და განთავსების ადგილი.

8. დებულების მე-9 მუხლის:

ა) მე-5 პუნქტი ჩამოყალიბდეს შემდეგი რედაქციით:

„ 5. ბუნებრივი რესურსების სააგენტოს უფლებამოსილი პირი ხე-ტყის წარმოშობის დოკუმენტის გაცემისას, ამ მუხლის მე-2, მე- 3, მე- 4 და 4¹ პუნქტებში ასახული შესაბამისი დოკუმენტების (წერილობითი მიმართვის ან მოთხოვნის) გათვალისწინებით, ვალდებულია:

ა) შეამოწმოს ხე-ტყის ოდენობის შესაბამისობა შესაბამის დოკუმენტში (წერილობითი მიმართვაში ან მოთხოვნაში) ასახულ მონაცემებთან;

ბ) განაცხადოს უარი ხე-ტყის წარმოშობის დოკუმენტის გაცემაზე, თუ არ არსებობს ხე-ტყის წარმოშობის დოკუმენტის გაცემის საფუძველი;

გ) მოითხოვოს ხე-ტყის წარმოშობის დოკუმენტის შესაბამის რეკვიზიტებში მისათითებელი ინფორმაცია;

დ) თუ ხე-ტყის ჯიში ან/და ოდენობა არ შეესაბამება აღნიშნული დოკუმენტის (წერილობით მიმართვაში ან მოთხოვნაში არსებულ) მონაცემებს, ხე-ტყის წარმოშობის დოკუმენტის გაიცემა აღნიშნული მონაცემების დაზუსტების შემდეგ.”.

ბ) მე-8 პუნქტს დაემატოს შემდეგი შინაარსის ,,გ” ქვეპუნქტი:

„ გ) ამ მუხლის 4¹ პუნქტის საფუძველზე ხე-ტყის წარმოშობის დოკუმენტის გაცემისას:

გ.ა) სახელმწიფო საკუთრებაში არსებულ ტერიტორიაზე მოპოვებული ხე-მცენარეების განკარგვაზე უფლებამოსილი ორგანოს წერილობითი მიმართვის შემთხვევაში დოკუმენტის პირველ რეკვიზიტში მიეთითება სახელმწიფო ქონების განკარგვაზე უფლებამოსილი შესაბამისი ორგანოს სახელწოდება, მე-2 რეკვიზიტში შესაბამისი ორგანოს წერილობითი მიმართვის რეკვიზიტები. დანარჩენი რეკვიზიტები ივსება დადგენილი წესით. შეუვსებელი რეკვიზიტები გადაიხაზება – ძ -ით.

გ.ბ) სახელმწიფო საკუთრებაში არსებულ ტერიტორიაზე მოპოვებული ხე-მცენარეების საქართველოს კანონმდებლობით დადგენილი წესით განკარგვის შემთხვევაში ხე- ტყით მოსარგებლის მოთხოვნის (განაცხადის) შემთხვევაში, რომელსაც თან უნდა ახლდეს ხე-ტყის წარმოშობის დოკუ­მენტის გაცემის ან/და სპეციალური ფირნიშებით მარკირებისთვის შესაბამისი მომსახურეობის საფასურის გადახდის დამადასტურებელი დოკუმენტი (ქვითარი) და ხე-მცენარეების კანონიერად ფლობის დამადასტურებელი დოკუმენტები, დოკუმენტის პირველ რეკვიზიტში მიეთითება აღნიშნული პირის საინდეტიფიკაციო მონაცემები, მე-2 რეკვიზიტში შესაბამისი წერილობითი მოთხოვნის (განაცხადის) მონაცემები. დანარჩენი რეკვიზიტები ივსება ჩვეულებრივი წესით. შეუვსებელი რეკვიზიტები გადაიხაზება – ძ -ით.”.

გ) მე-9 პუნქტი ჩამოყალიბდეს შემდეგი რედაქციით:

„ 9. ამ მუხლის მე-2 და 4¹ პუნქტების საფუძველზე ხე-ტყის წარმოშობის დოკუმენტის გაცემისას, დოკუმენტის მე-2 და მე-3 ეგზემპლარი გადაეცემა შესაბამის ხე-ტყის მოსარგებლეს, ხოლო პირველი ეგზემპლარი რჩება ხე-ტყის წარმოშობის დოკუმენტის გაცემაზე უფლებამოსილ პირს. ამ მუხლის მე-3 და მე-4 პუნქტების საფუძველზე ხე-ტყის წარმოშობის დოკუმენტის გაცემისას, დოკუმენტის მე-2 ეგზემპლარი გადაეცემა ხე-ტყის გადამზიდავ პირს, ხოლო პირველი და მე-3 ეგზემპლარი რჩება ხე-ტყის წარმოშობის დოკუმენტის გაცემაზე უფლებამოსილ პირს. ”.

9. დებულების მე- 19  მუხლს დაემატოს შემდეგი შინაარსის მე- 12–მე- 14 პუნქტები:

„12. სახელმწიფო საკუთრებაში მიქცეულ მერქნულ  რესურსზე, რომელიც რეალიზებულ ან/და განაწილებულ იქნა 2011 წლის პირველ ივლისამდე, ხე-ტყის წარმოშობის დოკუ­მენტის გაცემისა და სპეციალური ფირნიშებით მარკირება ხორციელდება ხე- ტყით მოსარგებლის მოთხოვნის (განაცხადის) საფუძველზე. მოთხოვნაში მითითებულ უნდა იქნეს მერქნული რესურსის მოცულობა (მ³) ჯიშების (სახეობების) მიხედვით, მათი განთავსების ადგილი, მათ შორის, მარკირებას დაქვემდებარებული მრგვალი ხე- ტყის (მორის) რაოდენობა. განაცხადს თან უნდა ახლდეს ხე-ტყის წარმოშობის დოკუ­მენტის გაცემის და სპეციალური ფირნიშებით მარკირებისთვის საქართველოს მთავრობის დადგენილებით განსაზღვრული შესაბამისი მომსახურეობის საფასურის გადახდის დამადასტურებელი დოკუმენტი (ქვითარი) და ხე- ტყის კანონიერად ფლობის  დამადასტურებელი შესაბამისი  დოკუმენტი.

