„დამატებული ღირებულების გადასახადის გამოანგარიშებისა და გადახდის წესის შესახებ“ ინსტრუქციის თაობაზე

                                                                                                                                     სახელმწიფო სარეგისტრაციო კოდი

                                                                                                                                                                           090.012.003.101

საქართველოს ფინანსთა მინისტრის

ბრძანება №242

1997 წლის 16 ოქტომბერი

ქ. თბილისი

„დამატებული ღირებულების გადასახადის გამოანგარიშებისა და გადახდის წესის შესახებ“ ინსტრუქციის თაობაზე

საქართველოს საგადასახადო კოდექსის 227-ე მუხლის შესაბამისად, ვბრძანებ:

1. დამტკიცდეს ინსტრუქცია „დამატებული ღირებულების გადასახადის გამოანგარიშებისა და გადახდის წესის შესახებ“.

2. ამ ინსტრუქციის შესაბამისად გადასახადის გაანგარიშება განხორციელდეს 1997 წლის 1 სექტემბრიდან განხორციელებული მიწოდების მიხედვით.

3. 1997 წლის 1 სექტემბრამდე განხორციელებული მიწოდების მიხედვით შენარჩუნებულ იქნეს დამატებული ღირებულების გადასახადის გაანგარიშების და გადახდის მოქმედი წესი, „დამატებული ღირებულების გადასახადის გამოანგარიშებისა და გადახდის წესის შესახებ“ საქართველოს სახელმწიფო საგადასახადო სამსახურის 1994 წლის 31 იანვრის №2 ინსტრუქციის შესაბამისად.

მ. ჭკუასელი

ი ნ ს ტ რ უ ქ ც ი ა

დამატებული ღირებულების გადასახადის გამოანგარიშებისა და გადახდის წესის შესახებ

მოცემული ინსტრუქცია შემუშავებულია „საგადასახადო კოდექსის XIV კარის 227-ე მუხლის შესაბამისად და განსაზღვრავს დღგ-ს გამოანგარიშებისა და გადახდის წესს

    მუხლი 1. დამატებული ღირებულების გადასახადის ცნება

დამატებული ღირებულების გადასახადი (შემდგომში – დღგ) როგორც არაპირდაპირი გადასახადი არის საქართველოს ტერიტორიაზე საქონლის, სამუშაოს, მომსახურების წარმოებისა და მიმოქცევის პროცესში შექმნილი ღირებულების ნაწილის, აგრეთვე საქართველოს ტერიტორიაზე შემოტანილი ყველა დასაბეგრი საქონლის ღირებულების ნაწილის ბიუჯეტში სავალდებულო შენატანი. დღგ დგინდება მიწოდებული საქონლის (სამუშაოს, მომსახურების) ფასზე დანამატის სახით და იხდის მომხმარებელი დღგ-ით გაზრდილი ფასით საქონლის (სამუშაოს, მომსახურების) შეძენისას. დღგ ექვემდებარება გადახდას საქონლის მიწოდების,სამუშაოს შესრულებისა და მომსახურების გაწევის ყველა სტადიაზე. დასაბეგრ ბრუნვაზე ბიუჯეტში გადასახდელი დღგ-ის თანხა განისაზღვრება როგორც სხვაობა ამ ბრუნვაზე დარიცხულ გადასახადის თანხასა და ამ ინსტრუქციის შესაბამისად წარდგენილი საგადასახადო ანგარიშ-ფაქტურებით ჩასათვლელ თანხას შორის. დღგ-ს ბიუჯეტში შეტანის ვალდებულება ეკისრება საქონლის (სამუშაოს, მომსახურების) მიმწოდებელს.

    მუხლი 2. ინსტრუქციაში გამოყენებული ტერმინები

ამ ინსტრუქციის მიზნებისათვის გამოყენებულ ტერმინებს აქვთ შემდეგი მნიშვნელობები:

1. დასაბეგრი ბრუნვა – დასაბეგრი ოპერაციების ერთობლიობა მე-6 და მე-7 მუხლების მიხედვით.

2. ეკონომიკური საქმიანობა – ნებისმიერი მართლზომიერი საქმიანობა, რომელიც წარიმართება მოგების, შემოსავლის ან კომპენსაციის მისაღებად,მიუხედავად ასეთი საქმიანობის შედეგებისა.

ეკონომიკურ საქმიანობას არ განეკუთვნება:

ა. სახელმწიფო ხელისუფლების, აგრეთვე ადგილობრივი თვითმმართველობის ორგანოების საქმიანობა, რომელიც უშუალოდ არის დაკავშირებული მათთვის კანონმდებლობით მინიჭებული ფუნქციის შესრულებასთან, გარდა იმ შემთხვევებისა, როცა საქმე ეხება ხელშეკრულების საფუძველზე ფასიანი მომსახურების გაწევასა და სხვა სამეწარმეო საქმიანობას;

ბ. საქველმოქმედო საქმიანობა;

გ. რელიგიური საქმიანობა.

3. პირი – ფიზიკური ან იურიდიული პირი საქართველოს სამოქალაქო კოდექსის მიხედვით.

4. რეზიდენტი – ფიზიკური პირი-რეზიდენტი, საქართველოს საწარმო, საქართველოს ორგანიზაცია, აგრეთვე ინდივიდუალური საწარმო, რომლის მართვის ან საქმიანობის ადგილი საქართველოშია.

5. არარეზიდენტი – პირი, რომელიც არ არის რეზიდენტი.

6. საქონელი – მატერიალური ან არამატერიალური ქონება, მათ შორის ელექტროან თბოენერგია, გაზი და წყალი, გარდა ფულისა და მიწისა.

7. საქონლის მიწოდება – საქონელზე საკუთრების უფლების გადაცემა, რეალიზაციის, გაცვლის, უსასყიდლოდ გადაცემის, ხელფასის ნატურალური ფორმით ანაზღაურების ჩათვლით, ყველა სხვა სახის გადახდა ნატურით, აგრეთვე დაგირავებული საქონლის გადაცემა გირაოს მიმღების საკუთრებაში.

8. სამუშაო – გეოლოგიურ-საძიებო, სამშენებლო-სამონტაჟო,სარემონტო, სამეცნიერო-კვლევითი ან საცდელ-საკონსტრუქტორო სამუშაოები.

9. სამუშაოს შესრულება – სამუშაოს შესრულება კომპენსაციის მიღების მიზნით.

10. მომსახურების გაწევა – კომპენსაციის მიზნით გაწეული ნებისმიერი ეკონომიკური საქმიანობა, რომელიც არ წარმოადგენს საქონლის მიწოდებას ან სამუშაოს შესრულებას; აგრეთვე ისეთი მომსახურება, რომელიც არ გულისხმობს ფულზე ან მიწაზე საკუთრების გადაცემას ან დამქირავებლისათვის (სამუშაოს მიმცემისათვის) დაქირავებული პირის მიერ მომსახურების გაწევას.

მომსახურებაში შედის:

ა. სატრანსპორტო და საექსპედიტორო მომსაურება, მათ შორის გაზის, ნავთობის, ნავთობპროდუქტების, ელქტრო- და თბოენერგიის ტრანსპორტირება;

ბ. მოძრავი და უძრავი ქონების იჯარით გადაცემა;

გ. კავშირგაბმულობის მომსახურება, საყოფაცხოვრებო და საბინაო-კომუნალური მომსახურება;

დ. ფიზიკური კულტურისა და სპორტის მომსახურება;

ე. სარეკლამო მომსახურება;

ვ. საინოვაციო მომსახურება,მონაცემთა დამუშავებისა და საინფორმაციო უზრუნველყოფის მომსახურება;

ზ. საქონლის სარეალიზაციოდ მომზადების მომსახურება;

თ. საქონლისა თუ სხვა ქონების შენახვის ან/და დაცვის მომსახურება;

ი. სხვა მომსახურება.

11. ფინანსური მომსახურება:

ა. კრედიტების,საკრედიტო გარანტიებისა და ფულად-საკრედიტო ოპერაციებზე სხვა გარანტიების გაცემა ან გადაცემა, მათ შორის პირის მიერ გაცემული კრედიტებისა და საკრედიტო გარანტიების მართვა;

ბ. ოპერაციები, რომლებიც დაკავშირებულია კლიენტების დეპოზიტებისა და ანგარიშების მომსახურებასთან, ანგარიშსწორებებთან, ფულად გზავნილებებთან, სასეხო ვალდებულებებსა და საგადამხდელო ინსტრუმენტებთან;

გ. გადახდის კანონიერი საშუალებების – ვალუტის, ფულის, ბანკნოტების (გარდა ნუმიზმატიკური მიზნით გამოყენებულისა) მიმოქცევასთან დაკავშირებული ოპერაციები;

დ. აქციების, ობლიგაციების, სერტიფიკატების, თამასუქების, ჩეკებისა და სხვა ფასიანი ქაღალდების მიმოქცევასთან დაკავშირებული ოპერაციები (გარდა მათი შენახვის მომსახურებისა);

ე. წარმოებულ ფინანსურ ინსტრუმენტებთან, ფორვარდულ შეთანხმებებთან, ოფციონებსა და მსგავს ოპერაციებთან დაკავშირებული მომსახურება;

ვ. საინვესტიციო ფონდების მართვასთან დაკავშირებული მომსახურება;

ზ. დაზღვევისა და გადაზღვევის ოპერაციები.

12. საქონლის ექსპორტი, საქონლის რეექსპორტი, საქონლის იმპორტი, საქონლის რეიმპორტი, საქართველოს საბაჟო ტერიტორია, საქონლის ტრანზიტი, საქონლის დროებით შემოტანა – საქართველოს საბაჟო კანონმდებლობის მიხედვით.

13. ფილიალები და სხვა განცალკევებული ქვედანაყოფები – საწარმოს სტრუქტურული ქვედანაყოფები, რომელთაც აქვთ ცალკე ბალანსი და საანგარიშსწორებო ან სხვა ანგარიში.

14. მუდმივი დაწესებულება – უცხოელი ფიზიკური პირის ან უცხოური საწარმოს მუდმივ დაწესებულებად საქართველოში ითვლება გადასახადის გადამხდელის დაწესებულება, რომლის მეშვეობითაც ის მთლიანად ან ნაწილობრივ ახორციელებს სამეწარმეო საქმიანობას, რწმუნებული პირის საქმიანობის ჩათვლით, გარდა ამ პუნქტის 'ა-ე' ქვეპუნქტებით გათვალისწინებული შემთხვევებისა.

მუდმივ დაწესებულებას უთანაბრდება: სამშენებლო მოედანი, სამონტაჟო ან საამწყობო ობიექტი, აგრეთვე ასეთ ობიექტებთან დაკავშირებული საკონტროლო საქმიანობის განხორციელება; დანადგარი ან კონსტრუქცია, საბურღი დანადგარი ან ხომალდი, რომლებიც გამოიყენება ბუნებრივი რესურსების დასაზვერად, აგრეთვე მათთან დაკავშირებული საკონტროლო საქმიანობის განხორციელება; მუდმივი ბაზა, სადაც არარეზიდენტი ფიზიკური პირი ეწევა სამეწარმეო საქმიანობას.

უცხოური საწარმოს მუდმივ დაწესებულებად საქართველოში არ ითვლება საქართველოში არსებული დაწესებულება, რომელიც გამოიყენება (მიუხედავად იმისა, თუ ვინ იყენებს მას) მხოლოდ:

ა. ამ უცხოური საწარმოს კუთვნილი საქონლის ან ნაწარმის შესანახად;

ბ. ამ უცხოური საწარმოს კუთვნილი საქონლის ან ნაწარმის მარაგების შესანახად - სხვა პირის მიერ მხოლოდ მისი გადამუშავების მიზნით;

გ. ამ უცხოური საწარმოსათვის საქონლის ან ნაწარმის შესყიდვის ან ინფორმაციის შეგროვების მიზნით;

დ. ამ უცხოური საწარმოს ინტერესებიდან გამომდინარე, სხვა მოსამზადებელი ან დამხმარე ხასიათის საქმიანობის გასაწევად;

ე. ამ პუნქტის „ა“–„დ“ პუნქტებში მითითებულ საქმიანობათა სახეობების ნებისმიერი კომბინაციის განსახორციელებლად.

15. საბაზრო ფასი – თავისუფალი საბაზრო ფასი, რომელიც ყალიბდება ბაზარზე იდენტური (ხოლო მისი არარსებობის შემთხვევაში – მსგავსი) საქონლის (სამუშაოს, მომსახურების) მოთხოვნისა და მიწოდების ურთიერთქმედებისას და საქონლის (სამუშაოს,მომსახურების) შესაბამის ბაზარზე იმ პირებს შორის დადებული გარიგების საფუძველზე, რომლებიც საგადასახადო კოდექსის 24 - ე მუხლის მიხედვით არ წარმოადგენენ ურთიერთდამოკიდებულ პირებს.

საქონლის (სამუშაოს, მომსახურების) საბაზრო ფასი განისაზღვრება ამ საქონლის (სამუშაოს, მომსახურების) რეალიზაციის მომენტისათვის იდენტურ (ერთგვაროვან) საქონელზე (სამუშაოზე,მომსახურებაზე) დადებულ შესაბამის გარიგებათა შესახებ ინფორმაციის საფუძველზე.

საქონლის (სამუშაოს, მომსახურების) საბაზრო ფასის განსაზღვრისას ურთიერთდამოკიდებულ პირებს შორის გარიგებები მხედველობაში მიიღება მხოლოდ იმ პირობით, თუ მათი ურთიერთდამოკიდებულება გავლენას ვერ მოახდენს გარიგებათა შედეგებზე. საქონლის (სამუშაოს, მომსახურების) ბაზრად ითვლება ამ საქონლის (სამუშაოს, მომსახურების) მიმოქცევის სფერო, რომელიც განისაზღვრება გამყიდველის (მყიდველის) შესაძლებლობის გათვალისწინებით, რეალურად და მნიშვნელოვანი დანახარჯის გარეშე გაყიდოს (შეიძინოს) საქონელი (სამუშაო, მომსახურება) მყიდველთან (გამყიდველთან) მიმართებით უახლოეს ტერიტორიაზე საქართველოში ან მის ფარგლებს გარეთ.

თუ საქონლის (სამუშაოს, მომსახურების) შესაბამის ბაზარზე იდენტურ (ერთგვაროვან) საქონელზე (სამუშაოზე, მომსახურებაზე) დადებული გარიგება ან ამ ბაზარზე ასეთი საქონლის (სამუშაოს, მომსახურების) მიწოდება არ არსებობს, საბაზრო ფასი განისაზღვრება იმ ფასებით, რომლებიც ჩამოყალიბებულია იდენტურ საქონელზე (სამუშაოზე, მომსახურებაზე) შესაბამისი გარიგებით საქონლის (სამუშაოს, მომსახურების) რეალიზაციის მომენტისათვის უახლოეს დღეს, რომელიც უშუალოდ წინ უსწრებს ან მოჰყვება ასეთი საქონლის (სამუშაოს, მომსახურების) რეალიზაციის მომენტს არა უმეტეს 30 დღით. თუ ამ დებულების გამოყენება შეუძლებელია,მაშინ საქონლის (სამუშაოს, მომსახურების) საბაზრო ფასი განისაზღვრება ეკონომიკის სამინისტროს მიერ ფინანსთა სამინისტროსთან შეთანხმებით დადგენილი წესით. ამასთან, მხედველობაში მიიღება მსგავს შემთხვევებში ჩვეულებრივი ხარჯები საქონლის (სამუშაოს, მომსახურების) წარმოებასა ან/და რეალიზაციაზე (შეძენის ფასი და ნარჩენი ღირებულება), მსგავს შემთხვევებში ტრანსპორტირების, შენახვის, დაზღვევის ჩვეულებრივი და სხვა მსგავსი ხარჯები, აგრეთვე არაურთიერდამოკიდებულ პირებს შორის გარიგებისას ჩვეულებრივი წანამატები ფასზე ან ფასდათმობები, რომლებიც ითვალისწინებს მოთხოვნისა და მიწოდების ფაქტორებს საქონლის (სამუშაოს, მომსახურების) ბაზარზე. აღნიშნული ფასდათმობები მხედველობაში მიიღება, კერძოდ, საქონლის ხარისხის ან სხვა სამომხმარებლო თვისებების დაკარგვისას, საქონლის ვარგისიანობის ან რეალიზაციის ვადის გასვლისას (გასვლის თარიღის მოახლოებისას).

