საგანმანათლებლო და სააღმზრდელო დაწესებულებების მატერიალურ-ტექნიკური, პროგრამული და ადამიანური რესურსების ნორმატივების დამტკიცების შესახებ

სახელმწიფო სარეგისტრაციო კოდი 430.080.000.22.022.007.424

საქართველოს განათლებისა და მეცნიერების მინისტრის 

ბრძანება №245

2005 წლის 20 მაისი

ქ. თბილისი

საგანმანათლებლო და სააღმზრდელო დაწესებულებების მატერიალურ-ტექნიკური, პროგრამული და ადამიანური რესურსების ნორმატივების დამტკიცების შესახებ

,,საგანმანათლებლო და სააღმზრდელო დაწესებუ­ლებების საქმიანობის ლიცენზირების შესახებ” საქარ­თველოს კანონის მე-5 მუხლის მე-2 პუნქტის საფუძ­ველზე, ვბრძანებ:

1. დამტკიცდეს დანართით გათვალისწინებული ,,საგა­ნმანათლებლო და სააღმზრდელო დაწესებულე­ბების მატერიალურ-ტექნიკური, პროგრამული და ადამიანური რესურსების ნორმატივები”.

2. ბრძანება ძალაში შევიდეს გამოქვეყნებისთანავე.

მოვალეობის შემსრულებელი ა. დიდებულიძე

საგანმანათლებლო და სააღმზრდელო დაწესებულებების მატერიალურ-ტექნიკური, პროგრამული და ადამიანური რესურსების ნორმატივები

1. მატერიალურ-ტექნიკური ნორმატივები:

დაწესებულებების მიერ წარმოდგენილი შენობა-ნაგებობების ფართის ფლობისა და სარგებლობის უფლება დადასტურებული უნდა იყოს კანონმდებლობით დადგენილი წესით, არანაკლებ 6 წლის ვადით, (პროფე­სიული საგანმანათლებლო დაწესებულება – არანაკლებ 3 წლის ვადით) გაფორმებული დოკუმენტით.

ა) ზოგადსაგანმანათლებლო დაწესებულების საქმია­ნობისათვის:

ა.ა) დაწესებულებას უნდა გააჩნდეს არანაკლებ 500 მ² სასარგებლო ფართი;

ა.ბ) დაწესებულებას 1 მოსწავლეზე უნდა გააჩნდეს არანაკლებ 4 მ² სასარგებლო ფართი;

ა.გ) დაწესებულებას უნდა გააჩნდეს მოსწავლეთა დადგენილი რაოდენობის შესაბამისი სასწავლო დანიშნულების ნივთები: მერხები, სკამები, დაფები ან მათი შემცვლელი სხვა საშუალებები;

ა.დ) დაწესებულებას უნდა გააჩნდეს სასკოლო სასწავლო გეგმით გათვალისწინებული მიზნების მისაღ­წე­ვად აუცილებელი მატერიალური საშუალებები.

ბ) უმაღლესი საგანმანათლებლო დაწესებულების საქმიანობისათვის:

ბ.ა) დაწესებულებას უნდა გააჩნდეს არანაკლებ 1000 მ² საერთო ფართი;

ბ.ბ) დაწესებულებას 1 სტუდენტზე უნდა გააჩნდეს არანაკლებ 4 მ² სააუდიტორიო და სალაბორატორიო ფართი;

ბ.გ) დაწესებულებას უნდა გააჩნდეს ბიბლიოთეკა, 1 სტუდენტზე არანაკლებ 10 დასახელების წიგნისა;

ბ.დ) დაწესებულება უნდა ფლობდეს 10 სტუდენტზე არანაკლებ 1 კომპიუტერისა;

ბ.ე) დაწესებულება ვალდებულია წარმოადგინოს სასწავლო გეგმებით გათვალისწინებული აუდიტო­რიების, კაბინეტ-ლაბორატორიების, პრაქტიკული სწავ­ლების ბაზის, კლინიკის, სახელოსნოს და სხვა ობიექ­ტების ფლობისა და სარგებლობის დამადასტუ­რებელი კა­ნონმდებლობით დადგენილი წესით არანაკ­ლებ 6 წლის ვადით გაფორმებული დოკუმენტი.

