„საქართველოს დედაქალაქის – თბილისის შესახებ“ საქართველოს კანონში ცვლილებებისა და დამატებების შეტანის თაობაზე

საქართველოს კანონი

„საქართველოს დედაქალაქის – თბილისის შესახებ“ საქართველოს კანონში ცვლილებებისა და დამატებების შეტანის თაობაზე

    მუხლი 1.

„საქართველოს დედაქალაქის – თბილისის შესახებ“ საქართველოს კანონში (პარლამენტის უწყებანი, №11-12, 14.03.1998) შეტანილ იქნეს შემდეგი ცვლილებები და დამატებები:

1. 22-ე მუხლის მე-3 პუნქტის „ო“ ქვეპუნქტი ჩაითვალოს „პ“ ქვეპუნქტად და დაემატოს შემდეგი შინაარსის „ო“ ქვეპუნქტი:

„ო) კოორდინაციას უწევს მოქალაქეთა სამხედრო აღრიცხვაზე აყვანას და მათ სამხედრო სავალდებულო სამსახურში გაწვევას;“.

2. 30-ე მუხლის მე-4 პუნქტის „თ“ ქვეპუნქტი ჩაითვალოს „ი“ ქვეპუნქტად და დაემატოს შემდეგი შინაარსის „თ“ ქვეპუნქტი:

„თ) ხელმძღვანელობს სამხედრო განყოფილების მიერ მოქალაქეთა სამხედრო აღრიცხვაზე აყვანას, მათ სამხედრო სავალდებულო სამსახურში გაწვევას და თავმჯდომარეობს გამწვევ კომისიას;“.

    მუხლი 2.

  ეს კანონი ამოქმედდეს 2003 წლის 1 იანვრიდან.

საქართველოს პრეზიდენტიედუარდ შევარდნაძე

თბილისი,

2002 წლის 21 ივნისი.

№1537–IIს