საქონლის (სამუშაოს, მომსახურების) გაცვლის ოპერაციები (ბარტერული ოპერაციები) განიხილება როგორც გარიგებები, რომელთა მიხედვითაც გამცვლელ მხარეთაგან თითოეული ახდენს თავისი საქონლის (სამუშაოს,მომსახურების) რეალიზაციას და იძენს სხვა საქონელს (სამუშაოს, მომსახურებას). ამასთან, ასეთი ოპერაციის დროს რეალიზებული (შეძენილი) საქონლის (სამუშაოს, მომსახურების) საბაზრო ფასი განისაზღვრება ამ ქვეპუნქტის მიხედვით.

გადასახადის გადამხდელს უფლება აქვს წარუდგინოს საგადასახადო ორგანოს მტკიცებები, ხოლო საგადასახადო ორგანო საკმარისი საფუძვლის არსებობისას ეთანხმება წარმოდგენილ მტკიცებებს, რომ სათანადო გარიგების მიმართ საქონლის (სამუშაოს, მომსახურების) ფასის განსაზღვრისას და აღიარებისას გამოყენებულ იქნეს ამ ქვეპუნქტში მითითებული წესისაგან განსხვავებული წესი.

საქონლის (სამუშაოს, მომსახურების) საბაზრო ფასის განსაზღვრისას და აღიარებისას გამოიყენება ინფორმაციის ოფიციალური წყაროები საქონლის (სამუშაოს, მომსახურების) საბაზრო ფასებისა და საბირჟო კოტირებების შესახებ, აღმასრულებელი ხელისუფლების შესაბამისი ორგანოების საინფორმაციო ბაზა, საგადასახადო ორგანოებისათვის გადასახადის გადამხდელთა მიერ მიწოდებული ინფორმაცია, აგრეთვე სხვა სარწმუნო ინფორმაცია.

16. ქონების ადგილმდებარეობა – ადგილი, სადაც მოცემული ქონება ფაქტობრივად იმყოფება ან რეგისტრირებულია კანონმდებლობით დადგენილი წესით.

17. საერთაშირო გადაზიდვები – ნებისმიერი სახის სატრანსპორტო საშუალებებით ტვირთის გადაზიდვა, რაზეც გამოწერილია ერთიანი სატრანსპორტო დოკუმენტი გაგზავნის, დანიშნულების და სატრანზიტო ქვეყნების საბაჟო ტერიტორიაზე, ერთი ან რამდენიმე საზღვრის გადაკვეთით, ერთი ქვეყნის ნებისმიერი გაგზავნის საბაჟოდან მეორე ქვეყნის დანიშნულების საბაჟომდე ამავე და სხვა ქვეყნების ერთი ან რამდენიმე შუალედური საბაჟოს გავლით.

    მუხლი 3. გადასახადის გადამხდელები

1. დამატებული ღირებულების გადასახადის გადამხდელია პირი, რომელიც რეგისტრირებულია დამატებული ღირებულების გადასახადის გადამხდელად ან ვალდებულია გატარდეს რეგისტრაციაში.

2. რეგისტრირებული პირი გადასახადის გადამხდელად ითვლება რეგისტრაციის ძალაში შესვლის მომენტიდან.

3. პირი, რომელიც არ არის რეგისტრირებული, მაგრამ ვალდებულია გატარდეს რეგისტრაციაში,გადასახადის გადამხდელად ითვლება რეგისტრაციაში გატარების ვალდებულების წარმოშობის პერიოდის მომდევნო საანგარიშო პერიოდის დასაწყისიდან, მიუხედავად იმისა, რომ მას არ აქვს საგადასახადო ანგარიშ-ფაქტურის გამოწერის უფლება.

4. პირი, რომელიც ახორციელებს საქონლის დასაბეგრ იმპორტს საქართველოში, ითვლება დამატებული ღირებულების გადასახადის გადამხდელად ამგვარ იმპორტზე.

5. იურიდიული პირის ფილიალები,განყოფილებები და სხვა ქვედანაყოფები, რომელთაც აქვთ ცალკე ბალანსი და საანგარიშსწორებო ან სხვა ანგარიში, განიხილებიან როგორც დამოუკიდებელი პირები და ვალდებულნი არიან გატარდნენ რეგისტრაციაში დამატებული ღირებულების გადასახადის გადამხდელად, თუ მათი საერთო დასაბეგრი ბრუნვა აღემატება სავალდებულო რეგისტრაციისათვის მე-4 მუხლით განსაზღვრულ თანხას.

6. არარეზიდენტი პირი, რომელიც დამატებული ღირებულების გადასახადის გადამხდელად რეგისტრაციის გარეშე ეწევა მომსახურებას, ან ასრულებს სამუშაოებს, ითვლება გადასახადის გადამხდელად ამგვარ სამუშაოებსა და მომსახურებაზე და ექვემდებარება უკუდაბეგვრას საგადასახადო კოდექსის 108-ე და ამ ინსტრუქციის მე-12 მუხლების შესაბამისად.

    მუხლი 4. დამატებული ღირებულების გადასახადის გადამხდელად რეგისტრაციისათვის ვალდებულების წარმოშობისა და რეგისტრაციის ძალაში შესვლა

1. პირი, რომელიც ეწევა ეკონომიკურ საქმიანობას და ნებისმიერი უწყვეტი 12 კალენდარული თვის განმავლობაში ახორციელებს დღგ -ით დასაბეგრ ოპერაციებს, რომელთა საერთო თანხა აღემატება 3000 ლარს, ვალდებულია ამ მომენტის დადგომიდან მომდევნო თვის არა უგვიანეს 10 რიცხვისა საგადასახადო ორგანოში წარადგინოს განცხადება დამატებული ღირებულების გადასახადის გადამხდელად რეგისტრირებისათვის.

დღგ-ის გადამხდელთა რეგისტრაციის ან რეგისტრაციიდან მოხსნის მიზნით თორმეტთვიან პერიოდად ითვლება ყოველი თვის პირველი რიცხვიდან წინა განვლილი 12-თვიანი პერიოდი.

რეგისტრაცია ძალაში შედის რეგისტრაციისათვის მიმართვის ვალდებულების წარმოშობის საანგარიშო პერიოდის მომდევნო თვის პირველი რიცხვიდან.

მაგალითი 1:

პირმა ეკონომიკური საქმიანობა დაიწყო 1996 წლის სექტემბერში და 1997 წ. ოქტომბრამდე განახორციელა შემდეგი დასაბეგრი ოპერაციები

სექტემბერი ოქტომბერი ნოემბერი დეკემბერი

1996 წ.

190 ლარი 230 ლარი 190 ლარი 300 ლარი

1997 წ.

200 ლარი 350 ლარი 350 ლარი 350 ლარი 250 ლარი 350 ლარი 200 ლარი 200 ლარი 350 ლარი 280 ლარი

 

  დასაბეგრი ოპერაციების საერთო თანხის მინიმალური ზღვარი – 3000 ლარის გადაჭარბება ხდება 1997 წ.აგვისტოს თვეში ანუ თორმეტთვიანი პერიოდი იქნება 1996წ. 1 სექტემბრიდან 1997 წ. 1 სექტემბრამდე პერიოდი. ასეთ შემთხვევაში პირი ვალდებულია 1997წ.10 სექტემბრამდე შეიტანოს განცხადება მისი დღგ-ს გადამხდელად რეგისტრაციისათვის, ხოლო 1997 წ. 1 ოქტომბრიდან ეს პირი ითვლება გადასახადის გადამხდელად.

2.თუ დასაბეგრი ოპერაციების საერთო თანხამ 3000ლარს გადააჭარბა თორმეტთვიან პერიოდზე ნაკლებ პერიოდში, მაშინ პირი ვალდებულია გატარდეს რეგისტრაციაში ამ მომენტის დადგომიდან მომდევნო თვის 10 რიცხვამდე.

მაგალითი 2:

პირმა ეკონომიკური საქმიანობა დაიწყო 1997 წ. მაისში და აგვისტომდე (ჩათვლით) პერიოდში მისმა დასაბეგრმა ოპერაციებმა შეადგინა 3300 ლარი, მაშინ იგი ვალდებულია არაუგვიანეს 10 სექტემბრისა შეიტანოს განცხადება მისი დამატებული ღირებულების გადასახადის გადამხდელად რეგისტრაციისათვის, რადგან ფაქტობრივი დასაბეგრი ოპერაციების თანხამ გადააჭარბა 3000 ლარს. 1997 წ 1 ოქტომბრიდან ეს პირი ჩაითვლება დამატებული ღირებულების გადასახადის გადამხდელად.

3. თუ მიმდინარე საანგარიშო პერიოდისათვის დღგ-ით დასაბეგრი ბრუნვის მოსალოდნელი თანხა აღემატება 3000 ლარს, მაშინ დღგ-ს გადამხდელად სავალდებულო რეგისტრაცია წარმოებს საგადასახადო ორგანოებში ამ პირის სხვა გადასახადების გადამხდელად რეგისტრაციაში გატარებასთან ერთად.

ასეთ შემთხვევაში რეგისტრაცია ძალაში შედის რეგისტრაციაში გატარების თვის მომდევნო თვის პირველი რიცხვიდან.

4. თუ პირი ვალდებულია გატარდეს რეგისტრაციაში დღგ-ს გადამხდელად, მაგრამ არ აქვს შეტანილი განცხადება რეგისტრაციისათვის, მაშინ საგადასახადო ორგანო ახდენს ამ პირის რეგისტრაციას დღგ-ს გადამხდელად და გადასცემს მას შესაბამის სერტიფიკატს. ამ შემთხვევაში რეგისტრაცია ძალაში შედის რეგისტრაციისათვის მიმართვის ვალდებულებების წარმოშობის საანგარიშო პერიოდის მომდევნო თვის პირველი რიცხვიდან და პირი დღგ-ს გადამხდელად ითვლება აღნიშნული პერიოდიდან, მაგრამ მას საგადასახადო ანგარიშ-ფაქტურების გამოწერის უფლება აქვს მხოლოდ დღგ-ს გადამხდელად რეგისტრაციაში გატარების დღიდან, როცა მოხდება მასზე საგადასახადო ანგარიშ-ფაქტურების გაცემა.

მაგალითი 3. პირის მიერ 1997 წლის სექტემბრის ჩათვლით განხორციელებულმა დასაბეგრმა ოპერაციებმა შეადგინა 5000 ლარი. ამ შემთხვევაში ის ვალდებულია 10 ოქტომბრამდე საგადასახადო ინსპექციას მიმართოს განცხადებით დღგ-ს გადამხდელად სავალდებულო რეგისტრაციისათვის, მაგრამ განცხადებით მიმართვის გარეშე აგრძელებს ეკონომიკურ საქმიანობას. 1997 წლის 15 დეკემბერს საგადასახადო ინსპექციამ დაადგინა, რომ პირი დღგ-ს რეგისტრაციის გარეშე ეწევა საქმიანობას და თავისი ინიციატივით 1997 წლის 16 დეკემბერს მოახდინა მისი რეგისტრაცია დღგ-ს გადამხდელად, გასცა სერტიფიკატი და ანგარიშ-ფაქტურები. ამ შემთხვევაში პირი დღგ-ს გადამხდელად ითვლება რეგისტრაციისათვის მიმართვის ვალდებულების წარმოშობის (1997 წლის 10 ოქტომბერი) პერიოდის მომდევნო თვის პირველი რიცხვიდან,ანუ 1997 წლის 1 ნოემბრიდან, ხოლო საგადასახადო ანგარიშ-ფაქტურების გამოწერის უფლება პირს აქვს 1997 წლის 16 სექტემბრიდან, ანუ იმ პერიოდიდან, როცა პირზე საგადასახადო ინსპექციის მიერ გაცემული იქნა სერტიფიკატი და საგადასახადო ანგარიშ-ფაქტურები.

5. იმ შემთხვევაში, როცა გადასახადის გადამხდელს, რომელიც ვალდებულია გატარდეს რეგისტრაციაში გააჩნია ფილიალები, განყოფილებები და სხვა ქვედანაყოფები, რომლებიც განიხილებიან დამოუკიდებელ პირებად დღგ-ს მიზნებისათვის, მაშინ საგადასახადო ინსპექცია ახდენს ამ ფილიალების განყოფილების და სხვა ქვედანაყოფების რეგისტრაციას დღგ-ს გადამხდელებად, ამასთან, მათი სავალდებულო რეგისტრაციისათვის დასაბეგრი ოპერაციის თანხის განსაზღვრისას მხედველობაში მიიღება მათი საერთო დასაბეგრი ბრუნვა.

მაგალითი 4.

თუ საწარმოს გააჩია სამი ფილიალი, ერთი ფილიალის ბრუნვამ საანგარიშო პერიოდის განვლილ წინა 12 თვის მანძილზე შეადგინა 1500 ლარი, მეორე ფილიალმა – 700 ლარი, მესამემ – 1000 ლარი, ხოლო თვით საწარმოს ბრუნვამ 2500 ლარი. ამ შემთხვევაში საგადასახადო კოდექსის მოთხოვნათა შესაბამისად საწარმო ვალდებულია გატარდეს რეგისტრაციაში და მოახდინოს ფილიალების რეგისტრაციაც, რადგან ფილიალების საერთო დასაბეგრი ბრუნვა აღემატება 3000 ლარს.

6. დღგ-ის გადამხდელად არარეზიდენტის სავალდებულო რეგისტრაციის მიზნით დასაბეგრი ოპერაციების საერთო თანხის განსაზღვრისას მის მიერ განხორციელებული საქონლის მიწოდება, სამუშაოს შესრულება და მომსახურების გაწევა მხედველობაში მიიღება მხოლოდ იმ შემთხვევაში, თუ ისინი განხორციელებულია საქართველოში მუდმივი დაწესებულების მეშვეობით.

7. პირს, რომელიც არ არის ვალდებული გატარდეს რეგისტრაციაში, შეუძლია ნებაყოფლობით განცხადებით მიმართოს საგადასახადო ორგანოს დღგ-ის გადამხდელად რეგისტრაციისათვის. ასეთ შემთხვევაში პირი დამატებული ღირებულების გადასახადის გადამხდელად ითვლება რეგისტრაციისათვის მიმართვის პერიოდის მომდევნო თვის პირველი რიცხვიდან ან უფრო ადრეული თარიღიდან – გადასახადის გადამხდელის შეხედულებისამებრ.

    მუხლი 5. დამატებული ღირებულების გადასახადის გადამხდელად რეგისტრაცია და რეგისტრაციის გაუქმება

1. დღგ-ის გადამხდელად რეგისტრაციისათვის პირი ვალდებულია მიმართოს საგადასახადო ორგანოს ამ ინსტრუქციის №1 დანართით დადგენილი ფორმის განცხადებით, ხოლო ფილიალების რეგისტრაციისათვის №2 დანართით დადგენილი ფორმის განცხადებით.