13. ამ მუხლის მე- 12 პუნქტით გათვალისწინებულ შემთხვევაში ხე-ტყის წარმოშობის დოკუმენტის გაცემისა და ხე- ტყის  მარკირებისას  ბუნებრივი რესურსების სააგენტოს უფლებამოსილი პირი:

ა) ამოწმებს ხე-ტყის მონაცემების (ოდენობა, ჯიში) შესაბამისობას ხე- ტყის კანონიერად ფლობის  დამადასტურებელ შესაბამის დოკუმენტში ასახულ მონაცემებთან;

ბ) უფლებამოსილია მოითხოვოს ხე-ტყის წარმოშობის დოკუმენტის შესაბამის რეკვიზიტებში მისათითებელი ინფორმაცია;

გ) განაცხადებს უარს ხე-ტყის წარმოშობის დოკუმენტის გაცემაზე და ხე- ტყის მარკირებაზე:

 გ.ა) თუ არ არის წარმოდგენლი ხე- ტყის წარმოშობის დოკუმენტის გაცემის და ხე–ტყის  მარკირების  საფუძვლები;

გ.ბ) თუ შესაბამისი ხე-ტყის ჯიში (სახეობა) არ შეესაბამება ხე- ტყის კანონიერად ფლობის დამადასტურებელ შესაბამის დოკუმენტში ასახულ მონაცემებს;

დ) თუ შესაბამისი ხე-ტყის ოდენობა აღემატება ხე- ტყის კანონიერად ფლობის დამადასტურებელ შესაბამის დოკუმენტში ასახულ მონაცემებს, ხე-ტყის წარმოშობის დოკუმენტს გასცემს აღნიშნული მონაცემების დაზუსტების შემდეგ; 

ე) ხე-ტყის წარმოშობის დოკუმენტი ს გაცემას ან/და სპეციალური ფირნიშებით მარკირებას ახორციელებს დაინტერსებული მხარის მიერ წარმოდგენილი საქართველოს მთავრობის დადგენილებით ხე-ტყის წარმოშობის დოკუმენტი ს გაცემისა ან/და სპეციალური ფირნიშებით მარკირებისთვის განსაზღვრული შესაბამისი მომსახურების საფასურის გადახდის დამადასტურებელი დოკუმენტი ს (ქვითარი ს)   შესაბამისად;

ვ) ამ პუნქტით გათვალისწინებული მოთხოვნების დაკმაყოფილების შემთხვევაში, ხე-ტყის წარმოშობის დოკუმენტის შევსებამდე, ახორციელებს მრგვალი ხე-ტყის (მორის) მარკირება ს სპეციალური ფირნიშით (ხე- ტყის სახერხ საამქროში არსებობისას ან სახერხ საამქროში შეტანის მიზნებისთვის, სავალდებულოა ნებისმიერი მერქნული რესურსის მარკირება, მათ შორის ერთ მეტრამდე სიგრძის დაკოტრილი მრგვალი ხე-ტყისა (მორი) და წვრილი ბოლოდან 4 სანტიმეტრზე მეტი დიამეტრის ხე-ტყის ა).

14. ამ მუხლის მე- 12–მე- 13 პუნქტებით გათვალისწინებულ შემთხვევაში ხე-ტყის წარმოშობის დოკუმენტის შევსებისას, დოკუმენტის პირველ რეკვიზიტში მიეთითება ხე- ტყის მოსარგებლის საინდეტიფიკაციო მონაცემები, მე-2 რეკვიზიტში შესაბამისი წერილობითი მოთხოვნის (განაცხადის) და ხე- ტყის კანონიერად ფლობის დამადასტურებელ შესაბამის დოკუმენტის მონაცემები. დანარჩენი რეკვიზიტები ივსება დადგენილი წესით. შეუვსებელი რეკვიზიტები გადაიხაზება – ძ -ით. ხე-ტყის წარმოშობის დოკუმენტის გაცემისას, დოკუმენტის მე-2 და მე-3 ეგზემპლარი გადაეცემა შესაბამის ხე-ტყის მოსარგებლეს, ხოლო პირველი ეგზემპლარი რჩება ხე-ტყის წარმოშობის დოკუმენტის გაცემაზე უფლებამოსილ პირს.“.

10. დებულების მე- 9 დანართი  ჩამოყალიბდეს შემდეგი რედაქციით:

„დანართი №9

ხე-ტყით მოსარგებლის მიერ უკან დაბრუნებული ან/და დაზიანებული ხე-ტყის წარმოშობის დოკუმენტის აღრიცხვის ჟურნალის ფორმა

 - გაგრძელება-

11. დებულების  დანართი №11   ჩამოყალიბდეს შემდეგი რედაქციით:

„დანართი №11

ხე-ტყით მოსარგებლის მიერ ხე-ტყის წარმოშობის დოკუმენტის ფორმისა და სპეციალური ფირნიშების განაწილების აღრიცხვის ჟურნალის ფორმა

გაგრძელება –

მუხლი 2. ეს ბრძანება ამოქმედდეს გამოქვეყნებისთანავე.

ა. ხეთაგური