საქართველოს ენერგეტიკისა და წყალმომარაგების მარეგულირებელი ეროვნული კომისიის დადგენილება №30 სს ,,თელასსა“ და შპს „მულტიპლექს ენერჯი ტრეიდინგს“ შორის ელექტროენერგიის მიწოდების შესახებ 2008 წლის 9 სექტემბერს გაფორმებული ხელშეკრულების საფუძველზე საქართველოში იმპორტირებული ელექტროენერგიის ზღვრული ტარიფის (ზედა ზღვრის) განსაზღვრის შესახებ

სახელმწიფო სარეგისტრაციო კოდი 300.320.000.16.009.012.329

საქართველოს ენერგეტიკისა და წყალმომარაგების მარეგულირებელი ეროვნული კომისიის

დადგენილება №30

2008 წლის 30 ოქტომბერი

ქ. ქუთაისი

სს ,,თელასსა“ და შპს „მულტიპლექს ენერჯი ტრეიდინგს“ შორის  ელექტროენერგიის მიწოდების შესახებ 2008 წლის 9 სექტემბერს  გაფორმებული ხელშეკრულების საფუძველზე საქართველოში იმპორტირებული ელექტროენერგიის ზღვრული ტარიფის (ზედა ზღვრის) განსაზღვრის  შესახებ

,,ელექტროენერგეტიკისა და ბუნებრივი გაზის შესახებ“ საქართველოს კანონის მე-4 მუხლის მე-5 პუნქტის ,,ბ“ ქვეპუნქტის, მე-5 მუხლის პირველი პუნქტის, 42-ე მუხლის პირველი პუნქტის, 43-ე და 44-ე მუხლების საფუძველზე, კომისიამ დადგინა:

1. სს ,,თელასს“ და შპს „მულტიპლექს ენერჯი ტრეიდინგს“ შორის 2008 წლის 9 სექტემბერს გაფორმებული ,,რუსეთის ფედერაციიდან საქართველოს ელექტროენერგიის მიწოდების შესახებ“ №04/08 ხელშეკრულების საფუძველზე საქართველოში იმპორტირებული ელექტროენერგიის ზღვრული ტარიფი (ზედა ზღვარი) განისაზღვროს შემდეგი ფორმულით:

T = (T_იმპ. X E + U_საბ. + U_რეგ. + U_მომს.) / E

სადაც: T – იმპორტირებული ელექტროენერგიის ზღვრული ტარიფი (ლარი/კვტსთ);

T_იმპ. – შესაბამისი ხელშეკრულებით განსაზღვრული ელექტროენერგიის იმპორტის ფასი (ლარი/კვტსთ);

E – ფაქტობრივად იმპორტირებული ელექტროენერგიის მოცულობა (კვტსთ);

U _საბ. – საბაჟო მოსაკრებელი (ლარი);

U _რეგ. – რეგულირების საფასური (ლარი);

U_{მომს.} – შპს ,,ელექტროენერგეტიკული სისტემის კომერციული ოპერატორის“ მომსახურების საფასური.

2. იმპორტირებული ელექტროენერგიის ზღვრულმა ტარიფმა არ უნდა გამოიწვიოს მოქმედი სამომხმარებლო ტარიფის გაზრდა.

3. დადგენილება ძალაში შედის გამოქვეყნებიდან მე-15 დღეს.

თავმჯდომარე  გ. ჩალაგაშვილი