2. საგადასახადო ორგანო ვალდებულია პირი გაატაროს დღგ-ის რეესტრში და მისცეს მას სარეგისტრაციო სერტიფიკატი განცხადების წარდგენიდან არა უგვიანეს მეორე დღისა, ინსტრუქციის N 3 დანართის მიხედვით. მასში მოცემულია გადამხდელის დასახელება, სახელი, გვარი და სხვა სათანადო მონაცემები, რეგისტრაციის ძალაში შესვლის თარიღი და გადამხდელის საიდენტიფიკაციო ნომერი. თუ აღნიშნულ ვადაში საგადასახადო ორგანომ პირი არ გაატარა რეგისტრაციაში ან არ მისცა მას წერილობით მოტივირებული უარი, საგადასახადო ორგანოს თანამშრომელი პასუხს აგებს კანონმდებლობით დადგენილი წესით.

3. ფილიალების სავალდებულო რეგისტრაციისათვის განცხადებას საწარმო თავისი ადგილმდებარეობის მიხედვით წარადგენს საგადასახადო ინსპექციაში, რომელიც საწარმოზე გასცემს ფილიალების რეგისტრაციის შესახებ სერტიფიკატს. საგადასახადო ინსპექცია, რომელიც რეგისტრაციაში ატარებს საწარმოსა და მის ფილიალებს, ამ ფილიალების რეგისტრაციის შესახებ აცნობებს მათი ადგილმდებარეობის მიხედვით შესაბამის საგადასახადო ინსპექციას სარეგისტრაციო სერტიფიკატის ნომრისა და რეგისტრაციის ძალაში შესვლის ვადის მითითებით, რომლის მიხედვითაც შესაბამის საგადასახადო ინსპექციას გადასახადის დამოუკიდებელ გადამხდელად აღრიცხვაზე აჰყავს ფილიალი.

4. საგადასახადო ორგანო ვალდებულია შეინახოს დღგ-ის რეესტრი ყველა მონაცემითურთ დღგ-ის გადამხდელებად რეგისტრირებულ პირთა შესახებ.

5. თუ პირი ვალდებულია გატარდეს რეგისტრაციაში დღგ-ის გადამხდელად, მაგრამ არა აქვს შეტანილი განცხადება რეგისტრაციისათვის, საგადასახადო ორგანო საკუთარი ინიციატივით ახდენს ამ პირის რეგისტრაციას გადასახადის გადამხდელად და გადასცემს მას შესაბამის სერტიფიკატს.

6. დღგ-ის გადამხდელად რეგისტრირებული პირი ვალდებულია გამოიყენოს გადასახადის გადამხდელის საიდენტიფიკაციო ნომერი ყველა ანგარიშ-ფაქტურაში და საგადასახადო ორგანოსათვის წარდგენილ ყველა დეკლარაციასა და ოფიციალურ შეტყობინებაში.

7. გადასახადის გადამხდელი ვალდებულია მიმართოს საგადასახადო ორგანოს დამატებული ღირებულების გადასახადის გადამხდელად რეგისტრაციის გაუქმების თაობაზე, თუ მან შეწყვიტა დასაბეგრი ოპერაციები და აღარ ახორციელებს საქონლის(სამუშაოს მომსახურების) მიწოდებას. ამასთან, დასაბეგრი ოპერაციების შეწყვეტას შეიძლება ადგილი ჰქონდეს იმ შემთხვევაში, თუ პირი საქონლის (სამუშაოს, მომსახურების) უკანასკნელი მიწოდების მომენტიდან ამ ინსტრუქციის მე-10 მუხლით განსაზღვრული დასაბეგრი ოპერაციის განხორციელების დროის გასვლის შემდეგ აღარ ახორციელებს დღგ-ით დასაბეგრ ბრუნვებს. ამ შემთხვევაში რეგისტრაციის გაუქმება ძალაში შედის დასაბეგრი ოპერაციების შეწყვეტის დღიდან.

8. გადასახადის გადამხდელს შეუძლია მიმართოს შესაბამის საგადასახადო ორგანოს დღგ-ის გადამხდელად რეგისტრაციის გაუქმების მოთხოვნით მისი დღგ-ის გადამხდელად უკანასკნელი რეგისტრაციის თარიღიდან ორი წლის გასვლის შემდეგ, თუ ბოლო 12 თვის განმავლობაში გადასახადის გადამხდელის დასაბეგრი ოპერაციები არ აღემატება 3000-ლარიან ლიმიტს. ასეთ შემთხვევაში რეგისტრაციის გაუქმება ძალაში შედის იმ დროიდან, როცა პირმა მიმართა საგადასახადო ორგანოს რეგისტრაციის გაუქმებისათვის.

მაგალითი 5:

პირმა ეკონომიკური საქმიანობა დაიწყო 1997 წლის სექტემბრიდან, დღგ-ს გადამხდელად რეგისტრაციაში გატარდა იმავე წლის 12 ოქტომბერს. გადამხდელად რეგისტრაციის გაუქმებისათვის მიმართვის უფლება მას აქვს მხოლოდ 1999 წლის 12 ოქტომბრიდან, ამასთან, იმ პირობით, თუ 1998 წლის ოქტომბრიდან - 1999 წ. ოქტომბრამდე პერიოდში დასაბეგრმა ოპერაციებმა არ გადააჭარბა დადგენილ მინიმუმს.

9. პირის დღგ-ს გადამხდელად რეგისტრაციის გაუქმებისას საგადასახადო ორგანო ვალდებულია დამატებული ღირებულების გადასახადის გადამხდელთა რეესტრიდან ამოიღოს პირის დასახელება, სახელი, გვარი და სხვა მონაცემები.

    მუხლი 6. დაბეგვრის ობიექტი

1. დამატებული ღირებულების გადასახადით დაბეგვრის ობიექტია დასაბეგრი ოპერაცია და დასაბეგრი იმპორტი.

2. დასაბეგრი ოპერაციებია პირის მიერ საქონლის (სამუშაოს, მომსახურების)მიწოდება, მათ შორის უსასყიდლოდ, თუ ისინი ითვლება განხორციელებულად საქართველოს ტერიტორიაზე ამ ინსტრუქციის მე-11 მუხლის მიხედვით.

დასაბეგრ ოპერაციად ითვლება აგრეთვე:

ა. დამატებული ღირებულების გადასახადის გადამხდელის მიერ დღგ-ით შეძენილი საქონლის (სამუშაოს, მომსახურების შედეგების) გამოყენება არაეკონომიკური საქმიანობისათვის, თუ ამ საქონელზე (სამუშაოზე, მომსახურებაზე) მიიღო ან უფლება აქვს მიიღოს საგადასახადო ჩათვლა;

ბ. გადამხდელის მიერ საქონლის მიწოდება, სამუშაოს შესრულება ან მომსახურების გაწევა თავისი თანამშრომლებისათვის საფასურით ან მის გარეშე;

გ.დღგ-ის გადამხდელად რეგისტრაციის გაუქმების (მათ შორის საწარმოს ლიკვიდაციის ან რეორგანიზაციისას სხვა საწარმოსთან შერწყმის ან შეერთების შემთხვევაში) ძალაში შესვლის დღისათვის გადასახადის გადამხდელთან არსებული საქონლის ნაშთები. ამასთან, საქონლის ნაშთებში შეიტანება გადამხდელის მიერ მიწოდებლი საქონლის (სამუშაოს, მომსახურების) გაუნაღდებელი ნაშთები, რომელთა მიხედვით დასაბეგრი ოპერაციის დრო არ დამდგარა.

დ. საქონლის გადაცემა,მომსახურების გაწევა ან სამუშაოს შესრულება იურიდიული პირის ფილიალებს ან სხვა სტრუქტურულ ქვედანაყოფებს შორის, რომლებიც ითვლებიან ცალკე გადასახადის გადამხდელებად.

ე. დასაბრუნებელი ტარის ღირებულება დასაბეგრ თანხაში შეიტანება მხოლოდ საცალო ვაჭრობაში, ამასთან, დასაბეგრი ბრუნვა მცირდება იმ თანხით, რომელსაც გამყიდველი უხდის მომხმარებელს ტარის დაბრუნების დროს.

3. დასაბეგრ ოპერაციას არ წარმოადგენს:

- გადასახადისაგან გათავისუფლებლი საქონლის (სამუშაოს, მომსახურების) მიწოდება;

- საქართველოს ფარგლებს გარეთ მომსახურების გაწევა ან სამუშაოს შესრულება ამ ინსტრუქციის მე-11 მუხლის შესაბამისად.

- საქონლის მიწოდება იმ პირის მიერ, რომელმაც ეს საქონელი შეიძინა დამატებული ღირებულების გადასახადით დასაბეგრი ოპერაციის შედეგად, მაგრამ არ ჰქონდა დამატებული ღირებულების გადასახადის ჩათვლის უფლება ამ ინსტრუქციის მე-16 მუხლის შესაბამისად. თუ საქონლის შეძენისას ჩათვლა განხორციელდა ნაწილობრივ, დასაბეგრი თანხა მცირდება ჩაუთვლელი თანხის პროპორციულად.

- გადასახადის გადამხდელის მიერ საწარმოს, ან მისი დამოუკიდებლად ფუნქციონირებადი ნაწილის მიწოდება მეორე გადამხდელისათვის და თუ მიმწოდებელი და მიმღები მხარეები მიწოდების მომენტიდან 10 დღის განმავლობაში წერილობით ატყობინებენ საგადასახადო ორგანოს ასეთი მიწოდების შესახებ. მიწოდებულ საწარმოსთან ან საწარმოს ნაწილებთან დაკავშიროებით მიმღები თავის თავზე იღებს საგადასახადო კოდექსის მე-3 კარით გათვალისწინებულ უფლებებსა და მოვალეობებს.

4.დასაბეგრ იმპორტად ითვლება საქონლის იმპორტი, გარდა იმ საქონლის იმპორტისა, რომელიც გათავისუფლებულია გადასახადისაგან.

    მუხლი 7. დასაბეგრი ოპერაციისა და დასაბეგრი იმპორტის თანხის განსაზღვრა და მისი კორექტირება

1. დასაბეგრი ოპერაციის თანხა განისაზღვრება დღგ-ის გადამხდელის მიერ მიმღებისაგან ან ნებისმიერ სხვა პირისაგან მიღებული ან მისაღები კომპენსაციის თანხის მიხედვით (გადასახადების,მოსაკრებლებისა და სხვა გადასახდელების ჩათვლით) დღგ-ის გარეშე.

2. თუ დღგ-ის გადამხდელი დასაბეგრი ოპერაციის სანაცვლოდ იღებს ან უფლება აქვს მიიღოს საქონელი,სამუშაო ან მომსახურება, დასაბეგრი ოპერაციის თანხა განისაზღვრება ამ საქონლის, სამუშაოს ან მომსახურების საბაზრო ფასით (გადასახადების, მოსაკრებლებისა და სხვა გადასახდელების ჩათვლით) დღგ-ის გარეშე.

3. თუ გადასახადის გადამხდელი დასაბეგრი ოპერაციის სანაცვლოდ არ იღებს ან არა აქვს უფლება მიიღოს საქონელი,სამუშაო, მომსახურება ან კომპენსაციის თანხა (რეგისტრაციის გაუქმებისას მასთან არსებული საქონლის ნაშთების ჩათვლით), მაშინ დასაბეგრი ოპერაციის თანხა განისაზღვრება მიწოდებული საქონლის, შესრულებული სამუშაოსა და გაწეული მომსახურების საბაზრო ფასით (გადასახადების, მოსაკრებლებისა და სხვა გადასახდელების ჩათვლით) დღგ-ის გარეშე.

მაგალითი 6:

რეგისტრაციის გაუქმების მომენტისათვის გადასახადის გადამხდელთან არსებული საქონლის ნაშთმა საბაზრო ფასით შეადგინა 100 ათ. ლარი, რომელზეც გადახდილი დღგ ადრე ჩაითვალა. საგადასახადო კოდექსის 96-ე მუხლის შესაბამისად რეგისტრაციის გაუქმებისას მასთან არსებული საქონლის ნაშთები განიხილება როგორც დასაბეგრი მიწოდება, რისთვისაც გადამხდელი არაფერს არ იღებს. ამ შემთხვევაში რეგისტრაციის გაუქმების მომენტისათვის დასაბეგრი ოპერაციის თანხა შეადგენს 100 ათ. ლარს.

მაგალითი 7:

გადასახადის გადამხდელია ბანკი,მისი გადასახადისაგან განთავისუფლებული ოპერაციების თანხა შეადგენს 90 ათ. ლარს, ხოლო დასაბეგრი 10 ათ. ლარს. ე.ი.გადასახადით იბეგრება მისი ოპერაციების თანხის 10% შესაბამისად ჩასათვლელი თანხაც შეადგენს შეძენილ საქონელზე (სამუშაოზე, მომსახურებაზე) გადახდილი დამატებული ღირებულების გადასახადის თანხის 10%-ს. 1997 წ. სექტემბრის თვეში ბანკმა შეწყვიტა დასაბეგრი ოპერაციები და შეაქვს განცხადება საგადასახადო ორგანოში მისი დღგ-ს გადამხდელად რეგისტრაციის გაუქმების შესახებ, რეგისტრაცია გაუქმებულად ითვლება 1997 წ. ოქტომბრიდან სექტემბრის ბოლოსათვის, საქონლის არსებული ნაშთები საბაზრო ფასით შეადგენს 10000 ათ. ლარს, საიდანაც დღგ-ს ჩასათვლელი თანხა უნდა გამოანგარიშდეს 1000 ათ. ლარზე (ე.ი. ნაშთების საერთო ღირებულების 10%-ზე). ამის შესაბამისად სექტემბრის ბოლოსათვის გადამხდელის დასაბეგრი ოპერაციის თანხა შეადგენს 1000 ათ. ლარს.

4. თუ დამატებლი ღირებულების გადასახადის გადამხდელმა შეიძინა საქონელი(სამუშაო, მომსახურება) დამატებული ღირებულების გადასახადით და მიიღო (ან უფლება აქვს მიიღოს) შესაბამისი ჩათვლა, არაეკონომიკური საქმიანობისათვის ამ საქონლის (სამუშაოს, მომსახურების შედეგების) გამოყენებისას დასაბეგრი ოპერაციის თანხა განისაზღვრება ამ საქონლის (სამუშაოს, მომსახურების) საბაზრო ფასით(გადასახადების,მოსაკრებლებისა და სხვა გადასახდელების ჩათვლით) დამატებული ღირებულების გადასახადის გარეშე. ასევე, განისაზღვრება დასაბეგრი თანხა გადამხდელის მიერ თავისი თანამშრომლებისათვის საფასურით ან მის გარეშე საქონლის მიწოდების, სამუშაოს შესრულებისა და მომსახურების გაწევისას.

5. დასაბრუნებელი ტარის ღირებულება არ შეიტანება გადასახადით დასაბეგრ თანხაში, გარდა საცალო ვაჭრობისა, სადაც დასაბეგრი ბრუნვა მცირდება იმ თანხით, რომელსაც გამყიდველი უხდის მომხმარებელს ტარის დაბრუნების დროს. ამასთან, ტარის მწარმოებელი საწარმოების მიერ წარმოებული ტარის მიწოდება, აგრეთვე მიწოდების მიზნით შეძენილი ტარის ღირებულება შეიტანება გადასახადებით დასაბეგრ თანხაში და იბეგრება დღგ-ით.

6. ზემოაღნიშნული წესის შესაბამისად განსაზღვრული დასაბეგრი ოპერაციის თანხის კორექტირება ხდება იმ შემთხვევაში, თუ:

ა) გაუქმდა დასაბეგრი ოპერაცია;

ბ) შეიცვალა დასაბეგრი ოპერაციის სახე;

გ) ფასების შემცირების ან სხვა მიზეზით შეიცვალა ოპერაციაზე ადრე შეთანხმებული კომპენსაციის თანხა;

დ) საქონელი (სამუშაო,მომსახურება) (საცალო ვაჭრობაში დასაბრუნებელი ტარის ჩათვლით) სრულად ან ნაწილობრივ უბრუნდება დღგ-ს გადამხდელს

და ამ შემთხვევებთან დაკავშირებით გადამხდელმა:

– წარადგინა დამატებული ღირებულების გადასახადის ანგარიშ-ფაქტურა, რომელშიც დამატებული ღირებულების გადასახადის თანხა აღნიშნულია არასწორად;

– დამატებული ღირებულების გადასახადის დეკლარაციაში არასწორად აღინიშნა დამატებული ღირებულების გადასახადის თანხა.

