„დუშეთის მუნიციპალიტეტის ქონების განკარგვისას ელექტრონული აუქციონის ჩატარების წესის დამტკიცების შესახებ“ დუშეთის მუნიციპალიტეტის საკრებულოს 2011 წლის 16 ივნისის №22 დადგენილებაში ცვლილების შეტანის თაობაზე

დუშეთის მუნიციპალიტეტის საკრებულოს

დადგენილება №27

2011 წლის 21  ივლისი

ქ. დუშეთი

    „დუშეთის მუნიციპალიტეტის ქონების განკარგვისას ელექტრონული აუქციონის ჩატარების წესის დამტკიცების შესახებ“ დუშეთის მუნიციპალიტეტის საკრებულოს 2011 წლის 16 ივნისის №22 დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის, „ადგილობრივი თვითმმართველი ერთეულის ქონების შესახებ“ საქართველოს კანონის 19¹ მუხლის მე-17 პუნქტის საფუძველზე, დუშეთის მუნიციპალიტეტის საკრებულო ადგენს:

    მუხლი 1

„დუშეთის მუნიციპალიტეტის ქონების განკარგვისას ელექტრონული აუქციონის ჩატარების წესის დამტკიცების შესახებ“ დუშეთის მუნიციპალიტეტის საკრებულოს 2011 წლის 16 ივნისის №22 დადგენილებით დამტკიცებულ დანართში შეტანილ იქნეს შემდეგი ცვლილებები:

1. პირველი მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. „ადგილობრივი თვითმმართველი ერთეულის ქონების შესახებ“ საქართველოს კანონის შესაბამისად, დუშეთის მუნიციპალიტეტის ქონების აუქციონის ფორმით პრივატიზების/სარგებლობაში გადაცემისას ელექტრონული აუქციონის ჩატარების თაობაზე გადაწყვეტილებას იღებს დუშეთის მუნიციპალიტეტის საკრებულოს თავმჯდომარე.“;

ბ) მე-4 პუნქტი ჩამოყალიბდეს შემდეგი რედაქციით:

„4. ელექტრონული აუქციონის ფორმით დუშეთის მუნიციპალიტეტის ქონების პრივატიზებას/სარგებლობაში გადაცემას ახორციელებს დუშეთის მუნიციპალიტეტის საკრებულოს თავმჯდომარე.“.

2. მე-2 მუხლის მე-4 პუნქტის „ლ“ ქვეპუნქტი ჩამოყალიბდეს შემდეგი რედაქციით:

„ლ) ყველა სხვა ინფორმაციას, რომელსაც სარგებლობაში გამცემი ორგანო ჩათვლის მიზანშეწონილად.“.

    მუხლი 2

ეს      დადგენილება ამოქმედდეს გამოქვეყნებისთანავე.

 საკრებულოს თავმჯდომარე                                      ც. საძაგლიშვილი