`ტყიბულის მუნიციპალიტეტში საქართველოს ადმინისტრაციულ სამართალდარღვევათა კოდექსით გათვალისწინებულ, თვითმმართველობის უფლებამოსილებას განკუთვნილ, ადმინისტრაციულ სამართალდარღვევათა ოქმის ფორმის, მისი წარმოების, გამოყენებისა და აღრიცხვა-ანგარიშგების წესის დამტკიცების შესახებ~ ტყიბულის მუნიციპალიტეტის საკრებულოს 2011 წლის 11 მაისის №8 დადგენილებაში ცვლილებების შეტანის თაობაზე

ტყიბულის მუნიციპალიტეტის საკრებულოს

დადგენილება №13

2011 წლის 24 ივნისი

ქ. ტყიბული

„ტყიბულის მუნიციპალიტეტში საქართველოს ადმინისტრაციულ სამართალდარღვევათა კოდექსით გათვალისწინებულ, თვითმმართველობის უფლებამოსილებას განკუთვნილ, ადმინისტრაციულ სამართალდარღვევათა ოქმის ფორმის, მისი წარმოების, გამოყენებისა და აღრიცხვა-ანგარიშგების წესის დამტკიცების შესახებ“ ტყიბულის მუნიციპალიტეტის საკრებულოს 2011 წლის 11 მაისის №8 დადგენილებაში ცვლილებების შეტანის თაობაზე

„მკაცრი აღრიცხვის ფორმების შესახებ“ საქართველოს კანონის მე-8 მუხლისა და საქართველოს ფინანსთა მინისტრის 2005 წლის 2 აგვისტოს №669 ბრძანების შესაბამისად, ტყიბულის მუნიციპალიტეტის საკრებულომ დაადგინა:

 მუხლი 1

 შეტანილ იქნეს ცვლილება „ტყიბულის მუნიციპალიტეტში საქართველოს ადმინისტრაციულ სამართალდარღვევათა კოდექსით გათვალისწინებულ, თვითმმართველობის უფლებამოსილებას განკუთვნილ, ადმინისტრაციულ სამართალდარღვევათა ოქმის ფორმის, მისი წარმოების, გამოყენებისა და აღრიცხვა-ანგარიშგების წესის დამტკიცების შესახებ“ ტყიბულის მუნიციპალიტეტის საკრებულოს 2011 წლის 11 მაისის №8 დადგენილებით (საქართველოს საკანონმდებლო მაცნე 17.05.2011წ.) დამტკიცებულ დანართი 1-ის მე-2 მუხლში და ჩამოყალიბდეს შემდეგი რედაქციით:

1. ოქმის ფორმა მზადდება ტყიბულის მუნიციპალიტეტის შეკვეთის საფუძველზე, „მკაცრი აღრიცხვის ფორმების შესახებ“ საქართველოს კანონის თანახმად, კანონმდებლობის შესაბამისად შერჩეულ პოლიგრაფიულ საწარმოში.“

    მუხლი 2

 შეტანილ იქნეს ცვლილება ტყიბულის მუნიციპალიტეტის საკრებულოს 2011 წლის 11 მაისის №8 დადგენილებით (საქართველოს საკანონმდებლო მაცნე 17.05.2011წ.) დამტკიცებულ დანართი 1-ის მე-3 მუხლის პირველ პუნქტში და ჩამოყალიბდეს შემდეგი რედაქციით:

„1. ოქმის ფორმის შენახვა ხორციელდება „მკაცრი აღრიცხვის ფორმების შესახებ“ საქართველოს კანონის მე-8 მუხლის მე-5, მე-6 და მე-7 პუნქტების შესაბამისად.“

 მუხლი 3

 კონტროლი დადგენილების შესრულებაზე დაევალოს ტყიბულის მუნიციპალიტეტის საკრებულოს საფინანსო-საბიუჯეტო და ეკონომიკის საკითხთა კომისიას (ზ. ობოლაძე)

 მუხლი 4

 დადგენილება ამოქმედდეს კანონმდებლობით დადგენილი წესით, გამოქვეყნებისთანავე.

საკერებულოს თავმჯდომარე დ. ქათამაძე