საქართველოს შინაგან საქმეთა სამინისტროს საგამოძიებო დეპარტამენტის დებულების დამტკიცების შესახებ

სახელმწიფო სარეგისტრაციო კოდი 010.240.030.22.034.009.457

საქართველოს შინაგან საქმეთა მინისტრის

ბრძანება №1166

2006 წლის 10 ოქტომბერი

ქ. თბილისი

საქართველოს შინაგან საქმეთა სამინისტროს საგამოძიებო დეპარტამენტის დებულების დამტკიცების შესახებ

,,საქართველოს მთავრობის სტრუქტურის, უფლება­მოსილებისა და საქმიანობის წესის შესახებ” საქართვე­ლოს კანონის მე-18 მუხლის მე-2 პუნქტისა და ,,საქართველოს შინაგან საქმეთა სამინისტროს დებულების დამ­ტკი­ცების შესახებ” საქართველოს პრეზიდენტის 2004 წლის 27 დეკემბრის №614 ბრძანებულებით დამ­ტკი­ცებული დებულების მე-11 პუნქტის ,,ა”, ,,კ” და ,,ნ” ქვეპუნქტების საფუძველზე, ვბრძანებ:

1. დამტკიცდეს საქართველოს შინაგან საქმეთა სამინისტროს საგამოძიებო დეპარტამენტის თანდართული დებულება.

2. ეს ბრძანება ამოქმედდეს გამოქვეყნებისთანავე.

ი. მერაბიშვილი

საქართველოს შინაგან საქმეთა სამინისტროს საგამოძიებო დეპარტამენტის

დებულება

თავი I

ზოგადი დებულებანი

    მუხლი 1.

1. ეს დებულება განსაზღვრავს საქართველოს შინაგან საქმეთა სამინისტროს (შემდგომში – სამინისტრო) საგამოძიებო დეპარტამენტის (შემდგომში – დეპარტა­მენტი) სამართლებრივ სტატუსს, უფლებამოსილებებს, საქმიანობის სამართლებრივ საფუძვლებს, პრინციპებსა და მიმართულებებს.

    მუხლი 2.

დეპარტამენტი არის სამართალდამცავი სტატუსის მქონე საგამოძიებო ორგანო, რომელიც სამინისტროს სის­ტემაში შედის სტრუქტურული ქვედანაყოფის სა­ხით. დეპარტამენტი თავისი კომპეტენციის ფარ­გლებში უზრუნველყოფს დანაშაულთა გამოძიებას.

    მუხლი 3.

დეპარტამენტის საქმიანობის სამართლებრივი სა­ფუძვლებია საქართველოს კონსტიტუცია, საქართველოს საერთაშორისო ხელშეკრულებები და შეთანხმებები, სისხლის სამართლის საპროცესო კანონმდებლობა, ეს დებულება და სხვა საკანონმდებლო და კანონქვემ­დებარე ნორმატიული აქტები.

    მუხლი 4.

1. დეპარტამენტის საქმიანობა ემყარება კანონიე­რების, პიროვნების პატივისა და ღირსების დაცვის, სოციალური სამართლიანობის, ჰუმანიზმის, საჯაროო­ბის, დეპარტამენტის სისტემის ერთიანობისა და მისი ცენტრალიზებული მართვის პრინციპებს.

2. დეპარტამენტის თანამშრომელი ვალდებულია პატივი სცეს და დაიცვას პიროვნების უფლებები და ძირითადი თავისუფლებები, მიუხედავად მისი მოქალა­ქეობრივი, სოციალური და ქონებრივი მდგომარეობისა, რასობრივი და ეროვნული კუთვნილებისა, სქესისა, ასაკისა, განათლებისა, ენისა, სარწმუნოებისა, პოლიტი­კური და სხვა შეხედულებებისა.

    მუხლი 5.

დეპარტამენტი საქართველოს საერთაშორისო ხელ­შეკ­რუ­ლებებიდან და შეთანხმებებიდან გამომდინარე, კანონმდებლობით დადგენილი წესით კომპეტენციის ფარგლებში თანამშრომლობს სხვა ქვეყნების სამარ­თალ­დამცავ ორგანოებთან და საერთაშორისო ორგანიზა­ციებთან.

თავი II

დეპარტამენტის საქმიანობის სფერო და ძირითადი მიმართულებები

    მუხლი 6.

დეპარტამენტი თავისი კომპეტენციის ფარგლებში უზრუნველყოფს სამინისტროს ქვემდებარე განსაკუთ­რებით მნიშვნელოვან საქმეთა ყოველმხრივ, სრულ და ობიექტურ გამოძიებას და ამ მიზნით შესაბამის ოპერა­ტიულ-სამძებრო ღონისძიებების, საქართველოს სისხლის სამართლის საპროცესო კოდექსით გათვალის­წინებული საგამოძიებო მოქმედებებისა და მისთვის მინიჭებული სხვა უფლებამოსილების განხორციელებას.