7. დასაბეგრი იმპორტის თანხა ტოლია საქართველოს საბაჟო კანონმდებლობით განსაზღვრული საქონლის საბაჟო ღირებულებისა და საქართველოში საქონლის იმპორტისას გადასახდელი გადასახადელებისა და მოსაკრებლების თანხების ჯამისა, დამატებული ღირებულების გადასახადის ჩაუთვლელად.

საქონლის საბაჟო ღირებულება განისაზღვრება საქართველოს საბაჟო კანონმდებლობის შესაბამისად.

მომსახურების ღირებულება, რომელსაც ამ ინსტრუქციის მე-13(2) მუხლის მიხედვით დამხმარე ხასითი აქვს საქონლის იმპორტის მიმართ,განიხილება როგორც საქონლის იმპორტის ნაწილი და შეიტანება დასაბეგრი იმპორტის თანხაში დღგ-ის გარეშე.

    მუხლი 8. საგადასახადო შეღავათები

1. დღგ-ისაგან განთავისუფლებულია შემდეგი საქონლის მიწოდება, სამუშაოების შესრულება ან მომსახურების გაწევა, აგრეთვე იმპორტის შემდეგი სახეები:

ა) ფინანსური მომსახურების გაწევა;

ბ) ეროვნული და უცხოური ვალუტისა (გარდა ნუმიზმატიკური მიზნებით გამოსაყენებლად გათვალისწინებულისა) და ფასიანი ქაღალდების მიწოდება ან/და იმპორტი;

გ) საქართველოს ეროვნული ბანკისათვის გადასაცემი ოქროს იმპორტი;

დ) საფოსტო მარკების (გარდა საკოლექციოსი) მიწოდება ან/და იმპორტი;

ე) ჩამორთმეულ, უპატრონო ფასეულობათა, განძეულობისა და შესყიდულ ფასეულობათა, აგრეთვე სახელმწიფოსათვის მემკვიდრეობით მიღებულ ფასეულობათა მიწოდება ან/ და იმპორტი, რომელთა რეალიზაციით მიღებული შემოსავლები შეიტანება ბიუჯეტში;

ვ) სახელმწიფო ქონების მიწოდება პრივატიზაციის პროგრამის მიხედვით;

ზ) ბინის ქირა, აგრეთვე უძრავი ქონების მიწოდება ან იჯარით გადაცემა, გარდა ახლად აშენებული საცხოვრებელი შენობებისა, აგრეთვე სასტუმრო და სააგარაკო შენობა-ნაგებობებისა. ახლად აშენებულად ითვლება საცხოვრებელი შენობა აშენებიდან ორი წლის განმავლობაში.

თ) სამედიცინო მომსახურება,ჯანდაცვის სახელმწიფო პროგრამებით გათვალისწინებული ღონისძიებები;

ი) ავადმყოფთა,ინვალიდთა და ღრმად მოხუცებულთა მოვლა-პატრონობის მომსახურება;

კ) საგარეო ეკონომიკური საქმიანობის სასაქონლო ნომენკლატურის 30-ე თავით გათვალისწინებული ფარმაცევტული პროდუქციის,მათ შორის ვაქცინების მიწოდება ან/ და იმპორტი;

ლ) საგარეო ეკონომიკური საქმიანობის სასაქონლო ნომენკლატურის 8419 20 000, 8423 10, 9001 30 000, 9001 40, 9001 50, 9018-იდან 9022-ის ჩათვლით, 9025 11 910, 9402 კოდებში აღნიშნული საქონლის, 8713, 8714 20 000 კოდებში აღნიშნული ინვალიდთა ეტლების, იოდირებული მარილის მიწოდება ან/და იმპორტი;

მ) დიაბეტური კვების იმ პროდუქტების მიწოდება ან/და იმპორტი, რომლებიც მარკირებულია ასეთად;

ნ) ჩვილ ბავშვთა კვების პროდუქტებისა და ბავშვთა ჰიგიენის ნაწარმის მიწოდება ან/და იმპორტი;

ო) წრეებში, სექციებში, სტუდიებში ბავშვებისა და მოზარდების სწავლების მომსახურება, აგრეთვე სკოლამდელ დაწესებულებებსა და უპატრონო ბავშვთა სახლებში ბავშვთა მოვლა-პატრონობის მომსახურება;

პ) სამეცნიერო ლიტერატურის, აგრეთვე საქართველოს განათლების სამინისტროს მიერ პარლამენტის შესაბამის კომიტეტთან შეთანხმებით დამტკიცებული სასწავლო სახელმძღვანელოებისა და საბავშვო ლიტერატურის მიწოდება ან/და იმპორტი;

ჟ) საგანმანათლებლო დაწესებულებათა მიერ გაწეული განათლების მომსახურება; სამეცნიერო და საგანმანათლებლო საქმიანობისათვის გამოთვლითი ტექნიკის, ხელსაწყო- დანადგარების და ქიმიური რეაქტივების იმპორტი;

რ) თეატრალური და საცირკო წარმოდგენების, კონცერტების, კინოფილმებისა და სპორტული სანახაობების, აგრეთვე მუზეუმების ბილეთების ბეჭდვა და მიწოდება;

ს) სამეცნიერო, სახელოვნებო და მხატვრული ლიტერატურის, წიგნებისა და ჟურნალების იმპორტი, რომელთა ავტორებიც საქართველოს მოქალაქეები არიან, აგრეთვე უცხოეთში გამოცემული ქართული კლასიკური ლიტერატურის იმპორტი;

ტ) საქართველოს ტერიტორიაზე რეგისტრირებული და გამოცემული პერიოდული ჟურნალ-გაზეთების ბეჭდვა, მიწოდება და რეალიზაციის მომსახურება;

უ) რვეულების მიწოდება;

ფ) საქართველოს საპატრიარქოს მიერ ჯვრის, სანთლის, ხატის, წიგნის, კალენდრისა და სხვა საღვთისმსახურო საგნების მიწოდება, რომლებიც გამოიყენება მხოლოდ რელიგიური მიზნით; საქართველოს საპატრიარქოს დაკვეთით ტაძრებისა და ეკლესიების მშენებლობა, რესტავრაცია და მოხატვა, აგრეთვე მსოფლიო მემკვიდრეობის საგანძურის ნუსხაში შეტანილი საქართველოს ისტორიისა და კულტურის ძეგლების დაცვისა და აღდგენის სახელმწიფო პროგრამებით გათვალისწინებული სარეკონსტრუქციო, სარესტავრაციო, საკონსერვაციო სამუშაოები და არქეოლოგიური გათხრები;

ქ) დაკრძალვასთან დაკავშირებული რიტუალური (მათ შორის, ავტოტრანსპორტით) მომსახურება;

ღ) სტიქიური უბედურების, ავარიის და კატასტროფის ლიკვიდაციის, ჰუმანიტარული დახმარებისა და ქველმოქმედების მიზნით საქართველოს სახელმწიფო და საზოგადოებრივი ორგანოებისათვის გადაცემული საქონლისა და გრანტების შესახებ ხელშეკრულებებით გათვალისწინებული საქონლის იმპორტი; სამუშაოების შესრულება კონტრაქტების საფუძველზე, რომელთაც ზემოაღნიშნული მიზნებისათვის აფინანსებს უცხოეთის ორგანიზაცია და რომელთა ერთ-ერთ მონაწილე მხარეს წარმოადგენს საქართველოს აღმასრულებლი ხელისუფლების შესაბამისი ორგანო. ამ პუნქტის მიზნისათვის საქონლის იმპორტის, აგრეთვე კონტრაქტით სამუშაოების განხორციელების წესი განისაზღვრება საქართველოს პრეზიდენტის ბრძანებულებით;

ყ) სახელმწიფო რეგულირებადი ფასებითა და ტარიფებით საქალაქო და შიდარაიონულ მარშრუტებზე სამგზავრო ტრანსპორტით (ტაქსის გარდა) მომსახურება;

შ) ხორბლის მიწოდება, აგრეთვე სასოფლო-სამეურნეო პროდუქციის პირველადი მიწოდება; ამ პროდუქციის მწარმოებელი ფიზიკური პირის მიერ, თუ მის სარგებლობაში არსებული მინის ფართობი არ აღემატება 10 ჰექტარს;

ამ ქვეპუნქტით გათვალისწინებული შეღავათი მოქმედებს 1998წლის 1 იანვრიდან*.

ჩ) სანაშენე ცხოველების, სანაშენე პროდუქტის, სათესლე მასალის, სოფლის მეურნეობაში გამოსაყენებელი შხამ-ქიმიკატებისა და მცენარეთა დაცვის სხვა საშუალებების იმპორტი საქართველოს ფინანსთა სამინისტროს და სოფლის მეურნეობისა და სურსათის სამინისტროს მიერ დამტკიცებული ყოველწლიური კვოტების მიხედვით;

------------------------

* შენიშვნა: საგადასახადო კოდექსის 273-ე მუხლის შესაბამისად 1998 წლის 1

 იანვრამდე დღგ-საგან თავისუფლდება სასოფლო-სამეურნეო

 პროდუქციის მიწოდება მის სამრეწველო გადამუშავებამდე და

 იმპორტული სიგარეტის მიწოდება.ამასთან სასოფლო-სამეურნეო

 პროდუქციის პირველადი მიწოდება მის სამრეწველო

 გადამუშავებამდე გულისხმობს ამ პროდუქციის მწარმოებელი პირის

 მიერ გადამუშავების გარეშე (პირვანდელი სახით) მიწოდებას.

ც) საგარეო ეკონომიკური საქმიანობის სასაქონლო ნომენკლატურის 84-ე, 85-ე და 90-ე თავებით გათვალისწინებული ძირითადი საშუალებების, მათ შორის ენერგეტიკული და ენერგიადამზოგავი მოწყობილობის, ტექნოლოგიური ხაზების, ენერგოსაზომი და მაკონტროლებელი აპარატურის, მათი სათადარიგო და მაკოპლექტებელი ნაწილების იმპორტი;

ძ) იმ საქონლის იმპორტი, რომელიც განკუთვნილია უცხოეთის დიპლომატიურ და მასთან გათანაბრებულ წარმომადგენლობათა ოფიციალური სარგებლობისათვის, ამ წარმომადგენლობათა დიპლომატიური და ადმინისტრაციულ-ტექნიკური პერსონალის (მათთან მცხოვრებ ოჯახის წევრთა ჩათვლით) პირადი სარგებლობისათვის იმ სახით, რა სახითაც ასეთი განთავისუფლება გათვალისწინებულია შესაბამისი საერთაშორისო შეთანხმებებით, რომელთა მონაწილეც საქართველოა; აგრეთვე უცხოეთში საქართველოს დიპლომატიურ წარმომადგენლობათა ქონების იმპორტი;

წ) საექსპორტო პროდუქციის დასამზადებლად განკუთვნილი ნედლეულისა და ნახევარფაბრიკატების, აგრეთვე ტარაშესაფუთი მასალის იმპორტი, ფაქტობრივად ექსპორტირებული მზა პროდუქციის მოცულობის ფარგლებში. აღნიშნული ნედლეულისა და ნახევარფაბრიკატების, ტარაშესაფუთი მასალის საქართველოს ტერიტორიაზე შემოტანისას ხდება დღგ-ის გადახდევინება ან საბანკო გარანტიის დატოვება, ხოლო საქართველოს ტერიტორიიდან მზა პროდუქციის გატანისას გადასახადის გადამხდელს საბაჟო ორგანოების მიერ უბრუნდება დღგ-ის გადახდილი თანხა, ან უქმდება საბანკო გარანტია ფაქტობრივად ექსპორტირებული მზა პროდუქციის მოცულობის მიხედვით;

ჭ) საქონლის ტრანზიტი, რეიმპორტი, დროებით შემოტანა საქართველოს საბაჟო ტერიტორიაზე;

ხ) რეექსპორტისათვის განკუთვნილი საქონლის იმპორტი; საქართველოს საბაჟო ტერიტორიაზე შემოტანისას რეექსპორტისათვის განკუთვნილ საქონელზე გადაიხდევინება დღგ, ანდა საბაჟო ორგანოს მიერ დაიტოვება საბანკო გარანტია ან შესაბამისი ღირებულების შემოტანილი საქონელი გარანტიის სახით, ხოლო საქართველოდან აღნიშნული საქონლის გატანისას უქმდება საბანკო გარანტია, გადამხდელს საბაჟო ორგანოს მიერ უბრუნდება დღგ-ის გადახდილი თანხა ან გარანტიის სახით დატოვებული საქონელი ფაქტობრივად გატანილი საქონლის ღირებულების მიხედვით და აღნიშნულ საქონელზე საგადასახადო ორგანოების მიერ გადახდილი დღგ-ს ჩათვლა არ წარმოებს;

ჯ) ფიზიკურ პირთა მიერ საქონლის იმპორტი იმ ლიმიტზე ნაკლები ოდენობით, რაც დადგენილია საბაჟო გადასახადისაგან განთავისუფლებისათვის;

2. დღგ-ისაგან განთავისუფლება ერთიანია საქართველოს მთელ ტერიტორიაზე და მოქმედებს მხოლოდ საქართველოს ფარგლებში საქონლის მიწოდების, სამუშაოს შესრულებისა და მომსახურების გაწევისას.

3. პირველი პუნქტის „ძ“ - „ჯ“ ქვეპუნქტების მიხედვით დღგ-ისაგან განთავისუფლება გამოიყენება მხოლოდ იმ შემთხვევაში,როცა დაკმაყოფილებულია საბაჟო გადასახადისაგან განთავისუფლების პირობები; ამასთან,თუ საბაჟო გადასახადის მიზნით საქართველოში შემოტანილი საქონელი ექვემდებარება დაბრუნების რეჟიმს, ან, თუ საბაჟო გადასახადი ექვემდებარება გადახდას განთავისუფლების პირობების დარღვევის გამო, დღგ-ის მიმართაც გამოიყენება იგივე რეჟიმი.

    მუხლი 9. ნულოვანი განაკვეთით დასაბეგრი ოპერაციები

1. დღგ-ის ნულოვანი განაკვეთით იბეგრება:

ა) საქონლის ექსპორტი, აგრეთვე ხორბლის იმპორტი*;

ბ) საქოლის საერთაშორისო გადაზიდვებთან ან მგზავრთა საერთაშორისო გადაყვანასთან უშუალოდ დაკავშირებული სატრანსპორტო და სხვა მომსახურების გაწევა ან სამუშაოს შესრულება*;

გ) საავიაციო საწვავის, საპოხის და სხვა დამხმარე საშუალებების ბორტზე მიწოდება საერთაშორისო ფრენის განსახორციელებლად;

დ) ტრანზიტული საქონლის ტრანსპორტირება და მომსახურება*;

-------------------------------

* შენიშვნა: საქართველოს საგადასახადო კოდექსის 273-ე მუხლის შესაბამისად

 1998 წლის 1 იანვრამდე ნულოვანი განაკვეთი არ გამოიყენება

 დსთ-ს ქვეყნებში საქონლის ექსპორტისას სამუშაოების

 შესრულებისას და მომსახურების გაწევისას. გარდა ამისა

 საქართველოს გავლით დსთ-ს ერთი ქვეყნიდან მეორე ქვეყანაში

 საქონლის ტრანსპორტირება არ განიხილება როგორც ტრანზიტული

 საქონლის ტრანსპორტირების მომსახურება და იბეგრება დღგ-ით

 20 პროცენტის ოდენობით.

