ექსპერტ-იმპორტის ნებართვის დამდასტურებელი დოკუმენტების გაცემის და საქონლის წარმოშობის სერტიფიკატის ფორმა ”A“-ს დამოწმებების უფლების მიცემის შესახებ

სახელმწიფო სარეგისტრაციო კოდი 300.012.004.424

საქართველოს ეკონომიკის, მრეწველობისა და ვაჭრობის მინისტრის

ბრძანება №26

2000 წლის 1 სექტემბერი

ქ. თბილისი

ექსპერტ-იმპორტის ნებართვის დამდასტურებელი დოკუმენტების გაცემის და საქონლის წარმოშობის სერტიფიკატის ფორმა ”A“-ს დამოწმებების უფლების მიცემის შესახებ

საქართველოს პრეზიდენტის 2000 წლის 12 ივლისს №302 ბრძანებულების ”საქართველოს ეკონომიკის, მრეწველობისა და ვაჭრობის სამინისტროს დებულების შესახებ საქართველოს პრეზიდენტის 2000 წლის 26 ივნისის №272 ბრძანებულებაში ცვლილებების შეტანის თაობაზე“, საქართველოს პრეზიდენტის 1997 წლის №72 განკარგულების ”სახელმწიფო და კერძო სტრუქტურებისათვის საექსპორტო საქონლის წარმოშობის დამადასტურებელი ცნობის (სერტიფიკატი ფორმა ”A“) გაცემის“, 1998 წლის 26 ივნისის საქართველოს კანონის ”შავი და ფერადი ლითონების ჯართისა და ნარჩენების ექსპორტისა და რეექსპორტის რეგულირების შესახებ“. 1998 წლის 25 ივნისის საქართველოს კანონის ”საქართველოს ტერიტორიაზე ტვირთსარგებლობის მოწესრიგების შესახებ“, საქართველოს პრეზიდენტის 1998 წლის 28 ივნისის №391 ბრძანებულების, ასევე საქართველოს რესპუბლიკის მინისტრთა კაბინეტის 1995 წლის 23 იანვრის №35, 1995 წლის 10 აგვისტოს №475, 1995 წლის 30 ნოემბრის №744 დადგენილებების შესრულების უზრუნველსაყოფად ვბრძანებ:

1. ექსპორტ-იმპორტის ნებართვის დამადასტურებელი დოკუმენტებისა და საქონლის წარმოშობის სერტიფიკატის ფორმა ”A“-ს გაცემა მოხდეს საქართველოს ეკონომიკის, მრეწველობისა და ვაჭრობის სამინისტროს საგარეო ვაჭრობის ანალიზისა და პროგნოზირების დეპარტამენტის მიერ.

2. ექსპორტ-იმპორტის ნებართვის დამადასტურებელი დოკუმენტებისა და საქონლის წარმოშობის სერტიფიკატის ფორმა ”A“-ს ”წარმოშობის სერტიფიკატის“ აღმნიშვნელი ბეჭდით დამოწმების უფლება მიეცეთ:

ანდრო ზოდელავა – საგარეო ვაჭრობის ანალიზისა და პროგნოზირების დეპარტამენტის დირექტორი;

შალვა კოღუაშვილი – საგარეო ვაჭრობის ანალიზისა და პროგნოზირების დეპარტამენტის დირექტორის მოადგილე.

3. საგარეო ვაჭრობის ანალიზისა და პროგნოზირების დეპარტამენტმა (ა. ზოდელავამ) წარმოადგინოს დასამტკიცებლად დებულება საქონლის წარმოშობის დამადასტურებელი სერტიფიკატის ფორმა ”A“ –ს გაცემის წესის შესახებ 10 დღის ვადაში.

4. ბრძანება ძალაში შევიდეს ექსპორტ-იმპორტის ნებართვის, ასევე საქონლის წარმოშობის სერტიფიკატების გაცემის შესახებ ა/წლის 15 სექტემბრიდან.

5. ძალადაკარგულად ჩაითვალოს ვაჭრობისა და საგარეო-ეკონომიკური ურთიერთობების სამინისტროს 1998 წლის 14 ივლისის №33 და 1998 წლის 9 ნოემბრის №61 ბრძანებებით დამტკიცებული დებულება ”სახელმწიფო და კერძო სტრუქტურებისათვის საექსპორტო საქონლის წარმოშობის დამადასტურებელი ცნობის (წარმოშობის სერტიფიკატის ფორმა ”A“) გაცემის წესის შესახებ“.

6. ბრძანება გაეგზავნოს:

ა) საქართველოს საგადასახადო შემოსავლების სამინისტროს სახელმწიფო საბაჟო დეპარტამენტს;

ბ) GSP-ს ბენეფიციარის სტატუსის მომნიჭებელ ევროკავშირის წევრ ქვეყნებს, აგრეთვე შვეიცარიას, ჩეხეთს, კანადას, სლოვაკეთსა და იაპონიას.

გ) საქართველოს მისიას ევროპის გაერთიანებებთან.

ი. ჩხარტიშვილი