„აჭარის ავტონომიური რესპუბლიკის მთავრობის აპარატის დებულების დამტკიცების შესახებ“ აჭარის ავტონომიური რესპუბლიკის მთავრობის 2007 წლის 3 აპრილის №42 დადგენილებაში დამატებების შეტანის თაობაზე

აჭარის ავტონომიური რესპუბლიკის მთავრობის

დადგენილება №36

 2011 წლის 15 აგვისტო

 ქ. ბათუმი

,,აჭარის ავტონომიური რესპუბლიკის მთავრობის აპარატის დებულების დამტკიცების შესახებ“ აჭარის ავტონომიური რესპუბლიკის მთავრობის 2007 წლის 3 აპრილის №42 დადგენილებაში დამატებების შეტანის თაობაზე

,,აჭარის ავტონომიური რესპუბლიკის მთავრობის სტრუქტურის, უფლებამოსი­ლე­ბისა და საქმიანობის წესის შესახებ“ აჭარის ავტო­ნომიური რესპუბლიკის კა­ნო­ნის მე-8 მუხლის „გ“ ქვეპუნქტისა და ,,აჭარის ავტონომიური რესპუბლიკის ნორ­მა­ტიული აქტების შესახებ“ აჭარის ავტო­ნომიური რესპუბლიკის კანონის 26-ე მუხ­ლის შესაბამისად:

 1. ,,აჭარის ავტონომიური რესპუბლიკის მთავრობის აპარატის დებულების დამ­ტ­კი­ცების შესახებ“ აჭარის ავტონომიური რესპუბლიკის მთავრობის 2007 წლის 3 აპრი­ლის №42 დადგენილებაში (გაზეთი „აჭარა“ №54 (22.798) 06.04.07) შეტანილ იქნეს შემ­დე­გი ცვლი­ლე­ბე­ბი და დამატებები:

ა) დადგენილებით დამტკიცებული დებულების მე-6 მუხლს ,,ე“ ქვეპუნქტის შემდეგ დაემატოს შემდეგი შინაარსის ,,ე¹“ ქვეპუნქტი:

,,ე¹“ცენტრალური ხელისუფლების ორგანოებთან ურთიერთობის დეპარტა­მენ­ტი;“.

დ) დადგენილებით დამტკიცებულ დებულებას მე-10 მუხლის შემდგომ დაემატოს შემდეგი შინაარსის 10¹ მუხლი:

     „მუხლი 10¹. ცენტრალური ხელისუფლების ორგანოებთან ურთიერთობის დეპარტამენტი

1. ცენტრალური ხელისუფლების ორგანოებთან ურთიერთობის დეპარტა­მენ­ტის ადგილსამყოფელია ქ. თბილისი.

2. თავისი კომპეტენციის ფარგლებში, ცენტრალური ხელისუფლების ორ­გა­ნოებთან ურთი­ე­რთობის დეპარტამენტის ძირითადი ამოცანები და ფუნქციებია:

ა) ცენტრალური ხელისუფლების ორგანოებთან მთავრობის, მთავრობის თავმჯ­დო­მა­რის, მთავრობის აპარატის ურთიერთობის ხელშეწყობა;

ბ) ცენტრალური ხელისუფლების ორგანოებთან აჭარის ავტონომიური რესპუბ­ლიკის სამინისტროების, საქვეუწყებო დაწესებულებებისა და სხვა ადმინისტ­რაც­ი­უ­ლი ორგანოების ურთიერთობის ხელშეწყობა;

გ) აჭარის ავტონომიური რესპუბლიკის განსაკუთრებულ გამგებლობას მიკუთ­ვ­ნებულ საკითხებთან დაკავშირებით სათანადო წინადა­დებებისა და რეკომენ­და­ციების შემუშავება;

დ) ცენტრალური ხელისუფლების ორგანოებისათვის შესაბამისი ინიციატივით წარ­სა­დ­გენი სამართლებრივი აქტებისა და სხვა სახის პროექტების შემუშავებაში მონა­წილეო­ბის მიღება;

ე) სხვადასხვა დაწესე­ბუ­ლე­ბებსა და ორგანიზაციებთან მთავრობის, მთავ­რობის თავმჯდომარის, მთავრობის აპარა­ტის ურთიერთობის ხელშეწყობა, კონკრე­ტული საკითხების შესწავლა, გამოკვლევა;

ვ) ცენტრალური ხელისუფლების ორგანოებთან დაკავშირებულ განსახილველ საკი­თ­ხ­თა პროცესის კოორდინაცია, მიღებული გადაწყვეტილებების, რეკომენ­და­ციე­ბისა და წინა­დ­ადებების შესახებ ინფორმაციის შეგროვება და მთავრობის, მთავრობის თავმჯ­დომარის, მთავრობის აპარატისათვის წარდგენა;

ზ) ცენტრალური ხელისუფლების ორგანოებისათვის წარსადგენი საკი­თ­ხების განხი­ლ­­­ვაში მონაწილეობა, საკითხის შესწავლა, გამოკ­ვლევა და შესაბამის უწყებებში სათანადო ინფორმაციის, დოკუმენტაციის წარდგენა;

 თ) უცხო ქვეყნების საელჩოებსა და საკონსულებთან მთავრობის, მთავრობის თავმჯდომარისა და მთავრობის აპარატის ურთიერთობების ხელშეწყობა და შესა­ბა­მისი ღონისძიებების განხორციელება;

ი) მოქალაქეთა საჩივრების, განცხადებების, წერილების განხილვა, შესწავლა, მათი სათანადო ანალიზის საფუძველზე შესაბამისი წინადადებებისა და რეკომენ­და­ციების შემუშავება;

კ) მთავრობის, მთავრობის თავმჯდომარისა და მთავრობის აპარატის უფროსის ცალკეულ დავალებათა შესრულება;

ლ) კანონმდებლობით გათვალისწინებული სხვა ამოცანებისა და ფუნქციების განხორციელება.

2. დადგენილება ამოქმედდეს გამოქვეყნებისთანავე.

მთავრობის თავმჯდომარე                                                                         ლ. ვარშალომიძე