„საბაჟო ტარიფისა და გადასახდის შესახებ” საქართველოს კანონში ცვლილებებისა და დამატების შეტანის თაობაზე

საქართველოს კანონი

„საბაჟო ტარიფისა და გადასახადის შესახებ“ საქართველოს კანონში ცვლილებებისა და დამატების შეტანის თაობაზე

საქართველოს პარლამენტი ადგენს:

I. „საბაჟო ტარიფისა და გადასახადის შესახებ“ საქართველოს კანონში (პარლამენტის უწყებანი, №13-14, 8. 04. 1998) შეტანილ იქნეს შემდეგი ცვლილებები და დამატება:

1. მე-18 მუხლის „ო“ ქვეპუნქტში სიტყვის „სამინისტროების“ შემდეგ დაემატოს სიტყვები „და საბაჟო დეპარტამენტის“.

2. მე-20 მუხლის:

ა) მე-3 პუნქტში სიტყვები „ფინანსთა, ეკონომიკის, ვაჭრობისა და საგარეო ეკონომიკური საქმიანობის, სოფლის მეურნეობის სამინისტროებმა“ შეიცვალოს  სიტყვებით „ფინანსთა, ეკონომიკის, ვაჭრობისა და საგარეო ეკონომიკური ურთიერთობების, სოფლის მეურნეობისა და სურსათის სამინისტროებმა, საბაჟო დეპარტამენტმა“;

ბ) მე-5 პუნქტი ჩამოყალიბდეს შემდეგი რედაქციით:

„5. საბაჟო დეპარტამენტმა 1998 წლის 1 დეკემბრამდე შეიმუშაოს და საქართველოს ფინანსთა სამინისტროსთან შეთანხმებით დაამტკიცოს ამ კანონით გათვალისწინებული კანონქვემდებარე ნორმატიული აქტები.“

II. ეს კანონი ამოქმედდეს გამოქვეყნებისთანავე.

საქართველოს პრეზიდენტი ედუარდ შევარდნაძე.

თბილისი,

1998 წლის 13 ოქტომბერი.

№1631–Iს