არასამეწარმეო (არაკომერციული) იურიდიული პირის ხაშურის მუნიციპალიტეტის სახელოვნებო საგანმანათლებლო დაწესებულებების დამთავრების დამადასტურებელი მოწმობის ფორმის დამტკიცების შესახებ

ხაშურის მუნიციპალიტეტის საკრებულოს

დადგენილება №40

2011 წლის 24 ივნისი

ქ. ხაშური

არასამეწარმეო (არაკომერციული) იურიდიული–პირის ხაშურის მუნიციპალიტეტის სახელოვნებო საგანმანათლებლო დაწესებულებების დამთავრების დამადასტურებელი მოწმობის ფორმის დამტკიცების შესახებ

 ,,ადგილობრივი თვითმმართველობის შესახებ" საქართველოს ორგანული კანონის მე-16 მუხლის მე-3 პუნქტის და 43-ე მუხლის მე-2 პუნქტის საფუძველზე,

1. დამტკიცდეს არასამეწარმეო (არაკომერციული) იურიდიული პირის–ხაშურის მუნიციპალიტეტის სახელოვნებო საგანმანათლებლო დაწესებულებების დამთავრების დამადასტურებელი მოწმობების ფორმები (დანართი #1, #2).

2. ეს დადგენილება ძალაში შედის გამოქვეყნებისთანავე.

 საკრებულოს თავმჯდომარე დ. ლომიძე

 დანართი 1

სკოლისგარეშე სახელოვნებო საგანმანათლებლო დაწესებულებების დამთავრების დამადასტურებელი დოკუმენტის–მოწმობის ფორმის მახასიათებლები და აღწერილობა

I. მოწმობა უნდა დამზადდეს 240 მ. ცარცის ქაღალდზე А 4 ზომით

მოწმობის გარეკანზე სამართალსუბიექტის სახელწოდების წარწერა –

ხაშურის მუნიციპალიტეტის გამგეობა და წარწერა – მოწმობა (დიდი შრიფტით) უნდა შესრულდეს შავი ფერით, მოწმობის გარე კანზე ჩარჩო და ლოგო (სკოლისგარეშე სახელოვნებო განათლების დამახასიათებელი ნიშანი)–შინდისფერი ფერით.

მოწმობის მეორე მხარეს ყველა წარწერა (ქართულ და ინგლისურ ენებზე),

ხაზები და მათი ნუმერაცია უნდა შესრულდეს შავი ფერით.

მოწმობის მეორე მხარეს განლაგებული (ქართულ და ინგლისურ ენებზე)

ტექსტი უნდა იყოს ჩასმული შინდისფერი ფერის დეკორატიულ ჩარჩოში კუთხეებში ოთხი    ბორჯღალოსნის ნიშნით.

მოწმობის გარეკანზე (პირველ გვერდზე) ტექსტი იბეჭდება ქართულ ენაზე:

წარწერა – ხაშურის მუნიციპალიტეტის გამგეობა;

წარწერა – მოწმობა;

სკოლისგარეშე სახელოვნებო საგანმანათლებლო დაწესებულებების

დამახასიათებელი ნიშანი   – ლოგო (ვიოლინოს გასაღები, 2 ფუნჯი, 2 ნიღაბი).

II. მოწმობის მეორე მხარეს ტექსტი იბეჭდება ქართულად (მარცხენა მხარე) და

ინგლისურად (მარჯვენა მხარე) ენებზე:

სამართალსუბიექტის სრული სახელწოდება – ხაშურის მუნიციპალიტეტის გამგეობა.

დოკუმენტის დასახელება – სკოლისგარეშე სახელოვნებო სკოლის (სასწავლებლის) დამთავრების მოწმობა

სერია, ნომერი

მიეცა (სახელი,გვარი), რომელმაც ( ) წელს დაამთავრა ( სკოლისგარეშე სახელოვნებო საგანმანათლებლო პროგრამის განმხორციელებელი

დაწესებულების სრული სახელწოდება) და მიიღო შემდეგი შეფასება

(ნუმერაცია ორ სვეტად ერთიდან თორმეტამდე და ხაზები საგნებისა და შეფასების ჩასაწერად)

 დირექტორი (ხელმოწერა)

 მოწმობის გაცემაზე პასუხისმგებელი პირი (ხელმოწერა)

ბ.ა. (დაწესებულების ბეჭედი)

მოწმობის გაცემის თარიღი (რიცხვი, თვე, წელი)

III. ფორმაზე პოლიგრაფიული წესით აღნიშნული უნდა იყოს:

დამამზადებელი პოლიგრაფიული საწარმოს (დაწესებულების) სახელწოდება.

დამკვეთი (სამართალსუბიექტის სრული სახელწოდება)

ტირაჟი