დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | აკრედიტებულ უმაღლეს საგანმანათლებლო დაწესებულებაში მისაღებ სტუდენტთა მაქსიმალური კონტინგენტის დადგენის წესის დამტკიცების შესახებ | |
|---|---|
| დოკუმენტის ნომერი | 71 |
| დოკუმენტის მიმღები | საქართველოს განათლებისა და მეცნიერების მინისტრი |
| მიღების თარიღი | 30/01/2006 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | სსმ, 14, 01/02/2006 |
| ძალის დაკარგვის თარიღი | 27/03/2006 |
| სარეგისტრაციო კოდი | 430030000.22.022.008092 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (01/02/2006 - 27/03/2006)
სახელმწიფო სარეგისტრაციო კოდი 430.030.000.22.022.008.092
საქართველოს განათლებისა და მეცნიერების მინისტრის
ბრძანება №71
2006 წლის 30 იანვარი
ქ. თბილისი
აკრედიტებულ უმაღლეს საგანმანათლებლო დაწესებულებაში მისაღებ სტუდენტთა მაქსიმალური კონტინგენტის დადგენის წესის დამტკიცების შესახებ
,,საქართველოს უმაღლეს საგანმანათლებლო დაწესებულებათა აკრედიტაციის საბჭოს დებულებისა და პერსონალური შემადგენლობის დამტკიცების შესახებ” საქართველოს პრეზიდენტის 1998 წლის 20 ივლისის №418 ბრძანებულების II თავის ,,ე” ქვეპუნქტისა და ,,საქართველოს განათლებისა და მეცნიერების სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №37 დადგენილებით დამტკიცებული საქართველოს განათლებისა და მეცნიერების სამინისტროს დებულების მე-3 მუხლის მე-2 პუნქტის ,,ა” და ,,მ” ქვეპუნქტების შესაბამისად, ვბრძანებ:
1. დამტკიცდეს აკრედიტებულ უმაღლეს საგანმანათლებლო დაწესებულებაში მისაღებ სტუდენტთა მაქსიმალური კონტინგენტის დადგენის დანართით გათვალისწინებული წესი.
2. ბრძანება ამოქმედდეს გამოქვეყნებისთანავე.
ა. ლომაია
აკრედიტებულ უმაღლეს საგანმანათლებლო დაწესებულებაში მისაღებ სტუდენტთა მაქსიმალური კონტინგენტის დადგენის წესი
ერთიანი ეროვნული გამოცდების შედეგად უმაღლეს საგანმანათლებლო დაწესებულების სხვადასხვა კურსზე მისაღებ აბიტურიენტთა რაოდენობა განისაზღვროს შემდეგი ფორმულის შესაბამისად:
სტუდენტისა, თუ არ ირღვევა პირობა ერთ სტუდენტზე მოსული სააუდიტორიო-სალაბორატორიო ფართის შესახებ, ანუ 4მ2/სტ.
განმარტებები ფორმულისათვის:
n აღნიშნავს მისაღები კონტინგენტის რაოდენობას,
N – გადამოწმების შედეგად უმაღლესი საგანმანათლებლო დაწესებულებისათვის დადგენილ სტუდენტთა რაოდენობას, ხოლო ახლადლიცენზირებულ უმაღლეს სასწავლებელში – სააუდიტორიო-სალაბორატორიო ფართის 4-ზე გაყოფით მიღებულ სავარაუდო სტუდენტთა რიცხვს
სადაც: S არის სააუდიტორიო-სალაბორატორიო ფართი;
b – გადამოწმების შედეგად დადგენილი ერთ სტუდენტზე მოსული სააუდიტორიო-სალაბორატორიო ფართი (b>4); b შეიძლება იყოს 4-დან 6-მდე. იმ შემთხვევაში, თუ ფორმულის გამოანგარიშების შედეგად n<20 და ერთ სტუდენტზე მოსული სააუდიტორიო-სალაბორატორიო ფართის შეფარდება აღემატება 4-მ2/სტ-ს, ფორმულაში ვიყენებთ b-ს რეალურ მნიშვნელობას (b>6);
q – ერთ სტუდენტზე მოსული სააუდიტორიო-სალაბორატორიო ფართი სალიცენზიო პირობის მიხედვით, რომელიც ოთხის ტოლია (q=4მ2/სტ);
k – წარმატების კოეფიციენტი,
თუ Q<6, k=0;
Q – აკრედიტაციის კითხვარის მიხედვით უმაღლეს საგანამანათლებლო დაწესებულებაზე მინიჭებული ჯამური ქულა;
რიცხვი ,,6" წარმოადგენს სააკრედიტაციო გამსვლელ ჯამურ ქულას;
t – უმაღლეს საგანამანათლებლო დაწესებულებაში სასწავლო პროგრამისთვის განკუთვნილი პერიოდი. t=4 იმ უმაღლესი საგანამანათლებლო დაწესებულებისათვის, სადაც მხოლოდ სწავლების პირველი საფეხურია (ბაკალავრიატი, დიპლომირებული სპეციალისტის საგანმანათლებლო პროგ-რამა). t=5 იმ უმაღლესი საგანამანათლებლო დაწესებულებისათვის, სადაც არის ბაკალავრის/დიპლომირებული სპეციალისტის და მაგისტრატურის და/ან დოქტორანტურის საფეხურები ან ხუთწლიანი სწავლება და t=6 სამედიცინო პროფილის უმაღლესი საგანმანათლებლო დაწესებულებისა და ფაკულტეტებისთვის.
დოკუმენტის კომენტარები