სახელმწიფო სტრატეგიული ობიექტებისათვის სს “ზესტაფონის გ. ნიკოლაძის სახელობის ფეროშენადნობთა ქარხნისა” და სს “ჭიათურმანგანუმისთვის” ელექტროენერგიის ტარიფის დადგენის შესახებ

სახელმწიფო სარეგისტრაციო კოდი 300.280.000.14.011.005.629

საქართველოს ენერგეტიკის მარეგულირებელი ეროვნული კომისიის (სემეკ)

დადგენილება  №18

2002 წლის 30 დეკემბერი

ქ. თბილისი

სახელმწიფო სტრატეგიული ობიექტებისათვის სს “ზესტაფონის გ. ნიკოლაძის სახელობის ფეროშენადნობთა ქარხნისა” და სს “ჭიათურმანგანუმისთვის” ელექტროენერგიის ტარიფის დადგენის შესახებ

     საქართველოს პარლამენტის ბიუროსა და დარგობივი ეკონომიკის კომიტეტის 1999 წლის 10 მაისის გაფართოებული სხდომის №196 საოქმო გადაწყვეტილების, საქართველოს სახელმწიფო მინისტრის 2002 წლის 12 სექტემბრის №88/1 თათბირის ოქმის და 2002 წლის 22 სექტემბრის №336/14 დავალების, 2002 წლის 12 დეკემბერს საქართველოს სახელმწიფო მინისტრის მოადგილე ა.ზოიძესთან გამართული თათბირის №54/5 საოქმო გადაწყვეტილებისა და სემეკ-ში შემოსული №450/2 წერილის, საქართველოს სათბობ-ენერეგტიკის მინისტრთან 2002 წლის 19 სექტემბერს ჩატარებული თათბირის №4/1 ოქმისა და სემეკ-ისათვის გამოგზავნილი 2002 წლის 7 ნოემბერის №01/1520 წერილის, საქართველოს საპროგნოზო ელექტრობალანსის, სს „ზესტაფონის გ. ნიკოლაძის სახელობის ფეროშენადნობთა ქარხნისა“ და სს „ჭიათურმანგანუმის“, როგორც პირდაპირი მომხმარებლის მიერ წარმოდგენილი განცხადების, ეროვნული ვალუტის კურსის ცვლილების, ასევე „ელექტროენერგიის ტარიფების მეთოდოლოგიის, დადგენის წესების და პროცედურების დამტკიცების შესახებ“ სემეკის 1998 წლის 1 ივლისის № 3 დადგენილების გათვალისწინებით, „ელექტროენერგეტიკისა და ბუნებრივი გაზის შესახებ“ საქართველოს კანონის პირველი მუხლის მე-2 პუნქტის “გ” ქვეპუნქტის, მე-4 მუხლის მე-5 პუნქტის „ბ“ ქვეპუნქტის, მე –5 მუხლის პირველი პუნქტის, მე-11 მუხლის პირველი პუნქტის, 42-ე, 43-ე და 44 - ე მუხლების საფუძველზე, კომისიამ დაადგინა:

    მუხლი 1

სს „ზესტაფონის გ. ნიკოლაძის სახელობის ფეროშენადნობთა  ქარხნისა“ და სს „ჭიათურმანგანუმის“ მიერ საქართველოს ელექტროენერგიის საბითუმო ბაზრიდან (სესბი) შესასყიდი ტარიფი

1.სს „ზესტაფონის გ. ნიკოლაძის სახელობის ფეროშენადნობთა ქარხნისა“ და სს „ჭიათურმანგანუმისთვის“ ელექტროენერგიის შესასყიდი ტარიფი განისაზღვროს 1,85 აშშ ცენტის ექვივალენტი თანხის ეროვნულვალუტაში, გადახდის დღისთვის საქართველოს ეროვნული ბანკის მიერ დადგენილი კურსით (დღგ-ის ჩათვლით).

2. ცნობად იქნეს მიღებული, რომ სს „ზესტაფონის გ. ნიკოლაძის სახელობის ფეროშენადნობთა ქარხანასა“ და სესბს შორის 2002 წლის 14 იანვრის №52 და სს „ჭიათურმანგანუმისა“ და სს „ძევრულაჰესს“ შორის 2001 წლის 14 ნოემბრის ხელშეკრულებების, აგრეთვე, სემეკ-ის 2000 წლის 7 სექტემბრის №61 და 2001 წლის 30 ნოემბრის №110 გადაწყვეტილებების გათვალისწინებით, სს „ზესტაფონის გ. ნიკოლაძის სახელობის ფეროშენადნობთა ქარხანას“ და სს „ჭიათურმანგანუმზე“ მიწოდებული ელექტროენერგიაზე, 2002 წლის 1 იანვრიდან, ანგარიშსწორება ხორციელდება ამ დადგენილების პირველი პუნქტით გათვალისწინებული ტარიფით.

    მუხლი 2

სს „ზესტაფონის გ. ნიკოლაძის სახელობის ფეროშენადნობთა ქარხნისა” და სს “ჭიათურმანგანუმის” ელექტროენერგიის შესასყიდი ტარიფის შემადგენელი კომპონენტები

1. წარმოებული ელექტროენერგიის, მისი მიწოდების, გადაცემა-დისპეტჩერიზაციის და ელექტროენერგეტიკული მომსახურების ტარიფები, აშშ ცენტი/კვტ.სთ ეკვივალენტი თანხით ეროვნულ ვალუტაში, გადახდის დღისთვის საქართველოს ეროვნული ბანკის მიერ დადგენილი კურსით:

2. მაღალი ძაბვის ელექტრულ ქსელში ელექტროენერგიის ტექნიკური დანაკარგებისა და მეზობელი ქვეყნების ენერგოსისტემებიდან მიღებული ელექტროენერგიის ღირებულების ანგარიშსწორების კომპონენტებით მიღებული თანხა ჩაირიცხება სესბის ტრანსფერტულ ანგარიშზე და აუნაზღაურდებათ ელექტროენერგეტიკული სექტორის შესაბამის ლიცენზიატებს.

    მუხლი 3. დასკვნითი დებულებანი

1. ამ დადგენილების პირველი მუხლის მე -2 პუნქტი და მე -2 მუხლი, აგრეთვე გამოყენებულ იქნეს ამ დადგენილების ძალაში შესვლამდე წარმოებულ შესაბამის სამართლებრივ ურთიერთობებთან დაკავშირებით.

2. ძალადაკარგულად ჩაითვალოს სს “ზესტაფონის გ. ნიკოლაძის სახელობის ფეროშენადნობთა ქარხნის მიერ მოხმარებული ელექტროენერგიის ტარიფის დადგენის შესახებ” სემეკის 2002 წლის 16 ოქტომბრის №11 დადგენილება.

3. დადგენილება ამოქმედდეს გამოქვეყნებისთანავე

    თავმჯდომარე                 ელ. ერისთავი