დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | საქართველოს ფინანსთა სამინისტროს შემოსავლების სამსახურის თანამშრომელთა სამსახურის გავლის წესის თაობაზე | |
|---|---|
| დოკუმენტის ნომერი | 346 |
| დოკუმენტის მიმღები | საქართველოს ფინანსთა მინისტრი |
| მიღების თარიღი | 13/04/2007 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | სსმ, 51, 13/04/2007 |
| ძალის დაკარგვის თარიღი | 17/06/2008 |
| სარეგისტრაციო კოდი | 190040000.22.330.010201 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (13/04/2007 - 10/06/2008)
სახელმწიფო სარეგისტრაციო კოდი 190.040.000.22.033.010.201
საქართველოს ფინანსთა მინისტრის
ბრძანება №346
2007 წლის 13 აპრილი
ქ. თბილისი
საქართველოს ფინანსთა სამინისტროს შემოსავლების სამსახურის თანამშრომელთა სამსახურის გავლის წესის თაობაზე
„საქართველოს ფინანსთა სამინისტროს შემოსავლების სამსახურის შესახებ“ საქართველოს კანონის მე-12 მუხლის მე-2 პუნქტის საფუძველზე და საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების მე-4 მუხლის მე-3 პუნქტის „ლ“ ქვეპუნქტის შესაბამისად, ვბრძანებ:
1. რეორგანიზაციის შემთხვევაში შემოსავლების სამსახურის მოსამსახურე შეიძლება გათავისუფლდეს თანამდებობიდან როგორც გაფრთხილების ვადის გასვლამდე, ისე გაფრთხილების ვადის გასვლის შემდეგ ნებისმიერ დღეს. რეორგანიზაციისას არ გამოიყენება „საჯარო სამსახურის შესახებ“ საქართველოს კანონის 111-ე მუხლი და შეიძლება არ იქნეს გათვალისწინებული ატესტაციის შედეგები.
2. თუ შემოსავლების სამსახურის მოსამსახურეები გათავისუფლდნენ რეორგანიზაციის საფუძველზე გაფრთხილების ვადის გასვლამდე, მათ მიეცემათ ხელფასი გათავისუფლებიდან გაფრთხილების ვადის გასვლამდე და კომპენსაცია სამსახურის შექმნის დღემდე არსებული 2 თვის თანამდებობრივი სარგოს ოდენობით. გაფრთხილების ვადის გასვლის შემდეგ (მიუხედავად იმისა, თუ რამდენი დღე გადაცდება გაფრთხილების ვადას) რეორგანიზაციის საფუძველზე გათავისუფლებულ პირებს მიეცემათ გათავისუფლებამდე სამსახურში ყოფნის ხელფასი და კომპენსაცია სამსახურის შექმნის დღემდე არსებული 2 თვის თანამდებობრივი სარგოს ოდენობით. კომპენსაციები არ გაიცემა შემოსავლების სამსახურში დანიშნულ პირებზე.
3. ბრძანება ამოქმედდეს გამოქვეყნებისთანავე.
მინისტრის პირველი
მოადგილე კ. ბაინდურაშვილი
დოკუმენტის კომენტარები