,,სასჯელაღსრულების დაწესებულების უსაფრთხოების სამსახურის დებულების დამტკიცების შესახებ” საქართველოს იუსტიციის მინისტრის 1999 წლის 28 დეკემბრის №363 ბრძანებაში ცვლილებების შეტანის შესახებ

სახელმწიფო სარეგისტრაციო კოდი 100.020.010.22.027.007.379

საქართველოს იუსტიციის მინისტრის

ბრძანება №835

2005 წლის 16 მაისი

ქ. თბილისი

,,სასჯელაღსრულების დაწესებულების უსაფრთხოების სამსახურის დებულების დამტკიცების შესახებ” საქართველოს იუსტიციის მინისტრის 1999 წლის 28 დეკემბრის №363 ბრძანებაში ცვლილებების შეტანის შესახებ

,,პატიმრობის შესახებ“ საქართველოს კანონის ,,ბ.ზ“ ქვეპუნქტისა და ,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

მუხლი 1. ,,საქართველოს იუსტიციის მინისტრის 1999 წლის 28 დეკემბრის №363 ბრძანებით დამტიცებულ სასჯელაღსრულების დაწესებულების უსაფრთხოების სამსახურის დებულებაში (სსმ III, 1999 წ., №71 (78), მუხ. 1093) შეტანილ იქნეს შემდეგი ცვლილებები:

1. მე-2 მუხლი ჩამოყალიბდეს შემდეგი რედაქციით:

,,მუხლი 2

სამსახური არის სამინისტროს სასჯელაღსრულების დეპარტამენტის (ტექსტში შემდგომ _ დეპარტამენტი) სტრუქტურული ქვედანაყოფი, რომელიც უზრუნველყოფს ოპერატიულ-სამძებრო ღონისძიებების განხორციელებას სასჯელაღსრულების დაწესებულებებში, სასჯელაღსრულების დაწესებულებებიდან გაქცეულ მსჯავრდებულთა ძებნას.”.

2. მე-5 მუხლის პირველი პუნქტის ,,ა” ქვეპუნქტი და მე-2 პუნქტი ამოღებულ იქნეს.

3. მე-6 მუხლის მე-2 პუნქტის ,,ა” ქვეპუნქტი ამოღებულ იქნეს.

4. მე-8 მუხლის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) სასჯელაღსრულების დაწესებულებაში მომხდარი დანაშაულის გამოვლენა და აღკვეთა;“.

5. მე-13 მუხლის პირველი პუნქტი ამოღებულ იქნეს.

მუხლი 2. ეს ბრძანება ამოქმედდეს 2005 წლის 4 ივნისიდან.

კ. კემულარია