ე) საქართველოს ეროვნული ბანკისათვის ოქროს მიწოდება.

2. საქონლის ექსპორტის დამადასტურებელ დოკუმენტებად ითვლება საბაჟო კანონმდებლობს შესაბამისად გაფორმებული სატვირთო საბაჟო დეკლარაცია, საქართველოს სასაზღვრო საბაჟო ორგანოს აღნიშვნით საქართველოს ტერიტორიიდან საქონლის ფაქტობრივად გატანის შესახებ.

3. საერთაშორისო გადაზიდვების განსაზღვრისას მხედველობაში მიიღება გადაზიდვისა და საბაჟო გაფორმების პირობები. საქონლის ექსპორტისას საერთაშორისო გადაზიდვად ჩაითვლება საქართველოში საბაჟო გაფორმების პუნქტიდან, ტვირთის გადაზიდვა, ხოლო საქონლის იმპორტისას საქართველოში საბაჟო გაფორმების პუნქტამდე მისი ტრანსპორტირება.

4.ოპერაციის ნულოვანი განაკვეთით დაბეგვრა განიხილება არა როგორც გადასახადისაგან გათავისუფლება,არამედ როგორც ნულის ტოლი გადასახადით დაბეგვრა და გადამხდელს უფლება აქვს ამ ოპერაციის განხორციელების პროცესში გამოყენებულ საქონელზე (სამუშაოზე, მომსახურებაზე) გადახდილი გადასახადი ჩაითვალოს (შეამციროს სხვა ოპერაციებზე ბიუჯეტში შესატანი გადასახადი), ან აინაზღაუროს ბიუჯეტიდან.

    მუხლი 10. დასაბეგრი ოპერაციის და დასაბეგრი იმპორტის დრო

1. დასაბეგრი ოპერაციის განხორციელების დროდ ითვლება:

ა) საქონლის მიწოდების,სამუშაოს შესრულების ან მომსახურების გაწევის დროიდან 90 დღე;

ბ) საქონლის მიწოდებისას, რომელსაც თან ახლავს გადატვირთვა _ საქონლის გადატვირთვიდან 90 დღე;

გ) განაღდების მომენტში, თუ განაღდება წარმოებს საქონლის (სამუშაოს, მომსახურების) მიწოდებიდან ან გადატვირთვიდან 90 დღის გასვლამდე. თუ ამ შუალედში დასაბეგრი ოპერაციისათვის ორ და მეტ გადახდას აქვს ადგილი (ნაწილობრივ განაღდება), მაშინ თითოეული გადახდა განიხილება როგორც თანხის გადახდა ცალკეული ოპერაციისათვის გადახდილი თანხის ფარგლებში.

2. დამკვეთისათვის სამშენებლო სამუშაოების ეტაპობრივად ჩაბარების შემთხვევაში დასაბეგრი ოპერაციების განხორციელების დრო განისაზღვრება პირველი პუნქტის 'ა' და 'გ' ქვეპუნქტების მოთხოვნათა გათვალისწინებით დამკვეთის მიერ ცალკეული ეტაპების სამშენებლო სამუშაოების მიღების დღიდან.

3. თუ მომსახურების გაწევა ხდება რეგულარულად ან უწყვეტად, მომსახურების გაწევა შესრულებლად ითვლება ამ ოპერაციის ნებისმიერი ნაწილისათვის ყოველი საგადასახადო ანგარიშ-ფაქტურის გამოწერის მომენტში.

4. საგადასახადო კოდექსის 273-ე მუხლის მე-3 ნაწილის შესაბამისად ენერგეტიკული სექტორის აგრეთვე სასმელი წყლის მიწოდების, საკანალიზაციო წყლების გატარება-ჩაშვების და გაწმენდის, მომსახურების საწარმოებისათვის 2000 წლის 1 იანვრამდე დასაბეგრი ოპერაციის განხორციელების დროდ ითვლება მიწოდებული პროდუქციის (სამუშაოების, მომსახურების) განაღდების მომენტი.

5. თუ გადამხდელმა შეიძინა საქონელი (სამუშაო, მომსახურება) დამატებული ღირებულების გადასახადით და მიიღო (ან უფლება აქვს მიიღოს) შესაბამისი ჩათვლა არაეკონომიკური საქმიანობისათვის ამ საქონლის (სამუშაოს მომსახურების)გამოყენებისას დასაბეგრი ოპერაციის განხორციელების მომენტად ითვლება საქონლის (სამუშაოს, მომსახურების შედეგების) გამოყენების დაწყების დრო.

6. გადამხდელის მიერ თავისი თანამშრომლებისათვის საქონლის მიწოდების, სამუშაოს შესრულების, მომსახურების გაწევის შემთხვევაში საფასურით ან მის გარეშე დასაბეგრი ოპერაციის განხორციელების მომენტად ითვლება მუშაკთათვის საქონლის მიწოდების, სამუშაოს შესრულების ან მომსახურების გაწევის დრო.

7. დამატებული ღირებულების გადასახადის გადამხდელად რეგისტრაციის გაუქმების დროს მასთან არსებული საქონლის ნაშთებისათვის მიწოდებას ადგილი აქვს და დასაბეგრი ოპერაციის განხორციელების მომენტად ითვლება რეგისტრაციის გაუქმების ძალაში შესვლის უშუალოდ წინა მომენტი. ასეთ შემთხვევაში ითვლება, რომ გადამხდელი ახორციელებს რეგისტრაციის გაუქმების ძალაში შესვლის წინ ნაშთად არსებული საქონლის ღირებულების ოდენობის დასაბეგრ ოპერაციებს.

8. საქონლის იმპორტს ადგილი აქვს მაშინ, როცა საქონელი იბეგრება საბაჟო გადასახადით საბაჟო კანონმდებლობის მიხედვით. თუ საქონლი განთავისუფლებულია საბაჟო გადასახადისაგან, საქონლის იმპორტს ადგილი აქვს მაშინ, როცა მასზე უნდა გადახდილიყო საბაჟო გადასახადი, ეს საქონელი განთავისუფლებული რომ არ ყოფილიყო საბაჟო გადასახადისაგან.

    მუხლი 11. საქონლის მიწოდების, სამუშაოს შესრულებისა და მომსახურების გაწევის ადგილი

1. ამ ინსტრუქციის მე-6 მუხლის მიხედვით დასაბეგრ ოპერაციებად ითვლება საქონლის (სამუშაოს, მომსახურების) მიწოდება, რომლებიც ითვლება განხორციელებულად საქართველოს ტერიტორიაზე.

2. საქონლის მიწოდების ადგილად ითვლება საქონლის გადაცემის ადგილი, ხოლო თუ საქონელი მოითხოვს ტრანსპორტირებას, მაშინ საქონლის მიწოდების ადგილად ითვლება საქონლის ადგილსამყოფელი ტრანსპორტირების დაწყებისას.

3. ელექტრო-ან თბოენერგიის, ბუნებრივი გაზის ან წყლის მიწოდების ადგილად ითვლება საქონლის მიღების ადგილი. საქართველოდან ამ საქონლის ექსპორტის შემთხვევაში მათი მიწოდების ადგილად ითვლება საქართველო.

4. სამუშაოების შესრულების ან მომსახურების გაწევის ადგილად ითვლება:

ა) უძრავი ქონების ადგილმდებარეობა - თუ სამუშაოები, (მომსახურება) დაკავშირებულია უშუალოდ ამ ქონებასთან; ასეთ სამუშაოს, მომსახურებას მიეკუთვნება სამშენებლო, სამშენებლო-სამონტაჟო, სარემონტო, სარესტავრაციო, გამწვანების და სხვა მსგავსი მომსახურება.

მაგალითი 8:

საქართველოს ფირმამ, რომელიც ფლობს შენობას თბილისში,დაიქირავა თურქეთის ფირმა დაგეგმილი კაპიტალური რემონტის არქიტექტურული დასაბუთებულობის მოსამზადებლად. რადგანაც ეს მომსახურება დაკავშირებულია საქართველოში მდებარე უძრავ ქონებასთან, ითვლება, რომ მომსახურება გაწეულ იქნეს საქართველოში.

ბ) სამუშაოს (მომსახურების) ფაქტობრივად გაწევის ადგილი, თუ ისინი დაკავშირებულია მოძრავ ქონებასთან.

მაგალითი 9:

ვთქვათ, საერთაშორისო გადაყვანის განხორციელებისას სამგზავრო ტრანსპორტს დასჭირდა შეკეთება. ე.ი. ზემოაღნიშნული მომენტიდან ადგილი აქვს მოძრავი ქონების მომსახურებას და ასეთ შემთხვევაში დღგ-ით დაიბეგრება სამუშაო ფაქტობრივად გაწევის ადგილზე.

- თუ აღნიშნული სამუშაო ტარდება საქართველოში დაიბეგრება დღგ-ით.

გ) მომსახურების ფაქტობრივად გაწევის ადგილი, თუ იგი ხორციელდება კულტურის, ხელოვნების, განათლების, ფიზიკური კულტურისა და სპორტის სფეროში ან სხვა ანალოგიური საქმიანობაში;

დ) საქონლის გადაზიდვების ან მგზავრთა გადაყვანის ფაქტობრივი განხორციელების ადგილი, თუ სამუშაო (მომსახურება) დაკავშირებულია ამ გადაზიდვებთან.საერთაშორისო და სატრანზიტო გადაზიდვების განხორციელებისას საქართველოს ტერიტორიის ფარგლებს გარეთ გადამხდელის მიერ სამუშაოების შესრულება და მომსახურების გაწევა განიხილება როგორც საქართველოს ტერიტორიაზე განხორციელებული.

მაგალითი 10:

სააგენტოს მიერ წარმოებს დსთ-ს ფარგლებს გარეთ საერთაშორისო გადაყვანის სამგზავრო ბილეთების რეალიზაცია. ასეთი ბილეთების რეალიზაციის მომსახურება საქართველოში ითვლება საქართველოში განხორციელებულ საერთაშორისო გადაყვანის მომსახურებად და იბეგრება ნულოვანი განაკვეთით,ხოლო ასეთივე ბილეთების რეალიზაციის მომსახურება უცხოეთის ტერიტორიაზე ითვლება უცხოეთის ტერიტორიაზე გაწეულ მომსახურებად და იგი დასაბეგრ ოპერაციად არ ჩაითვლება.

ე) მომსახურების მიმღების მუდმივი დაწესებულების ადგილსამყოფელი,რომელთანაც ეს მომსახურება უფრო მეტადაა დაკავშირებული.ამ პუნქტის დებულებები გამოიყენება შემდეგი სახის მომსახურების მიმართ;

- პატენტების, ლიცენზირების, სავაჭრო მარკების, საავტორო უფლებების ან სხვა ანალოგიური უფლებების საკუთრებაში გადაცემა ან დათმობა;

- საკონსულტაციო, იურიდიული, საბუღალტრო, საინჟინრო-სარეკლამო, აგრეთვე ინფორმაციის დამუშავებისა და სხვა ანალოგიური მომსახურება (ამ პუნქტის გამოყენების მიზნით საინჟინრო მომსახურებას განეკუთვნება საინჟინრო - საკონსულტაციო მომსახურება პროდუქციის (სამუშაოს, მომსახურების) წარმოებისა და რეალიზაციის პროცესის მომზადებაზე,ობიექტების მშენებლობისა და ექსპლუატაციის მომზადებაზე, საპროექტო მომსახურება _ ტექნიკურ-ეკონომიკური დასაბუთებულობის მომზადება, საპროექტო-საკონსტრუქტორო დამუშავებები და სხვ). ინფორმაციის დამუშავების მომსახურებას მიეკუთვნება ინფორმაციული მასივების შეგროვება და განზოგადება,სისტემატიზაცია და ინფორმაციის დამუშავების შედეგების მომხმარებლის განკარგულებაში გადაცემა.

- პერსონალით უზრუნველყოფა;

- მოძრავი ქონების იჯარით გადაცემა (გარდა სატრანსპორტო საწარმოთა სატრანსპორტო საშუალებებისა).

- კონტრაქტის ძირითადი მონაწილე პირის (საწარმოს ან ფიზიკური პირის) სახელით მოქმედი აგენტის მიერ ამ ქვეპუნქტით გათვალისწინებული მომსახურება.

ვ) იმ პირის ეკონომიკური საქმიანობის განხორციელების ადგილი, რომელიც ასრულებს სამუშაოს ან ეწევა მომსახურებას.

ამ პუნქტის ერთზე მეტ ქვეპუნქტში მოცემული სამუშაოების შესრულებისა და მომსახურების გაწევის ადგილი განისაზღვრება რიგით პირველი ქვეპუნქტის მიხედვით.

5. სამუშაოს შესრულების,მომსახურების გაწევის ადგილის დამადასტურებელ დოკუმენტებად ითვლება კონტრაქტები პირებს შორის სამუშაოს შესრულებისა და მომსახურების გაწევაზე. გამყიდველისა და მყიდველის მიერ ხელმოწერილი აქტები, ცნობები და სხვა დოკუმენტები.

    მუხლი 12. უკუდაბეგვრა

1. თუ არარეზიდენტი პირი, რომელიც არ არის რეგისტრირებული დღგ-ის გადამხდელად საქართველოში, ეწევა მომსახურებას ან ასრულებს სამუშაოს საქართველოს ტერიტორიაზე საგადასახადო აგენტისათვის, აღნიშნული სამუშაოების შესრულება ან მომსახურების გაწევა იბეგრება დამატებული ღირებულების გადასახადით ამ მუხლის მიხედვით.

საგადასახადო აგენტად ითვლება ნებისმიერი პირი, რომელიც რეგისტრირებულია დღგ-ის გადამხდელად ან ნებისმიერი რეზიდენტი იურიდიული პირი.

2. უკუდაბეგვრის წესით დღგ-ით დაბეგვრას ექვემდებარება დღგ-ს გადამხდელად არა რეგისტრირებული არარეზიდენტების მიერ საქართველოს ტერიტორიაზე განხორციელებული და საგადასახადო აგენტისათვის ისეთი სამუშაოების შესრულება და მომსახურების გაწევა როგორიცაა მოძრავი და უძრავი ქონების იჯარით გადაცემა;სამუშაოების შესრულება და მომსახურების გაწევა, რაც უშუალოდ დაკავშირებულია საქართველოში არსებულ უძრავ და მოძრავ ქონებასთან; სატრანსპორტო და საექსპედიტორო მომსახურება, რომელიც ხორციელდება საქართველოს ტერიტორიაზე და არ წარმოადგენს საერთაშორისო გადაზიდვებს და გადაყვანებს; განათლების, ფიზიკური კულტურისა და სპორტის სფეროში მომსახურება, კულტურის, ხელოვნების, სარეკლამო მომსახურება, საინფორმაციო, საინოვაციო, მონაცემთა დამუშავებისა და საინფორმაციო უზრუნველყოფის მომსახურება, მომსახურების გაწევა რომელიც უკავშირდება პატენტების, ლიცენზიების, სავაჭრო მარკების, საავტორო უფლებების ან სხვა ანალოგიური უფლებების საკუთრებაში გადაცემის ან დათმობის აგრეთვე ისეთი მომსახურების გაწევა რომლისთვისაც არარეზიდენტი შემოსავალს ღებულობს როიალტის სახით. საკონსულტაციო, იურიდიული, საბუღალტრო, საინჟინრო და სხვა ანალოგიური მომსახურება, პერსონალით უზრუნველყოფა, აგრეთვე სხვა ისეთი სამუშაო და მომსახურება, რომელიც ითვლება არარეზიდენტის მიერ საქართველოს ტერიტორიაზე შესრულებულად ან გაწეულად.

