„მსჯავრდებულის რისკების შეფასებისა და სასჯელის აღსრულების ინდივიდუალური გეგმის შედგენის პრინციპების, წესისა და ფორმის დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 7 აპრილის №56 ბრძანებაში ცვლილების შეტანის თაობაზე

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის

ბრძანება №147

2011 წლის 29 ივლისი

ქ. თბილისი

,,მსჯავრდებულის რისკების შეფასებისა და სასჯელის აღსრულების ინდივიდუალური გეგმის შედგენის პრინციპების, წესისა და ფორმის დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 7 აპრილის №56 ბრძანებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. ,,მსჯავრდებულის რისკების შეფასებისა და სასჯელის აღსრულების ინდივიდუალური გეგმის შედგენის პრინციპების, წესისა და ფორმის დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 7 აპრილის №56 ბრძანებით (ვებპორტალი, 110408023, 12/04/2011)  დამტკიცებული პრინციპების, წესისა და ფორმის:

ა) მე-2 მუხლის მე-3 პუნქტის ,,ბ“ ქვეპუნქტი ჩამოყალიბდეს შემდეგი რედაქციით:

„ბ) მსჯავრდებულის დანაშაულებრივი ქცევა (საქართველოს სისხლის სამართლის კოდექსით გათვალისწინებული დანაშაული, რომლის ჩადენისთვისაც მსჯავრდებული პირობით ვადამდე გათავისუფლდა ან შეეფარდა პირობითი მსჯავრი,  ამ დანაშაულის აღწერა; სასამართლოს მიერ დანიშნული სასჯელის სახე და ზომა; მითითება უფლებების ჩამორთმევის შესახებ (ასეთის არსებობის შემთხვევაში); სასამართლოს მიერ დაკისრებული მოვალეობა; ინფორმაცია ნასამართლობის თაობაზე და ნასამართლობის შემთხვევაში - შესაბამისი დანაშაულის აღწერა; პირველი დანაშაული ჩადენის ასაკი; მსჯავრდებულის მიერ ჩადენილი ადმინისტრაციული სამართალდარღვევის თაობაზე ინფორმაცია; კანონსაწინააღმდეგო ქმედებათა დინამიკა -  დროის განსაზღვრულ პერიოდებში კანონსაწინააღმდეგო ქმედებათა ბუნებისა და სიმძიმის ცვალებადობა, მათი მახასიათებელი ერთგვაროვანი ნიშნები).“;

ბ) დანართი №1-ის მე-2 პუნქტი ჩამოყალიბდეს შემდეგი რედაქციით:

„2. მსჯავრდებულის დანაშაულებრივი ქცევა

“.

მუხლი 2. ეს ბრძანება ამოქმედდეს გამოქვეყნებისთანავე.

 ხ. კალმახელიძე