    მუხლი 7.

დეპარტამენტი დაკისრებული ამოცანების შესრუ­ლებისას უფლებამოსილია თავისი კომპეტენციის ფარ­გლებში:

ა) დანაშაულზე აწარმოოს სისხლისსამართლებრივი დევნა ან/და წინასწარი გამოძიება;

ბ) ჩაატაროს საქართველოს სისხლის სამართლის საპ­როცესო კოდექსით გათვალისწინებული ყველა საგამო­ძიებო მოქმედება;

გ) ჩააბას სამინისტროს შესაბამისი სტრუქტურული ქვედანაყოფები საგამოძიებო მოქმედების ჩატარებაში;

დ) კანონმდებლობით დადგენილი წესით მისცეს წერილობითი დავალებები ოპერატიულ-სამძებრო ქვე­და­ნა­ყოფებს მის წარმოებაში არსებული სისხლის სამართლის საქმის გამოძიებასთან დაკავშირებით ოპერატიულ-სამძებრო ღონისძიებათა ჩატარების შესახებ;

ვ) საჭიროების შემთხვევაში მოითხოვოს რევიზიის, ინვენტარიზაციის, საუწყებო შემოწმების ჩატარება და გამოძიებისათვის საჭირო დოკუმენტების წარდგენა;

ზ) განახორციელოს კანონმდებლობით განსაზღვრუ­ლი სხვა უფლებამოსილებანი.

თავი III

დეპარტამენტის სტრუქტურული დანაყოფები

    მუხლი 8.

დეპარტამენტის შემადგენლობაშია შემდეგი სტრუქ­ტურული დანაყოფები:

ა) დეპარტამენტის განსაკუთრებით მნიშვნელოვან საქმეთა I საგამოძიებო სამმართველო;

ბ) დეპარტამენტის განსაკუთრებით მნიშვნელოვან საქმეთა II საგამოძიებო სამმართველო;

გ) დეპარტამენტის საერთო განყოფილება.

    მუხლი 9.

დეპარტამენტის განსაკუთრებით მნიშვნელოვან საქმეთა საგამოძიებო სამმართველოები უზრუნველ­ყოფენ სამინისტროს ქვემდებარე განსაკუთრებით მნიშვნელოვან საქმეთა გამოძიებას და ამ მიზნით კანონმდებლობით დადგენილი წესით აწარმოებენ ოპერა­ტიულ-სამძებრო და საგამოძიებო მოქმედებებს.

    მუხლი 10

1. საერთო განყოფილების ამოცანაა კომპეტენციის ფარ­გლებში დეპარტამენტის სტრუქტურული ერთეუ­ლების ორგანიზაციული კუთხით კოორდინირება, დეპარ­ტამენტის დირექტორისთვის ორგანიზაციულ-ტექ­ნიკური, საინფორმაციო და სამართლებრივი საკით­ხების უზრუნველყოფა.

2. დეპარტამენტის საერთო განყოფილება კომპეტენ­ციის ფარგლებში ახორციელებს შემდეგ ფუნქციებს:

ა) საქმისწარმოების (მათ შორის, საიდუმლო საქ­მისწარმოების) ორგანიზაციას;

ბ) კონტროლზე აყვანილი დოკუმენტების აღრიცხვას, მათი შესრულების კონტროლს (ვადების მიხედვით);

გ) კორესპოდენციის მიღება-გაგზავნის, მომზადებული დოკუმენტების რეგისტრაციასა და ადრესატამდე დაგზავ­ნას;

დ) დადგენილი წესით მოქალაქეთა განცხადებებისა და საჩივრების მიღებას, აღრიცხვას, მათი ხელმძღვანე­ლო­ბისათვის და შესაბამისი დანაყოფებისათვის დაგზავ­­ნას, აღნიშნული დოკუმენტების შესრულების კონ­ტროლს (ვადების შესაბამისად);

ე) დეპარტამენტში შემოსული ნორმატიული აქტების პროექტების განხილვას;

ვ) დეპარტამენტის მატერიალურ-ტექნიკური კუთხით უზრუნველყოფის ორგანიზაციული საკითხების მოგვარე­ბას;

ზ) უზრუნველყოფს დეპარტამენტში არსებული სა­ჯარო ინფორმაციის გაცემასთან დაკავშირებული ორგა­ნიზაციული საკითხების მოგვარებას;

თ) ორგანიზებას უკეთებს ოპერატიული თათბირების მომზადებას და შესაბამისი ოქმების გაფორმებას;

ი) საქართველოს კანონმდებლობის შესაბამისად ახორციელებს სხვა უფლებამოსილებებს.

თავი IV

დეპარტამენტის ორგანიზება და ხელმძღვანელობა

    მუხლი 11.