უკუდაბეგვრის წესით იბეგრება აგრეთვე სამუშაოების და მომსახურების გაწევა საგადასახადო აგენტისათვის იმ არარეზიდენტების მიერ რომლებიც ითვლებიან ეკონომიკური საქმიანობის განმხორციელებლად საქართველოში მუდმივი დაწესებულების გარეშე საგადასახადო კოდექსის მე-17 მუხლისა და საქართველოს მიერ დადებული საერთაშორისო ხელშეკრულებების შესაბამისად.

3. 1-ლ პუნქტში აღნიშნულ შემთხვევაში საგადასახადო აგენტი ახდენს დამატებული ღირებულების გადასახადის დაკავებას არარეზიდენტისათვის გადასახდელი თანხიდან. დღგ-ის თანხა განისაზღვრება 20 პროცენტის განაკვეთის გამოყენებით არარეზიდენტისათვის დღგ-ს გარეშე მისაცემი თანხიდან.

4. თუ საგადასახადო აგენტი რეგისტრირებულია დღგ-ს გადამხდელად, დაკავებული დღგ გადაიხდება დღგ-ს შესახებ იმ თვის დეკლარაციის წარდგენის დროს, რომელშიც მოხდა ოპერაცია. საგადასახადო დოკუმენტი დაკავებული დღგ-ს გადახდაზე ითვლება საგადასახადო ანგარიშ-ფაქტურად და საგადასახადო აგენტს აძლევს დღგ-ს ჩათვლის მიღების უფლებას.

5. თუ საგადასახადო აგენტი არ არის რეგისტრირებული დღგ-ს გადამხდელად, იგი ვალდებულია დაკავებული დღგ გადაიხადოს არარეზიდენტისათვის თანხის გაცემიდან 7 დღის განმავლობაში და ამავე ვადაში საგადასახადო ინსპექციაში წარადგინოს №4 თანდართული ფორმის ანგარიში არარეზიდენტისათვის გაცემული თანხის და დაკავებული დღგ-ს შესახებ.

    მუხლი 13. შერეული ოპერაციები

1. საქონლის მიწოდება, სამუშაოს შესრულება ან მომსახურების გაწევა, რომელიც ატარებს ძირითადი საქონლის მიწოდების, სამუშაოს შესრულებისა თუ მომსახურების გაწევის მიმართ დამხმარე ხასიათის, განიხილება როგორც ამ უკანასკნელის ნაწილი. ამასთან დაკავშირებით:

- სამუშაოს შესრულება ან მომსახურების გაწევა, რომელთაც დამხმარე ხასიათი აქვთ საქონლის მიწოდების მიმართ, განიხილება როგორც საქონლის მიწოდების ნაწილი.

- საქონლის მიწოდება, რომელსაც დამხმარე ხასიათი აქვს სამუშაოს შესრულების, მომსახურების გაწევის მიმართ, განიხილება როგორც სამუშაოს მომსახურების მიწოდების ნაწილი.

2. სამუშაოების შესრულება ან მომსახურების გაწევა, რომელთაც დამხმარე ხასიათი აქვთ საქონლის იმპორტის მიმართ წარმოადგენენ ამ საქონლის იმპორტის ნაწილს.

3. შერეული ოპერაციების შემთხვევაში დამხმარე ხასიათის საქონლის მიწოდებაზე სამუშაოს შესრულებასა და მომსახურების გაწევაზე დასაბეგრი ოპერაციის განხორციელების დრო და ადგილი განისაზღვრება ძირითადი საქონლის სამუშაოს შესრულებისა და მომსახურების გაწევის მიხედვით ინსტრუქციის მე-10-მე-11 მუხლების შესაბამისად.

მაგალითი 11:

პირი ასრულებს სარემონტო სამუშაოებს. სამუშაოს შესრულებისათვის საჭიროა დაზიანებული მილის გამოცვლა. მილის ღირებულება სარემონტო სამუშაოს საერთო თანხის მეორე ნაწილს წარმოადგენს. ამ შემთხვევაში ითვლება, რომ მილის მიწოდებას დამხმარე ხასიათი აქვს სამუშაოს შესრულებასთან. შესაბამისად, ეს ოპერაცია განიხილება როგორც სამუშაოს შესრულება.

4. დასაბეგრი ოპერაციის ერთი ან მეტი დამოუკიდებელი ელემენტი,რომელიც განთავისუფლებული იქნებოდა დღგ-ისაგან, ცალკე რომ ყოფილიყო მიწოდებული, შესრულებული ან გაწეული, განიხილება როგორც ცალკე ოპერაცია.

მაგალითი 12: საფოსტო განყოფილება ყიდის კონვერტებს მასზე დაბეჭდილი საფოსტო მარკით. ამ შემთხვევაში ითვლება, რომ მარკას გააჩნია დამოუკიდებელი ხასიათი და არ ჩაითვლება სხვა საქონელში. შესაბამისად, მარკის ნომინალური ღირებულება ითვლება გადასახადისაგან განთავისუფლებულად. ამ ინსტრუქციის მე-8 მუხლის შესაბამისად. გადასახადით დასაბეგრი თანხა შეადგენს კონვერტის გასაყიდ ფასს მარკის ჩათვლით გამოკლებული მარკის ნომინალური ღირებულება.

5. განთავისუფლებული ოპერაციის ერთი ან მეტი დამოუკიდებელი ელემენტი, რომელიც დაიბეგრებოდა დღგ-ით, ცალკე რომ ყოფილიყო მიწოდებული, შესრულებული ან გაწეული, განიხილება როგორც ცალკე ოპერაცია. ისეთი ელემენტები, რომლებიც წარმოადგენენ მეორე პროდუქციის ნაწილს, არ ითვლება დამოუკიდებელ ელემენტებად.

    მუხლი 14. აგენტის ოპერაციები

1. საქონლის მიწოდება,სამუშაოების შესრულება ან მომსახურების გაწევა იმ პირის მიერ, რომელიც წარმოადგენს სხვა პირის (მრწმუნებლის) აგენტს(რწმუნებულს), განიხილება როგორც მრწმუნებლის ოპერაციები.

2. პირველი პუნქტი არ ეხება აგენტის (რწმუნებულის) მიერ მრწმუნებელი პირისათვის გაწეულ მომსახურებას.

3. ამ მუხლის პირველი პუნქტი არ გამოიყენება საქართველოში არარეზიდენტი პირის მიერ რეზიდენტი აგენტის მეშვეობით საქონლის მიწოდების მიმართ,როცა ეს პირი (არარეზიდენტი) არ არის რეგისტრირებული დღგ-ის გადამხდელად საქართველოში. ამ შემთხვევაში დღგ-ით დაბეგვრის მიზნით მიწოდება ითვლება აგენტის (რწმუნებულის) მიერ განხორციელებულად.

მაგალითი 13. აუქციონისტი აუქციონზე ყიდის სხვა პირის საქონელს. ამ პირსა და აუქციონისტს შორის დადებული შეთანხმების პირობით გაყიდვის მომენტამდე საქონელი პირის საკუთრებაა. აუქციონისტი გამოდის პირის აგენტის როლში ამ საქონლის გაყიდვისას. იმ შემთხვევაში, თუ პირი არის დღგ-ს გადამხდელი, მაშინ აუქციონისტის მიერ საქონლის გაყიდვა ითვლება პირის მიერ განხორციელებული დასაბეგრ ოპერაციად.

თუ პირი არარეზიდენტია და არ არის რეგისტრირებული დღგ-ს გადამხდელად და მისი საქონელი საქართველოში იყიდება აგენტის მიერ (მათ შორის კონსიგნაციის წესით), მაშინ ამ საქონლის გაყიდვა ითვლება აგენტის მიერ განხორციელებულ ოპერაციად.

    მუხლი 15. დამატებული ღირებულების გადასახადის განაკვეთები

1. დამატებული ღირებულების გადასახადის განაკვეთი შეადგენს დასაბეგრი ბრუნვის 20 პროცენტს.

დასაბეგრი ბრუნვა წარმოადგენს საანგარიშო პერიოდში განხორციელებული დასაბეგრი ოპერაციების თანხის ჯამს.

2. დასაბეგრ იმპორტზე, გარდა მსუბუქი ავტომობილებისა და ხორბლისა დღგ-ის განაკვეთი შეადგენს იმპორტის თანხის 20 პროცენტს.

3. საგადასახადო კოდექსის 273-ე მუხლის შესაბამისად მსუბუქი ავტომობილების იმპორტზე (2000 წლის 31 დეკემბრამდე) დღგ-ს განაკვეთი შეადგენს 5%.

4. ამ ინსტრუქციის მე-9 მუხლში მოცემული საქონლის, სამუშაოს, მომსახურების ბრუნვა იბეგრება ნულოვანი განაკვეთით.

    მუხლი 16. დღგ-ის გამოანგარიშებისა და გადახდის წესი

1. დასაბეგრი ბრუნვიდან ბიუჯეტში შესატანი დღგ-ის თანხა განისაზღვრება როგორც სხვაობა დასაბეგრ ბრუნვაზე დარიცხულ გადასახადის თანხასა და ჩასათვლელ გადასახადის თანხას შორის.

2. ჩასათვლელი დღგ-ის თანხა არის გადასახადის თანხა,რომელიც დასაბეგრი ოპერაციის დროის მიხედვით გადახდილ უნდა იქნეს ან გადახდილია წარდგენილი საგადასახადო ანგარიშ-ფაქტურების შესაბამისად დასაბეგრ იმპორტზე ან დასაბეგრ ოპერაციებზე, თუ საქონელი, სამუშაო ან მომსახურება გამოიყენება ან გამოყენებული იქნება გადასახადის გადამხდელის ეკონომიკური საქმიანობისათვის იმ შემთხვევებშიც კი, თუ ისინი არ შეიტანება პროდუქციის თვითღირებულებაში.

3. თუ დღგ-ს გადამხდელის მიერ წარდგენილი საგადასახადო ანგარიშ-ფაქტურებით საქონლის იმპორტისა და დასაბეგრი ოპერაციების მიხედვით გადასახდელი ან გადახდილი დღგ ნაწილობრივ გათვალისწინებულია გადამხდელის ეკონომიკური საქმიანობისათვის,ნაწილობრივ კი სხვა მიზნებისათვის, დღგ-ის ჩათვლა განხორციელდება პროპორციულად.

4. დღგ-ის ჩათვლა არ წარმოებს:

ა. მსუბუქ ავტომობილებზე, გარდა გასაყიდად გამოტანილისა ან გაქირავებით გაცემულისა, - იმ პირთათვის, რომელთა ძირითად საქმიანობას წარმოადგენს მსუბუქი ავტომობილების ყიდვა-გაყიდვა ან გაქირავება;

ბ. საქველმოქმედო ან სოციალური მიზნებით გაწეულ გასართობ და წარმომადგენლობით ხარჯებზე.

5. თუ დღგ-ს გადამხდელს აქვს დასაბეგრი და დღგ-საგან განთავისუფლებული ოპერაციები, მაშინ დღგ-ს ჩასათვლელი თანხა განისაზღვრება საერთო ბრუნვის თანხაში დასაბეგრი ბრუნვის ხვედრითი წონის მიხედვით. თუკი გადასახადის გადამხდელს აქვს მხოლოდ განთავისუფლებული ბრუნვები, მაშინ ჩათვლა არ განხორციელდება. ეს პუნქტი გამოიყენება მე-3 პუნქტის მოთხოვნის შესრულების შემდეგ.

მაგალითი 14: გადასახადის გადამხდელია ბანკი. მის საქმიანობას ძირითადად წარმოადგენს გადასახადისაგან გათავისუფლებული ფინანსური მომსახურების გაწევა. ამავე დროს ასრულებს დასაბეგრ ოპერაციებს – იჯარით გასცემს სეიფებს. ბანკი განსაზღვრავს დასაბეგრი ოპერაციის ხვედრით წილს საერთო ბრუნვის თანხაში, რომელიც 5 პროცენტს შეადგენს.ამის შესაბამისად მას უფლება აქვს ეკონომიკურ საქმიანობაში გამოსაყენებლად საანგარიშო პერიოდში განხორციელებულ შესყიდვებზე მომწოდებლისათვის გადახდილი დღგ-ს 5 პროცენტის ჩათვლაზე.

6. თუ მე-7 მუხლის მიხედვით დასაბეგრი ოპერაციის კორექტირებისას:

ა) გადასახდელი დღგ აღმოჩნდება გადამხდელის მიერ ამ ოპერაციაზე ფაქტობრივად ნაჩვენებ თანხაზე, მეტი, ნამეტი თანხა დაემატება იმ საანგარიშო პერიოდში გადასახდელ დღგ-ს რომელშიც ადგილი ჰქონდა ზემოაღნიშნულ მუხლში აღწერილ შემთხვევებს;

ბ) ანგარიშ-ფაქტურაში ან დეკლარაციაში ნაჩვენები თანხა აღმოჩნდება გადასახდელ დღგ-ზე მეტი, ნამეტი თანხა გადამხდელს ჩაეთვლება იმ საანგარიშო პერიოდისათვის, რომელშიც ადგილი ჰქონდა მე-7 მუხლში აღწერილ შემთხვევებს.

ინსტრუქციის მე-7 მუხლის შესაბამისად დასაბეგრი ბრუნვის კორექტირებისას,როცა ადგილი აქვს საკომპენსაციო თანხის ცვლილებას ან საქონლის (სამუშაოს მომსახურება) დაბრუნების შემთხვევებს, კორექტირების საფუძველს წარმოადგენს მყიდველის მიერ გამოწერილი საგადასახადო ანგარიშ-ფაქტურა დაბრუნებულ საქონელზე (სამუშაოზე, მომსახურებაზე) ან შემცირებულ საკომპენსაციო თანხაზე. ამ შემთხვევაში საგადასახადო ანგარიშ-ფაქტურებზე კეთდება წარწერა „საქონლის (სამუშაოს, მომსახურების) დაბრუნებაზე“, „საკომპენსაციო თანხის შემცირებაზე“.

მაგალითი 15: გადასახადის გადამხდელმა გაყიდა საქონელი 100 ლარად და გამოწერა ანგარიშ-ფაქტურა. შემდეგ თვეში კლიენტმა უკან დააბრუნა საქონელი მისი დეფექტიანობის გამო და უკან დაიბრუნა გადახდილი თანხა – 100 ლარის ოდენობით. ამ შემთხვევაში წარმოებს კორექტირება „ბ“ ქვეპუნქტის მიხედვით. დავუშვათ, რომ იგივე სიტუაცია და საქონელი დაბრუნდა მარტის თვეში, ხოლო ფული დაუბრუნდა აპრილის თვეში, ამ შემთხვევაში კორექტირება დასაშვებელია იმ თვეში რომელშიც ფული ფაქტობრივად დაუბრუნდა კლიენტს.

იმ შემთხვევაში, როცა გადამხდელი ახდენს დეკლარაციაში დაშვებულ შეცდომის გასწორებას მისი დეკლარაციის წარდგენის შემდეგ, ამის შესახებ იგი წერილობით აცნობებს საგადასახადო ინსპექციებს, იხდის გადასახადის თანხას და ასახავს მას მომდევნო საანგარიშო პერიოდის დეკლარაციაში.

7. პირის დღგ-ს გადამხდელად რეგისტრაციისას, მას უფლება აქვს ჩათვალოს ეკონომიკურ საქმიანობაში გამოსაყენებლად განხორციელებულ შესყიდვებზე გადახდილი დღგ რეგისტრაციის ძალაში შესვლის მომენტისათვის მასთან არსებულ ნაშთებზე, მათ შესყიდვებზე დღგ-ის გადახდის დამადასტურებელი საგადასახადო ანგარიშ-ფაქტურების მიხედვით. ამასთან, ჩათვლა შეიძლება განხორციელდეს რეგისტრაციის ძალაში შესვლის მომენტისათვის ჩატარებული ინვენტარიზაციის საფუძველზე. ინვენტარიზაციის შედეგების განსაზღვრა ხდება სასაქონლო-მატერიალური მასალების აღრიცხვისათვის საგადასახადო კოდექსის 77-ე მუხლის მე-5 ნაწილის 1 „ა“ ქვეპუნქტით გათვალისწინებული მეთოდის საფუძველზე. ამასთან დაკავშირებით დღგ-ის თანხები, რომელიც ჩართული იყო საქონლის ღირებულებაში საგადასახადო ანგარიშ-ფაქტურების საფუძველზე აღირიცხება ცალკე და აისახება პირველი საანგარიშო თვის დეკლარაციაში საერთო წესის შესაბამისად.