გ) პროფესიული საგანმანათლებლო დაწესებულების საქმიანობისათვის:

გ.ა) დაწესებულებას უნდა გააჩნდეს არანაკლებ 500 მ² სასარგებლო ფართი;

გ.ბ) დაწესებულებას 1 მოსწავლეზე უნდა გააჩნდეს არანაკლებ 4 მ² სასარგებლო ფართი (მოთხოვნა არ ეხება პროფესიული განათლების იმ სფეროს, სადაც ხორ­ციელდება დამატებითი პროფესიული საგანმანათ­ლებლო პროგრამა);

გ.გ) დაწესებულება ვალდებულია წარმოადგინოს სასწავლო გეგმებით გათვალისწინებული სასწავლო კაბინეტ-ლაბორატორიების, პრაქტიკული სწავლების ბაზის, კლინიკის, სახელოსნოს, ინსტრუმენტების და სხვა ობიექტების ფლობისა და სარგებლობის დამადას­ტუ­რებელი კანონმდებლობით დადგენილი წესით არა­ნაკლებ 3 წლის ვადით გაფორმებული დოკუმენტები.

დ) სკოლამდელი სააღმზრდელო დაწესებულების საქმიანობისათვის:

დაწესებულებას უნდა გააჩნდეს 1 ბავშვზე არანაკლებ 4 მ² სასარგებლო ფართი.

ე) მშობელთა მზრუნველობას მოკლებულ, აგრეთვე შეზღუდული შესაძლებლობის მქონე ბავშვთა სააღმზ­რდე­ლო დაწესებულების საქმიანობისათვის:

ე.ა) დაწესებულებას უნდა გააჩნდეს არანაკლებ 500 მ2 სასარგებლო ფართი;

ე.ბ) დაწესებულებას 1 აღსაზრდელზე უნდა გააჩნდეს არანაკლებ 8 მ2 სასარგებლო ფართი;

ე.გ) დაწესებულებას უნდა გააჩნდეს აღსაზრდელთა დადგენილი რაოდენობის შესაბამისი სასწავლო დანიშ­ნუ­ლების ნივთები: სპორტული ინვენტარი, სათამაშოები, მერხები, სკამები, დაფები ან მათი შემცვლელი სხვა ნივთები;

ე.დ) დაწესებულებას უნდა გააჩნდეს 1 აღსაზრდელზე გამოყოფილი 1 ტუმბო და საწოლი, 4 აღსაზრდელზე გამოყოფილი 1 კარადა;

ე.ე) დაწესებულებას უნდა გააჩნდეს 10 ბავშვზე არანაკლებ 2 ხელსაბანისა და ყოველ 20 ბავშვზე 3 საშ­ხაპე;

ე.ვ) დაწესებულებას უნდა გააჩნდეს არანაკლებ 2 იზო­ლირებული ოთახისა კარანტინისათვის;

ე.ზ) საძინებელ ოთახში განთავსებული უნდა იყოს არა უმეტეს 10 ბავშვისა;

ე.თ) დაწესებულებას უნდა გააჩნდეს შეზღუდული შესაძლებლობების მქონე აღსაზრდელთა თავისუფალი ორიენტაციისა და გადაადგილების პირობები;

ე.ი) იმ მშობელთა მზრუნველობას მოკლებულ, აგრეთვე შეზღუდული შესაძლებლობის მქონე ბავშვთა სააღმზრდელო დაწესებულებებზე, რომლებიც ახორ­ციელებენ ზოგადსაგანმანათლებლო პროგრამებს, ვრცელ­დება ზოგადსაგანმანათლებლო დაწესებულების შესაბამისი ნორმატივები.

2. პროგრამული ნორმატივები:

ა) ზოგადსაგანმანათლებლო დაწესებულების საქმია­ნო­ბისათვის:

სასკოლო სასწავლო გეგმა შესაბამისობაში უნდა იყოს ეროვნულ სასწავლო გეგმასთან და მასში დასახულ მიზნებთან;

უმაღლესი საგანმანათლებლო დაწესებულების საქმია­ნობისათვის:

ბ) უმაღლესი საგანმანათლებლო დაწესებელების მიერ წარმოდგენილ დოკუმენტებში მოყვანილი უნდა იყოს:

ბ.ა) თითოეული საფეხურის სასწავლო გეგმა მოდუ­ლების მიხედვით;

ბ.ბ) სპეციალობების ჩამონათვალი მისაღწევი აკადემიური ხარისხის ჩვენებით და თითოეულ საფეხურზე სწავლების ვადის მითითებით;

ბ.გ) საათების განაწილება მოდულების მიხედვით, საგნების ჩამონათვალი, სათანადო კრედიტების ან აკადემიური საათების მითითებით, შეფასების ფორმები;

ბ.დ) მოდულებში შემავალი სასწავლო კურსების მოკლე აღწერა (მინიმუმ 50 სიტყვა);

ბ.ე) უმაღლესი საგანმანათლებლო დაწესებულების სასწავლო გეგმით გათვალისწინებული უნდა იყოს მი­ნიმუმ 60 კრედიტი ერთი სასწავლო წლის განმავ­ლობაში. კრედიტი წარმოადგენს დროის ერთეულში სტუდენტის დატვირთვის მოცულობას.