1. დეპარტამენტი არის სამინისტროს სტრუქტურუ­ლი ქვედანაყოფი, რომელიც ანგარიშვალდებულია საქართველოს შინაგან საქმეთა მინისტრის წინაშე.

2. დეპარტამენტი დაკისრებულ მოვალეობებს ასრუ­ლებს საქართველოს მთელ ტერიტორიაზე და ფუნქციო­ნირებს ერთიანი, ცენტრალიზებული წესით.

3. დეპარტამენტისათვის დაკისრებული ამოცანების შესრულებას საქართველოს მთელ ტერიტორიაზე უზრუნველყოფენ დეპარტამენტის სტრუქტურული დანა­ყოფები, რომლებიც უშუალოდ ექვემდებარებიან დეპარტამენტის დირექტორს.

    მუხლი 12.

1. დეპარტამენტის მართვას, კოორდინაციასა და ხელ­მძღვანელობას ახორციელებს დეპარტამენტის დი­რექ­ტორი, რომელსაც თანამდებობაზე ნიშნავს და თანამ­დებობიდან ათავისუფლებს საქართველოს შინაგან საქმეთა მინისტრი.

2. დეპარტამენტის დირექტორი:

ა) ხელმძღვანელობს დეპარტამენტს, აწესრიგებს დეპარ­ტამენტის გამგებლობის სფეროსათვის მიკუთვნე­ბულ საკითხებს, პასუხისმგებელია დეპარტამენტისათვის დაკისრებული მოვალეობების ჯეროვანი შესრულე­ბისათვის;

ბ) თავისი კომპეტენციის ფარგლებში იღებს გადაწყვე­ტილებებს დეპარტამენტის გამგებლობის სფეროსათვის მიკუთვნებულ საკითხებზე;

გ) თვალყურს ადევნებს დეპარტამენტის სტრუქტუ­რული ქვედანაყოფების მიერ თავიანთი მოვალეობების შესრულებას, კომპეტენციის ფარგლებში ახორციელებს ზედამხედველობას დეპარტამენტის თანამშრომელთა საქ­­მიანობასა და მათ მიერ მიღებულ გადაწყვეტილე­ბებზე;

დ) კომპეტენციის ფარგლებში წაახალისებს ან დისციპლინურ პასახუხისმგებლობას აკისრებს თანამ­შრომ­ლებს, ასევე საქართველოს შინაგან საქმეთა მინისტრს წარუდგენს წინადადებებს დეპარტამენტის თანამშრომელთა წახალისებისა ან დისციპლინური პასუხისმგებლობის დაკისრების შესახებ;

ე) შუამდგომლობს საქართველოს შინაგან საქმეთა მინისტრის წინაშე დეპარტამენტის თანამშრომლე­ბისათვის შესაბამისი სპეციალური წოდებების მინიჭე­ბის თაობაზე;

ვ) საქართველოს შინაგან საქმეთა მინისტრს პერიო­დუ­ლად წარუდგენს ანგარიშს დეპარტამენტის მიერ გაწეული საქმიანობის შესახებ და ინფორმაციას დეპარ­ტამენტის საქმიანობის პრიორიტეტული მიმართუ­ლებების თაობაზე;

ზ) დეპარტამენტის გამგებლობის სფეროსათვის მიკუთვნებულ საკითხებზე გამოსცემს განკარგულებით აქტებს, რომელთა შესრულებაც სავალდებულოა დეპარტამენტის თანამშრომელთათვის;

თ) საქართველოს შინაგან საქმეთა მინისტრს წარუდგენს წინადადებებს დეპარტამენტის მატერიალურ-ტექნიკური უზრუნველყოფის თაობაზე;

ი) ახორციელებს კანონმდებლობით მინიჭებულ სხვა უფლებამოსილებებს.

3. დეპარტამენტის დირექტორს ჰყავს მოადგილეები.

4. დეპარტამენტის დირექტორის მოადგილეთა უფ­ლებამოსილებების გამიჯვნა და საქმიანობის სფეროების განსაზღვრა ხორციელდება დეპარტამენტის დირექტო­რის მიერ.

5. დეპარტამენტის დირექტორის არყოფნის შემ­თხვევაში მის მოვალეობას ასრულებს მისი ერთ-ერ­თი მოადგილე საქართველოს შინაგან საქმეთა მინის­ტრის ბრძანებით.

6. დეპარტამენტის გამომძიებლად ინიშნებიან საქართველოს მოქალაქეები, რომელთაც აქვთ უმაღლე­სი იურიდიული განათლება.

თავი V

დასკვნითი დებულებები

    მუხლი 13.

1. დეპარტამენტის რეორგანიზაცია ან მისი საქმია­ნობის შეწყვეტა ხდება საქართველოს კანონმდებ­ლობით დადგენილი წესით.

2. წინამდებარე დებულებაში ცვლილებების შეტანა ხდება საქართველოს შინაგან საქმეთა მინისტრის ბრძანებით.