„ქალაქ ბათუმის ტერიტორიაზე ადგილობრივი მოსაკრებლების შემოღების შესახებ“ თვითმმართველი ქალაქის ბათუმის საკრებულოს 2007 წლის 30 იანვრის №1-5 დადგენილებაში ცვლილების შეტანის შესახებ

 თვითმმართველი ქალაქის - ბათუმის საკრებულოს

დადგენილება №31

2011 წლის 21 ივნისი

ქ. ბათუმი

„ქალაქ ბათუმის ტერიტორიაზე ადგილობრივი მოსაკრებლების შემოღების შესახებ“ თვითმმართველი ქალაქის – ბათუმის საკრებულოს 2007 წლის 30 იანვრის №1-5 დადგენილებაში ცვლილების შეტანის შესახებ

       „ნორმატიული აქტების შესახებ“ საქართველოს კანონის მე-20 მუხლის შესაბა­მისად, თვითმმართველი ქალაქის – ბათუმის საკრებულო ადგენს:

1. „ქალაქ ბათუმის ტერიტორიაზე ადგილობრივი მოსაკრებლების შემოღების შესახებ“ თვითმმართველი ქალაქის – ბათუმის საკრებულოს 2007 წლის 30 იანვრის №1-5 დადგენილებაში (გაზეთი „აჭარა“, #24, 14.02.2007 წ., გვ. 8, 9, 10, 15, 16) შევიდეს ცვლილება და დადგენილების მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:

,,ა) მოსაკრებელი მშენებლობის ნებართვისათვის:

ა.ა) ქალაქ ბათუმის ცენტრალურ ზონაში:

ა.ა.ა) ახალი მშენებლობისას სამშენებლო დოკუმენტის პროექტით გათვალისწინებუ­ლი განაშენიანების ფართის 1 კვ.მ.-ზე 1 (ერთი) ლარის ოდენობით.

ა.ა.ბ.) შენობა-ნაგე­ბო­ბებ­ზე ახალი სართულ(ებ)ის დაშენების ან არსებული სარ­თულ(ებ)ის დემონტაჟისას დაშენებული ან/და დემონტირებული ერთი სართულის ფარ­თობის (გარე პერიმეტრიდან) 1 კვ.მ-ზე 1 (ერთი) ლარის ოდენობით;

 ა.ა.გ) შენობა-ნაგებობის ნებისმიერი სართულის განაშენიანების ფართობის შე­ცვლისას დამატებული განაშენიანების ფართობის 1 კვ.მ-ზე 1 (ერთი) ლარის ოდენობით;

ა.ა.დ.) ექსტერიერის (შენო­ბის ფასადის, სახურავის) არქიტექტურული ნაწილე­ბის/ელე­მენტების გაბარიტების ან/და არქიტექტურული ნაწილების/ელემენტების, კონს­ტრუქ­ციების, ტექნიკური საშუალებების დამატება/მოკლების, ასევე, ფასადის მასალისა და ფერის შეცვლისას რეკონსტრუირებული საანგარიშო ზედაპირის ფართობის (სახურავის რეკონსტრუქციისას მისი ფუძის ფართობის) 1 კვ.მ-ზე 1 (ერთი) ლარის ოდენობით;

ა.ა.ე.) შენობის ინტერიერში ან/და ექსტერიერში მზიდ კონსტრუქციაში ღიობის გამოჭრისას ღიობის ფართობის 1 კვ.მ-ზე 1 (ერთი) ლარის ოდენობით;

ა.ა.ვ.) მზიდი ელემენტების რეკონსტრუქციის დროს მზიდ კონსტრუქციასთან დაკავ­შირებული საანგარიშო ჰორიზონტალური სიბრტყის 1 კვ.მ-ზე 1 (ერთი) ლარის ოდენობით. თუკი რეკონსტრუქცია ეხება რამდენიმე სართულს, მოსაკრებელი გაიანგარიშება მხოლოდ ერთი სართულის საანგარიშო ჰორიზონტალური სიბრტყის მიხედვით;

 ა.ა.ზ.) ქსელების რეკონსტრუქციის დროს რეკონსტრუირებული შენობა-ნაგებობის განაშენიანების ფართობის 1/5-ის 1 კვ.მ-ზე 1 (ერთი) ლარის ოდენობით;

ა.ა.თ.) დემონტაჟის დროს დემონტაჟს დაქვემდებარებული შენობა-ნაგებობის განაშე­ნიანების ფართობის 1 კვ.მ.-ზე 1 (ერთი) ლარის ოდენობით;

ა.ა.ი.) ლანდშაფტური მშენებლობის დროს განაშენიანებული ფართობის 1 კვ.მ.-ზე 1 (ერთი) ლარის ოდენობით;

ა.ა.კ) დროებითი შენობა-ნაგებობის მონტაჟი/განთავსების დროს შენობა-ნაგებობის განაშენიანების ფართობის 1 კვ.მ.-ზე 1(ერთი) ლარის ოდენობით;

ა.ბ) ქალაქ ბათუმის შუალედურ ზონაში მშენებლობისას 1 კვ.მ.-ზე 0,9 (ოთხმოცდაათი თეთრი) ლარის ოდენობით (საანგარიშო ფართობი გამოითვლება ამავე მუხლის პირველი პუნქტის ,,ა.ა.“ ქვეპუნქტით დადგენილი წესით);

ა.გ) ქალაქ ბათუმის პერიფერიულ ზონაში მშენებლობისას 1 კვ.მ.-ზე 0,8 (ოთხმოცი თეთრი) ლარის ოდენობით (საანგარიშო ფართობი გამოითვლება ამავე მუხლის პირველი პუნქტის ,,ა.ა.“ ქვეპუნქტით დადგენილი წესით);

ა.დ.) ქალაქ ბათუმის საკურორტო ზონაში (ცენტრალური ზონის განსაკუთრებული ქვეზონა) სამრეწველო ობიექტის ახალი მშენებლობისას სამშენებლო დოკუმენტის პროექტით გათვალისწინებული განაშენიანების ფართის 1 კვ.მ.-ზე 5 (ხუთი) ლარის ოდენობით;

ა.ე) იმ შემთხვევაში, თუ შენობა-ნაგებობის რეკონსტრუქცია მოიცავს რეკონსტრუქცი­ის რამდენიმე სახეს ერთდროულად, მაშინ მშენებლობის მოსაკრებელის გადახდა ხდება მხოლოდ ერთი სახის რეკონსტრუქციისას დადგენილი მშენებლობის მოსაკრებლის ოდენო­ბით, მათგან რომელიც მეტია.“.

2. წინამდებარე დადგენილება ამოქმედდეს გამოქვეყნებიდან მე-15 დღეს.

საკრებულოს თავმჯდომარე გ. კირთაძე