გ) პროფესიული საგანმანათლებლო დაწესებულების საქმიანობისათვის:

დაწესებულების მიერ წარმოდგენილი სასწავლო პროგრამები შესაბამისობაში უნდა იყოს საქართველოს განათლებისა და მეცნიერების სამინისტროს მიერ დამტკი­ცებულ სტანდარტებთან.

დ) სკოლამდელი სააღმზრდელო დაწესებულების საქმიანობისათვის:

დაწესებულების მიერ წარმოდგენილ პროგრამაში აღწერილი უნდა იყოს სწავლების მეთოდიკა და დღის წესრიგი;

ე) მშობელთა მზრუნველობას მოკლებულ, აგრეთვე შეზღუდული შესაძლებლობის მქონე ბავშვთა სააღ­მზრდელო დაწესებულების საქმიანობისათვის:

ე.ა) დაწესებულების მიერ წარმოდგენილ პროგ­რამაში აღწერილი უნდა იყოს სწავლების მეთოდიკა და დღის წესრიგი;

ე.ბ) იმ მშობელთა მზრუნველობას მოკლებულ, აგრეთვე შეზღუდული შესაძლებლობის მქონე ბავშვთა სააღმზრდელო დაწესებულებებზე, რომლებიც ახორ­ციე­ლებენ ზოგადსაგანმანათლებლო პროგრამებს, ვრცელ­დება ზოგადსაგანმანათლებლო დაწესებულების შესაბამისი ნორმატივები.

ვ) სკოლისგარეშე დაწესებულებების სააღმზრდელო საქმიანობისათვის:

დაწესებულების მიერ წარმოდგენილ პროგრამაში აღწერილი უნდა იყოს სწავლების მეთოდიკა და დღის წესრიგი.

3. ადამიანური რესურსების ნორმატივები:

დაწესებულების მიერ წარმოდგენილ მონაცემებს დასაქმებული კადრების თაობაზე თან უნდა ერთოდეს დაწესებულების მიერ შესაბამისი საქმიანობისათვის ლიცენზიის მიღების პირობით კანონმდებლობით დადგენილი წესით გაფორმებული ხელშეკრულებები.

ა) ზოგადსაგანმანათლებლო დაწესებულების საქმია­ნობისათვის:

დაწესებულება უნდა დაკომპლექტდეს უმაღლესი პედაგოგიური განათლების ან შესაბამისი უმაღლესი ან პროფესიული განათლების მქონე პედაგოგიური კად­რებით;

ბ) უმაღლესი საგანმანათლებლო დაწესებულების საქ­მია­ნო­ბისათვის:

დაწესებულებაში დასაქმებულ აკადემიურ პერსონალს უნდა ჰქონდეს დოქტორის აკადემიური ხარისხი ან საქართველოს კანონმდებლობით მასთან გათანაბრებუ­ლი ხარისხი, ან უნდა სწავლობდეს დოქტორანტურის პროგრამით იმავე უმაღლეს საგანმანათლებლო დაწე­სებულებაში;

გ) პროფესიულ საგანმანათლებლო დაწესებულების საქმიანობისათვის:

დაწესებულებაში დასაქმებულ ყველა პედაგოგს უნდა ჰქონდეს უმაღლესი განათლება, ხოლო საწარმოო სწავლების ოსტატს (სასწავლო პრაქტიკის მასწავ­ლებელს) შესაბამისი პროფესიული განათლება ან ხუთ წელზე მეტი სათანადო პრაქტიკული გამოცდილება;

დ) სკოლამდელი სააღმზრდელო, მშობელთა მზრუნ­ველობას მოკლებულ, აგრეთვე შეზღუდული შესაძ­ლებლობის მქონე ბავშვთა სააღმზრდელო, სკოლის­გარეშე დაწესებულებებისათვის:

დ.ა) დასაქმებულ აღმზრდელებს უნდა გააჩნდეთ საშუალო პროფესიული ან უმაღლესი განათლება;

დ.ბ) იმ მშობელთა მზრუნველობას მოკლებულ, აგრეთვე შეზღუდული შესაძლებლობის მქონე ბავშვთა სააღმზრდელო დაწესებულებებზე, რომლებიც ახორ­ციე­ლებენ ზოგადსაგანმანათლებლო პროგრამებს, ვრცელ­­დება ზოგადსაგანმანათლებლო დაწესებულების შესაბამისი ნორმატივები.