„საქართველოს მთავრობის კანცელარიის შექმნის შესახებ“ საქართველოს მთავრობის 2004 წლის 3 მარტის №2 დადგენილებაში ცვლილების შეტანის თაობაზე

საქართველოს მთავრობის

დადგენილება №258

2011 წლის 27 ივნისი

ქ. თბილისი

„საქართველოს მთავრობის კანცელარიის შექმნის შესახებ“ საქართველოს მთავრობის 2004 წლის 3 მარტის №2 დადგენილებაში ცვლილების შეტანის თაობაზე

მუხლი 1

 „ნორმატიული აქტების შესახებ“ საქართველოს კა­ნო­­ნის მე‑20 მუხლის მე‑4 პუნქტის შესაბამისად „საქართველოს მთავ­რობის კან­ცე­ლარიის შექმნის შესახებ“ საქართველოს მთავ­რო­ბის 2004 წლის 3 მარტის №2 დადგენილებაში (სსმ,III ნა­­წილი,  2004 წელი, №31, მუხლი 257) შეტანილ იქნეს ცვლილებები და დამატე­ბე­ბი და დადგენილებით დამტკიცებული დებულების:

1. მე‑2 მუხლს დაემატოს შემდეგი შინაარსის „შ¹“ ქვეპუნქტი:

„შ¹) ქვეყნის მაკროეკონომიკური განვითარების მდგომა­რე­ობ­ის და პროგნოზული პარამეტრების ანალიზს, აღნიშნულის თაობაზე და­ს­­კვნებისა და რეკომენდაციების შემუშავებას და საქართველოს პრე­­მიერ‑­მინის­ტ­რი­სათვის წარდგენას; ძირითადი მონაცემებისა და მი­­მართულ­ებე­ბ­ის დოკუმენტით გათვალისწინებული ფისკალური და მონეტარული პო­ლიტიკის ძირითადი მიმართულებებისა და სა­შ­უ­ა­­ლოვადიანი სტრა­ტეგიების ანალიზს; საგადასახადო პოლიტიკის გან­­ხორ­ციე­ლე­ბის, გადასახადების ადმინისტრირების თაობაზე წი­ნა­და­დებების შე­მუშავებას; ბიზნესის წახალისების, საინვესტიციო პო­ლი­ტიკის გან­ხორციელებისა და უცხოური საინვესტიციო რესურ­სე­ბის მო­ზ­იდ­ვის თაობაზე რეკომენდაციების შემუშავებას და საქარ­თ­ვე­ლოს პრემიერ-მი­ნის­ტ­რისათვის წარდგენას; საქართველოსა და სა­­ზ­ღ­ვარგარეთის ქვეყნებში ფის­კალური პოლიტიკისა და მისი გან­ხორ­­­ცი­ელების ანალიზს;“.

2. მე-3 მუხლის პირველი პუნქტი ჩამოყალიბდეს შემ­დე­გი რე­დაქ­ციით:

„1. საქართველოს მთავრობის კანცელარიის სტრუქტურუ­ლი ერ­თეუ­ლებია:

ა) საქართველოს პრემიერ-მინისტრის აპარატი;

ბ) იურიდიული დეპარტამენტი;

გ) საორგანიზაციო დეპარტამენტი;

დ) საკადრო საკითხთა დეპარტამენტი;

ე) ეკონომიკური დეპარტამენტი;

ვ) საქმისწარმოების დეპარტამენტი;

ზ) საინფორმაციო ტექნოლოგიების დეპარტამენტი;

თ) მმართველობისა და ეკონომიკურ საკითხებში მრჩეველთა ჯგუ­ფი (დეპარტამენტი);

ი) საგარეო ურთიერთობათა საკითხებში მრჩეველთა ჯგუფი (დე­პარტამენტი);

კ) ფისკალურ საკითხებში მრჩეველთა ჯგუფი (დეპარ­ტა­მენ­ტი);

ლ) საპარლამენტო მდივნის სამსახური;

მ) შიდა აუდიტის სამსახური.“.

მუხლი 2

   დადგენილება ამოქმედდეს 2011 წლის 27 ივ­ნი­სი­დან.

პრემიერ-მინისტრი  ნ . გილაური