8. გადამხდელებს, რომელთაც საგადასახადო კოდექსის 273-ე მუხლის მე-3 ნაწილის შესაბამისად პროდუქციის (სამუშაოს, მომსახურების) მიწოდების მომენტი განესაზღვრათ ფაქტობრივად ანაზღაურებული ღირებულების მიხედვით,შესყიდვებზე დღგის ჩასათვლელი თანხებიც განისაზღვრება მათი განაღდების მიხედვით. ანალოგიურად განისაზღვრება დღგ-ს ჩასათვლელი თანხები სხვა გადამხდელების მიერ ელექტროენერგეტიკული სექტორის,აგრეთვე სასმელი წყლის მიწოდების, საკანალიზაციო წყლების გატარება ჩაშვების და გაწმენდის მომსახურების საწარმოებიდან შეძენილ საქონელზე (სამუშაოზე, მომსახურებაზე).

    მუხლი 17. საგადასახადო ანგარიშ-ფაქტურა

1. დღგ-ის გადამხდელად რეგისტრირებული პირი, რომელიც აწარმოებს დასაბეგრ ოპერაციას,ვალდებულია ყოველ ოპერაციაზე მყიდველს გამოუწეროს საგადასახადო ანგარიშ-ფაქტურა ამ ინსტრუქციის №5 დანართის მიხედვით და წარუდგინოს იგი საქონლის, სამუშაოების ან მომსახურების მიმღებს ამ მუხლის მე-4 პუნქტის მოთხოვნათა გათვალისწინებით. იმ პირს,რომელიც არ არის რეგისტრირებული დღგ-ის გადამხდელად, არა აქვს ანგარიშ-ფაქტურის გამოწერის უფლება.

2. საგადასახადო ანგარიშ-ფაქტურა წარმოადგენს საქართველოს საგადასახადო ინსპექციის მიერ დადგენილი ფორმის მკაცრი აღრიცხვის დოკუმენტს შემდეგი მონაცემებით:

ა. დღგ-ს გადამხდელისა და მყიდველის (დამკვეთის) გვარი, სახელი ან იურიდიული სახელი და დღგ-ს გადამხდელის საფირმო დასახელება, თუ იგი განსხვავდება იურიდიული სახელისაგან;

ბ. დღგ-ს გადამხდელისა და მყიდველის (დამკვეთის) საიდენტიფიკაციო ნომრები;

გ. დღგ-ს გადამხდელად სარეგისტრაციო სერტიფიკატის ნომერი და თარიღი; შესრულებული სამუშაოების ან გაწეული მომსახურების დასახელება;

დ. მიწოდებული საქონლის დასახელება;

ე. დასაბეგრი ოპერაციის კომპენსაციის თანხა და დასაბეგრი ბრუნვის თანხა;

ვ. აქციზის თანხა აქციზურ საქონელზე;

ზ. მოცემული დასაბეგრი ოპერაციის მიხედვით კუთვნილი დღგ-ს თანხა;

თ. საგადასახადო ანგარიშ-ფაქტურის ნომერი და გაცემის თარიღი.

3. გადასახადის გადამხდელი ვალდებულია საგადასახადო ანგარიშ-ფაქტურა გამოწეროს და მისცეს მყიდველს საქონლის (სამუშაოს, მომსახურების) მიწოდებისას ან მიწოდებიდან არა უგვიანეს 5 დღის ვადაში.

4. საქონლის საცალო მიწოდებისას, სამუშაოების შესრულებისას ან მომსახურების გაწევისას იმ მყიდველებისათვის, რომლებიც არ არიან დღგ-ის გადამხდელები, საგადასახადო ანგარიშ-ფაქტურის ნაცვლად შეიძლება გამოყენებულ იქნეს სალაროს ჩეკი ან ანგარიშ-ფაქტურის გამარტივებული ფორმა №6 დანართის მიხედვით. ჩეკი და გამარტივებული საგადასახადო ანგარიშ-ფაქტურა არ აძლევს მყიდველს დღგ-ის ჩათვლის უფლებას. თუ მყიდველი რეგისტრირებულია დღგ-ის გადამხდელად გამარტივებული ანგარიშ-ფაქტურის ნაცვლად მას შეუძლია მოითხოვოს საგადასახადო ანგარიშ-ფაქტურის გამოწერა.

    მუხლი 18. დეკლარაციის წარდგენა და დღგ-ს გადახდა

1. დამატებული ღირებულების გადასახადის გადამხდელი ვალდებულია:

ა) რეგისტრაციის ადგილის მიხედვით საგადასახადო ორგანოში წარადგინოს დღგ-ის დეკლარაცია ყოველ საანგარიშო პერიოდზე არა უგვიანეს ამ პერიოდის მომდევნო თვის 20 რიცხვისა. გადამხდელის მიერ დეკლარაციის წარდგენა ხდება ყოველ საანგარიშო პერიოდზე დამოუკიდებლად იმისა, ჰქონდა თუ არა მას დასაბეგრი ბრუნვა. დეკლარაციის წარდგენა ხდება ინსტრუქციის №7 დანართის მიხედვით;

ბ) ყოველ საანგარიშო პერიოდზე დეკლარაციის წარსადგენად დადგენილ ვადაში გადაიხადოს დღგ.

2. დღგ-ს საანგარიშო პერიოდად ითვლება კალენდარული თვე.

3. თუ საგადასახადო კოდექსის 94-ე მუხლის მე-3 ნაწილის „ბ“ პუნქტის მიხედვით ნებაყოფლობით რეგისტრაციას აქვს უკუქმედების ძალა,დღგ-ს გადამხდელი ვალდებულია გადაიხადოს დღგ იმ დასაბეგრ ოპერაციებზე, რომელთაც ადგილი ჰქონდათ რეგისტრაციის ძალაში შესვლის მომენტიდან, და მას უფლება აქვს მიიღოს ჩათვლა დღგ-ს გადამხდელთათვის დადგენილი წესით. ამასთან, შესაბამისი ოპერაციები უნდა აისახოს დღგ-ს გადამხდელის მიერ წარდგენილ პირველსავე დეკლარაციაში და განხილულ იქნეს იმ თვის განმავლობაში განხორციელებულ ოპერაციებად, რომლებსაც განეკუთვნება ეს დეკლარაცია.ასეთ შემთხვევაში დღგ-ს გადამხდელს შეუძლია დეკლარაციაში ნაჩვენებ დასაბეგრ ოპერაციებზე გამოწეროს საგადასახადო ანგარიშ-ფაქტურა.

4. დეკლარაციის წარდგენა არ ხდება იმ პირის მიერ, რომელიც გადასახადის გადამხდელად ითვლება მხოლოდ საქონლის იმპორტისას.

5. დასაბეგრ იმპორტზე დღგ-ს დარიცხვა და გადახდევინება ხდება საბაჟო ორგანოების მიერ საგადასახადო კოდექსისა და საბაჟო კანონმდებლობის მიხედვით.

6. თუ საანგარიშო პერიოდში დღგ-ს გადამხდელის დასაბეგრი ბრუნვის არანაკლებ 25 პროცენტისა იბეგრება ნულოვანი განაკვეთით, ჩასათვლელი დღგ-ის თანხის გადამეტება დარიცხული დღგ-ს თანხაზე უბრუნდება გადასახადის გადამხდელს საგადასახადო ორგანოს მიერ ამის შესახებ დღგ-ს გადამხდელის განცხადების მიღების დღიდან 15 დღის განმავლობაში.

7. სხვა დღგ-ს გადამხდელებისათვის ჩასათვლელი თანხის გადამეტება საანგარიშო პერიოდის მანძილზე დარიცხული დღგ-ს თანხაზე გადაიტანება შემდეგ საანგარიშო პერიოდში და ჩაითვლება მომავალი პერიოდების გადასახდელებში, ან მათ უბრუნდებათ ბიუჯეტიდან დღგ-ის გადამხდელის განცხადების მიღების დღიდან 15 დღის განმავლობაში.

8. პირს, რომელიც ყიდულობს გრანტით დაფინანსებულ საქონელს ან/და ამავე საწყისებზე იღებს სამუშაოს ან მომსახურებას, უფლება აქვს აინაზღაუროს ამ საქონლისათვის, სამუშაოსა და მომსახურებისათვის გადახდილი დღგ, საგადასახადო ორგანოში საგადასახადო ანგარიშ-ფაქტურის წარდგენის შემდეგ.

ანალოგიური წესით ხდება უცხოეთის დიპლომატიური და მათთან გათანაბრებულ წარმომადგენლობათა ოფიციალური სარგებლობისათვის, აგრეთვე ამ წარმომადგენლობათა დიპლომატიური ან ადმინისტრაციულ ტექნიკური პერსონალის (მათთან მცხოვრებ ოჯახის წევრთა ჩათვლით) პირადი სარგებლობისათვის საქონლის, სამუშაოს და მომსახურების მიწოდებისას გადახდილი დღგ-ს ანაზღაურება, რომელთა გათავისუფლებაც გათვალისწინებულია იმ საერთაშორისო ხელშეკრულებით, რომლის მონაწილეც საქართველოა.

დღგ-ის ანაზღაურება ხდება მხოლოდ იმ შემთხვევაში, თუ განცხადება საგადასახადო ორგანოს წარედგინება დასაბეგრი ოპერაციის განხორციელებიდან სამი თვის განმავლობაში. ინსტრუქციის ამ მუხლის მე-6 და მე-9 პუნქტების მოთხოვნები გამოიყენება ამ პუნქტის მიმართაც.

9. საგადასახადო ორგანოს მიერ დღგ-ს გადამხდელისათვის თანხის შეცდომით დაბრუნების შემთხვევაში საგადასახადო ორგანოს შეუძლია მოითხოვოს ამ თანხის დაბრუნება დღგ-ის გადახდევინების წესით.

    მუხლი 19. დამატებული ღირებულების გადასახადისა და საგადასახადო ანგარიშ-ფაქტურების აღრიცხვის წესი

დღგ-ს გადამხდელის მიერ დამატებული ღირებულების გადასახადის აღრიცხვისათვის გამოიყენება 19 ანგარიში „დამატებული ღირებულების გადასახადი შეძენილ საქონელზე (სამუშაოზე, მომსახურებაზე) და 68 ანგარიშის ცალკე სუბანგარიში „ანგარიშსწორებანი დამატებული ღირებულების გადასახადით“.

19 ანგარიშის დებეტში გადამხდელი აღრიცხავს შეძენილ საქონელზე (სამუშაოზე, მომსახურებაზე) საგადასახადო ანგარიშ-ფაქტურებით კუთვნილ დღგ-ს თანხას 60(76) და სხვა ანგარიშებთან კორესპოდენციაში. (გარდა იმ მომსახურებისა, რომელზეც ამ ინსტრუქციის მე-16 მუხლის მიხედვით ჩათვლა არ წარმოებს).

დღგ-ს თანხები, რომლებიც ექვემდებარება ჩათვლას საქონლის (სამუშაოს, მომსახურების) განაღდების შემდეგ ან მათი მიწოდებიდან 90 დღის გასვლის შემდეგ 19 ანგარიშის კრედიტით ჩამოიწერება 68 ანგარიშის დებეტში.

დღგ-ს თანხა მიწოდებულ საქონელზე, შესრულებული სამუშაოსა და გაწეულ მომსახურებაზე აისახება რეალიზაციის ანგარიშის (46,47,48) დებეტში და 68 ანგარიშის კრედიტში. დღგ-ის ბიუჯეტში გადარიცხვა აისახება 68 ანგარიშის დებეტში 51 ანგარიშთან „ანგარიშსწორების ანგარიში“ კორესპოდენციით.

დღგ-ს გადამხდელმა სააღრიცხვო ჟურნალები და საბუღალტრო ჩანაწერები უნდა აწარმოოს იმის გათვალისწინებით,რომ ზუსტად იქნეს წარმოჩენილი დასაბეგრი ბრუნვა, ნულოვანი განაკვეთით დასაბეგრი ბრუნვა და დაუბეგრავი ბრუნვა. გარდა ამისა მატერიალური ფასეულობების შეძენისას ჟურნალში უნდა აისახოს შეძენის თარიღი, საგადასახადო ანგარიშ-ფაქტურების სერიული ნომერი, შეძენილი მატერიალური ფასეულობების ფასი, იმპორტის შემთხვევაში თარიღი და საბაჟო დეკლარაციის ნომერი, მომწოდებლის დასახელება (გვარი, სახელი) და საიდენტიფიკაციო ნომერი. გადამხდელის მიერ საქონლის (სამუშაოს, მომსახურების), მიწოდების (მათ შორის ექსპორტისას) და მატერიალურ ფასეულობათა შეძენის აღრიცხვა ჟურნალებში ხდება განცალკევებით.

გადამხდელი მოქმედი კანონმდებლობის დაცვით უზრუნველყოფს ყველა ჟურნალისა და საბუღალტრო ჩანაწერების, საგადასახადო ანგარიშ-ფაქტურების (მათ შორის მყიდველებზე გაცემული და მომწოდებლებიდან და საბაჟო ორგანოებიდან მიღებული) და სხვა დოკუმენტების შენახვის და საჭიროების შემთხვევაში წარუდგინოს ისინი საგადასახადო ინსპექციის უფლებამოსილ პირს.

    მუხლი 20. დღგ-ის გადამხდელთა პასუხისმგებლობა და საგადასახადო ორგანოების მიერ კონტროლის დაწესება

1. პასუხისმგებლობა დღგ-ს არასწორად გამოანგარიშებისათვის, ბიუჯეტში დროულად გადაუხდელობისა და საგადასახადო ორგანოებში დეკლარაციების დადგენილ ვადებში წარუდგენლობისათვის ეკისრებათ დღგ-ს გადამხდელებსა და მათ თანამდებობის პირებს საგადასახადო კოდექსის მიხედვით, ხოლო, თუ დღგ-ს გადახდევინება შედის საქართველოს საბაჟო ორგანოების კომპეტენციაში, – საქართველოს საბაჟო კანონმდებლობის მიხედვით.

2. საგადასახადო და საბაჟო ორგანოებს, მათი კომპეტენციის ფარგლებში, ევალებათ კონტროლი საგადასახადო კანონმდებლობის გამოყენებაზე საგადასახადო კოდექსისა და საქართველოს საბაჟო კანონმდებლობის მიხედვით.

    მუხლი 21. ფინანსური სანქციები საგადასახადო კოდექსით გათვალისწინებული მოთხოვნების შეუსრულებლობისათვის

1. საგადასახადო კოდექსით გათვალისწინებული მოთხოვნების შეუსრულებლობის შემთხვევაში პირის მიმართ გამოიყენება კოდექსის 252-254-ე მუხლებით გათვალისწინებული ფინანსური სანქციები.

