საქართველოს შინაგან საქმეთა მინისტრის ბრძანება №859 ,,საქართველოს შინაგან საქმეთა სამინისტროს უმცროსი სპეციალური წოდების მქონე თანამშრომელთა და სამხედრო მოსამსახურეთა (კაპრალ – სერჟანტთა) ხელფასზე წელთა ნამსახურობის მიხედვით ყოველთვიური პროცენტული დანამატის დაწესების თაობაზე

სახელმწიფო სარეგისტრაციო კოდი 270.070.000.22.033.007.647

საქართველოს შინაგან საქმეთა მინისტრის

ბრძანება №859

2005 წლის 22 აგვისტო

 ქ. თბილისი

საქართველოს შინაგან საქმეთა სამინისტროს უმცროსი სპეციალური წოდების მქონე თანამშრომელთა და სამხედრო მოსამსახურეთა (კაპრალ – სერჟანტთა) ხელფასზე წელთა ნამსახურობის მიხედვით ყოველთვიური პროცენტული დანამატის დაწესების თაობაზე

,,საქართველოს 2005 წლის სახელმწიფო ბიუჯეტის შესახებ” საქართველოს კანონის მე-7 მუხლის და ,,საქართველოს შინაგან საქმეთა სამინისტროს დებუ­ლების დამტკიცების შესახებ” საქართველოს პრეზიდენ­ტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის ,,ა” და ,,ნ” ქვეპუნქტების საფუძველზე, ვბრძანებ:

1. საქართველოს სახელმწიფო ბიუჯეტიდან ყოველ­კვარ­ტალურად გამოყოფილი ასიგნებების ფარგლებში საქართველოს შინაგან საქმეთა სამინისტროს უმცროსი სპეციალური წოდების მქონე თანამშრომლებსა და სამ­ხედ­რო მოსამსახურეებს (კაპრალ – სერჟანტი) დაუ­წესდეთ ხელფასზე (თანამდებობრივი და წოდებრივი სარ­­გოების ჯამი) წელთა ნამსახურობის მიხედვით ყოველთვიური პროცენტული დანამატი შემდეგი ოდე­ნობით:

ა) 2-დან 5 წლამდე – 10%;

ბ) 5-დან 10 წლამდე – 15%;

გ) 10-დან 15 წლამდე – 20%;

დ) 15-დან 20 წლამდე – 25%;

ე) 20-დან 25 წლამდე – 30%;

ვ) 25-დან 30 წლამდე – 35%;

ზ) 30 წელი და მეტი – 40%.

2. დაუშვებელია ზემოაღნიშნული დანამატის და­რიც­ხვა შრომის ანაზღაურების ფონდში შესაბამისი ასიგ­ნების გარეშე.

3. წელთა ნამსახურობის მიხედვით ყოველთვიური დანამატის დარიცხვა განხორციელდეს ნამსახურობის შესახებ სათანადო ამონაწერის (ცნობის) საფუძველზე.

4. ბრძანების შესრულებაზე კონტროლი დაევალოს საქართველოს შინაგან საქმეთა სამინისტროს საკადრო და ორგანიზაციული უზრუნველყოფის დეპარტამენტის დი­რექ­ტორს.

5. ბრძანება გაეცნოს დაინტერესებულ პირებს.

6. ბრძანება ამოქმედდეს 2005 წლის 1 იანვრიდან.

ი. მერაბიშვილი