2. გარდა ამ მუხლის პირველი პუნქტით გათვალისწინებული სანქციებისა საგადასახადო ორგანოები ფინანსური სანქციის სახით პირს ახდევინებენ:

ა. დღგ-ს გადამხდელად რეგისტრაციის გარეშე ფუნქციონირებისას – რეგისტრაციის გარეშე ფუნქციონირების მთელი პერიოდის განმავლობაში ბიუჯეტში გადასახდელი დღგ-ს თანხის 100 პროცენტს;

ბ. დღგ-ს საგადასახადო ანგარიშ-ფაქტურაში დასაბეგრი ბრუნვისა და დღგ-ის თანხის ჩაუწერლობის ან არასწორად ჩაწერის, აგრეთვე ანგარიშ-ფაქტურის გამოუწერლობის შემთხვევაში – ამ ანგარიშ-ფაქტურის მიხედვით ან განხორციელებულ ოპერაციაზე კუთვნილი დღგ-ს თანხის 100 პროცენტს.

ინსპექციის უფროსი                        დ. სალარიძე

 

                                       

 

                                                                                                                                     დანართი №1

საქართველოს საგადასახადო ინსპექცია

 

გ ა ნ ც ხ ა დ ე ბ ა

 

დღგ-ს გადამხდელად რეგისტრაციაზე ან

რეგისტრაციის გაუქმებაზე

                                                 

                                              

––––––––––––––––––––––––––––––––––––                 

იურიდიული პირი (დასახელება)                    საიდენტიფიკაციო ნომერი                                                 

––––––––––––––––––––––––––––––––––––––––––––––––––––––               

ფიზიკური პირი (გვარი, სახელი, მამის სახელი)

 

 საქმიანობის კოდი

 

––––––––––––––––––––––––––––––––––––––––––––––––––

მისამართი (ქუჩა, ნომერი, ქალაქი, რაიონი)                  ტელეფონის ნომერი

    

 

 

ჩაწერეთ „X“ შესაბამის უჯრაში და შეავსეთ დეტალები

 

 განცხადება კეთდება დღგ-ს გადამხდელად რეგისტრაციისათვის, დღგ-ს

 შეგროვებისათვის და დღგ-ს ოფიციალური საგადასახადო ანგარიშ-ფაქტურის

გამოყენების უფლების მინიჭებისათვის.

 

 ეს არის სავალდებულო რეგისტრაცია საქართველოს საგადასახადო კოდექსის

|92-ე მუხლის შესაბამისად, ვინაიდან დასაბეგრი ბრუნვა ––––––– პერიოდიდან ––––––––

პერიოდამდე აღემატება 3000 ლარს.

 

ეს არის ნებაყოფლობითი რეგისტრაცია საქართველოს საგადასახადო კოდექსის

93-ე მუხლის შესაბამისად

 

განცხადება კეთდება დღგ-ს გადამხდელად რეგისტრაციის გაუქმებისათვის

საქართველოს საგადასახადო კოდექსის 95-ე მუხლის შესაბამისად.

 

 

ხელმოწერა ––––––––––––––             თარიღი –––––––––––––––––––––

                                            რიცხვი, თვე, წელი

              ბ. ა.

                                                                                                                                           დანართი №2

საქართველოს საგადასახადო ინსპექცია

გ ა ნ ც ხ ა დ ე ბ ა

დღგ-ს გადამხდელად ფილიალის და სხვა ქვედანაყოფის რეგისტრაციაზე ან რეგისტრაციის გაუქმებაზე

 

                                              

                                       

         

––––––––––––––––––––––––––––––––––––             

იურიდიული პირი (დასახელება)                   

 საიდენტიფიკაციო ნომერი                                                

––––––––––––––––––––––––––––––––––––––––––––––––––––––          

    

ფიზიკური პირი (გვარი, სახელი, მამის სახელი)

 

 საქმიანობის კოდი

 

––––––––––––––––––––––––––––––––––––––––––––––––––

მისამართი (ქუჩა, ნომერი, ქალაქი, რაიონი)                  ტელეფონის ნომერი

    

ჩაწერეთ „X“ შესაბამის უჯრაში და შეავსეთ დეტალები

 

 განცხადება კეთდება ფილიალის, განყოფილების და სხვა ქვედანაყოფების

შეგროვებისათვის და დღგ-ს ოფიციალური საგადასახადო ანგარიშ-ფაქტურის

გამოყენების უფლების მინიჭებისათვის.

 

 ეს არის სავალდებულო რეგისტრაცია საქართველოს საგადასახადო კოდექსის

92-ე მუხლის შესაბამისად, ვინაიდან დასაბეგრი ბრუნვა ––––––– პერიოდიდან ––––––

 პერიოდამდე აღემატება 3000 ლარს.

 

ეს არის ნებაყოფლობითი რეგისტრაცია საქართველოს საგადასახადო კოდექსის

93-ე მუხლის შესაბამისად

 

განცხადება კეთდება ფილიალის, განყოფილები და სხვა ქვედანაყოფების დღგ-ს გადამხდელად

რეგისტრაციის გაუქმებისათვის

საქართველოს საგადასახადო კოდექსის 95-ე მუხლის შესაბამისად.

 

ხელმოწერა ––––––––––––––             თარიღი –––––––––––––––––––––

                                            რიცხვი, თვე, წელი

              ბ. ა.                                

 

 

                                                                                                                                                   დანართი №3

 

საქართველოს საგადასახადო ინსპექცია

 

დამატებული ღირებულების გადასახადის გადამხდელის

სარეგისტრაციო

 

ს ე რ ტ ი ფ ი კ ა ტ ი

№

 

ამ სერტიფიკატით დასტურდება, რომ

                    დასახელება––––––––––––––––––––––––––––––––––––––––––––––––––––––––––––

 (გვარი, სახელი)

მისამართი–––––––––––––––––––––––––––––––––––––––––––––––––––––––––––––  

(ქალაქი, რაიონი)

–––––––––––––––––––––––––––––––––––––––––––––––––––––––––––––––––––––

(ქუჩა, ნომერი)

                                              

გადამხდელის საიდენტიფიკაციო ნომერი          

                                              

 რეგისტრირებულია საგადასახადო ინსპექციის მიერ, როგორც დამატებული ღირებულების

გადასახადის გადამხდელი, იგი უფლებამოსილია გადაახდევინოს მომხმარებელს დამატებული

ღირებულების გადასახადი და შესაბამისად გასცეს საგადასახადო ანგარიშ-ფაქტურა

               ძალაშია 199 წ. „–––––––“––––––––––––––

 

––––––––––––––––––––––––––––––––––––––––––––––––––––––––––––––––––––

                                                     (რაიონი, ქალაქი)

საგადასახადო ინსპექციის უფროსი –––––––––––––––––––––––––––––––––––––––   

                                                                         (გვარი, სახელი)

          შევსების თარიღი         '–––––' –––––––––––––– 199 წ.

 

                                                        ბ.ა.

                                                                                                                                                 დანართი №4

 

დამტკიცებულია

                                      საქართველოს საგადასახადო

                                      ინსპექციის მიერ

 

ა ნ გ ა რ ი შ ი

საგადასახადო აგენტის მიერ უკუდაბეგვრის

წესით არარეზიდენტისათვის დაკავებული

დღგ-ის შესახებ

№	არარეზიდენტის დასახელება	შესრულებული სამუშაოს (მომსახურების) დახასიათება	არარეზიდენტისადმი გასაცემი თანხა დღგ-ის გარეშე	დღგ
				%	თანხა

 

ვადასტურებ, რომ ანგარიშში შეტანილი მონაცემები სწორია და მთლიანად ასახავს არარეზიდენტის მიერ შესრულებულ სამუშაოებს და გაწეულ მომსახურებაზე დღგ-ს ამ საანგარიშო პერიოდისათვის

 საგადასახადო აგენტი

                                        ბ.ა.         ხელმოწერა

 

                                                                                                                                                     დანართი №5

 

საგადასახადო ანგარიშ-ფაქტურა №             

 

 დამტკიცებულია     

 საქართველოს საგადასახადო

                                                  ინსპექციის მიერ

 

                    „––––––֧ ––––––––––––––" 199 წ.

                                                                                           

გამყიდველი––––––––––––––––––––––––––––––––––––

      (გადამხდელის დასახელება ან გვარი და სახელი)

 (საიდენტიფიკაციო ნომერი)

 

                                                 

მისამართი ––––––––––––––––––––––––– ტელეფონი

                (ქუჩა, №, ქალაქი, რაიონი)      

 

                          

სარეგისტრაციო სერტიფიკატის №

      

 გაცემის თარიღი ...........

                          

                                                   

მყიდველი –––––––––––––––––––––––––––––––––––––––

          (დასახელება, გვარი, სახელი)        (საიდენტიფიკაციო ნომერი)

 

                                                   

მისამართი ––––––––––––––––––––––    ტელეფონი

                (ქუჩა, N, ქალაქი, რაიონი)

საქონლის (სამუშაოს მომსახურების) დასახელება და მათი ტექნიკუ- რი მაჩვენებლები	ზომის ერთე-ული	მიწოდებუ-ლი საქონლის რაოდენობა	ერთეულის ფასი დღგ-ს დააქციზის გარეშე	მთლიანი საქონლის (სამუშაოს, მომსახურე- ბის) ღირებულება დღგ-ს და აქციზის გარეშე	აქციზი		დღგ		საქონლის (სამუშაოს, მომსახურების) ღირებულება დღგ-ს და აქციზის ჩათ- ვლით
					%	თანხა	%	თანხა
1	2	3	4	5	6	7	8	9	10
						(5X6		(5X7)X8
სულ ანაზღაუ- რებულია

 

მიწოდების თარიღი '–––––'–––––––––––––––' 199 წ.

 

გაყიდვის პირობები –––––––––––––––––––––––––––

 

გადახდის თარიღი '–––––' '–––––––––––––––' 199 წ.

 

საწარმოს ხელმძღვანელი           ბ. ა.

 მთ. ბუღალტერი

შენიშვნა: ბეჭდის გარეშე ძალა არა აქვს, პირველი ეგზემპლარი

 (ორიგინალი) - მყიდველს, მეორე ეგზემპლარი (ასლი) - გამყიდველს

                                                      

                                                                                                                                                        დანართი №6

                                             დამტკიცებულია

                                        საქართველოს საგადასახადო

                                             ინსპექციის მიერ

 

საგადასახადო ანგარიშ-ფაქტურის გამარტივებული

 

ფორმა საქონლის, (სამუშაოს მომსახურების)

 

საცალო მიწოდებისათვის

 

თარიღი ---------------------------------- სერიული ნომერი ----------------------------------------

 

გამყიდველი ---------------------------------------------------------------------------------------------

                         დასახელება, სახელი, გვარი

 

მისამართი ----------------------------------------------------------------------------------------------

საიდენტიფიკაციო ნომერი --------------------------------------------------------------------------

 

საქონლის (სამუშაოს, მომსახურების) დასახელება	ზომის ერთეული	რაოდენობა	სულ თანხა
		სულ

 

ორიგინალი - მყიდველს                 ასლი - გამყიდველს

 

                                              ხელმოწერა

 

                                                                                                                                           დანართი № 7

საქართველოს საგადასახადო ინსპექცია

 

დამატებული ღირებულების გადასახადის ყოველთვიური დეკლარაცია

 

 

დღგ ფორმა №			საგადასახადო პერიოდი
		1	თვე	წელი

 

 დოკუმენტის მდებარეობის ნომერი

 (ივსება საგადასახადო ინსპექციაში)

 

2	ფირმის დასახელება (იურიდიული პირი)	3	გადამხდელის საიდენტიფიკაციო ნომერი
4	გვარი (ფიზიკური პირი) სახელი, მამის სახელი	5	ეკ.საქმ. NACE კოდი
6	მისამართი ქუჩა სახლის ნომერი ქალაქი რაიონი						ტელეფონის №
	გარდაცვალების ან ანულირების თარიღი														1	9	9

 

 

თუ საგადასახaდო პერიოდის განმავლობაში დასაბეგრ ოპერაციებს ადგილი არ ჰქონია ჩაწერეთ „X”   8         საგადასახადო პერიოდის განმავლობაში გადახდილი დღგ დღგ ადგილობრივი მიმწოდებლისათვის დღგ გადახდილი დსთ-ს ქვეყნებში დღგ გადახდილი იმპორტზე დღგ გადახდილი შესყიდვის კორექტირების შედეგად     დღგ ბრუნვაზე საგადასახადო პერიოდის განმავლობაში დღგ ადგილობრივ ბრუნვაზე სხვა გადამხდელებისათვის დღგ ადგილობრივ ბრუნვაზე საბოლოო მომხმარებლისათვის დღგ ექსპორტის ბრუნვაზე დსთ ქვეყნებისათვის დღგ ბრუნვის კორექტირებაზე   17   18   19       დასაბეგრი ბრუნვა. ნულოვან განაკვეთიანი ბრუნვა დაუბეგრავი ბრუნვა     ჯამი დღგ კრედიტის (ჩათვლის) ოდენობა ამ პერიოდისათვის გადასახდელი დღგ ამ პერიოდისათვის		საგადასახადო კრედიტი (ჩათვლა)		გადასახდელი გადასახადი
	9
	10
	11
	12
			13
			14
			15
			16
	20		21
	22
			23

შენიშვნა: დეკლარაციაში მონაცემები ივსება ლარებში

 

II

ამ დეკლარაციით მე-9 სტრიქონზე ჩათვლა განხორციელებულია შემდეგი საგადასახადო ანგარიშ-ფაქტურების მიხედვით (მიეთითოს ანგარიშ-ფაქტურების სერია და ნომერი):

 

 

 

ვადასტურებ, რომ ამ დეკლარაციაში მოცემული ინფორმაცია სწორია და სრული, მთლიანად ასახავს დღგ-ს ყველა საქონელზე, სამუშაოზე და მომსახურებაზე ამ საგადასახადო პერიოდისათვის

 

გადამხდელის ხელმოწერა–––––––––––––––––– თარიღი –––––––––––––––––––––––                         

 ბ.ა.                  რიცხვი, თვე, წელი

დამოუკიდებელი აუდიტორიის ხელმოწერა, თუ ის მომსახურეობას უწევს გადამხდელს დეკლარაციის შედგენაში

                                                     

აუდიტორის ხელმოწერა ––––––– აუდიტორის

 საიდენტი ფიკაციო ნომერი

 ბ.ა.

-------------------------------------------------------------------------------------------------------------

თუ სტრ. 22-ზე მითითებულია დღგ-ს ჩასათვლელი თანხა, ის გამოყენებული იქნება გადასახადის არსებული დავალიანების დასაფარავად.

 დღგ-ს ნებისმიერი ჩასათვლელი თანხა თუ გამოყენებული არ იქნება სხვა გადასახადის დასაფარავად საანგარიშო პერიოდში და გამოყენებული იქნება მომავალი გადასახდელების დასაფარავად, თუ მისი დაბრუნება იქნა გაკეთებული რაიონული საგადასახადო ინსპექციის ან მსხვილ გადამხდელთა ინსპექციის სახელზე.

 თუ საანგარიშო პერიოდში დღგ-ის გადამხდელის დასაბეგრი ბრუნვის არანაკლებ 25 პროცენტისა იბეგრება განაკვეთით ჩასათვლელი დღგ-ის თანხის გადამეტება დარიცხუ ლი თანხის დღგ-ის თანხაზე უბრუნდება გადამხდელს. განცხადების წარდგენიდან 15 დღის განმავლობაში

 

III

 საგადასახადო ინსპექციის აღნიშვნა

 

1. კამერალური შემოწმების შედეგად შეტანილია შემდეგი შესწორებები ––––––––––––––––––––––––––––

–––––––––––––––––––––––––––––––––––––––––

 –––––––––––––––––––––––––––––––––––––––––––––––––––––––––––––––––––––

 

     „–––––“ –––––––––––––––––– 199 წ.

               შემოწმების თარიღი                   (ხელმოწერა)

 

2. ამ დეკლარაცით გადამხდელის პირადი ანგარიშის ბარათზე დარიცხულია (შემცირებულია)

 გადასახდელად –––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––

     „––––“ ––––––––––––––––––– 199 წ.

          გატარების თარიღი           (ხელმოწერა)